Hiibru Yaab 6:18 - UWONBƆR A GBƆNPƆŊ LIKƆƆNL

¹⁸ Uwonbɔr ŋa tiwann tilee nan le taa jɔɔ kpenimi, ti ma ye limɔsiinl nin tipoor tan bu wee ni li pɔɔ nin Uwonbɔr n por tibɔkar. Mambu tim ban kan wunwoon bol u ban ni, ni ŋan nin ti li ŋmag ti tama kan be ti nintogilin nin lipoobil kenken.

Uwumbɔr aagbaŋ

¹⁸ Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

Hiibru Yaab 6:18 ပူးပေါင်းရင်းမြစ်များ

Matiu 24:35

Paab nin tum na li jo, amaa n bɔr kaa jɔɔ tin jo.

Matiu 3:7

Amaa waah nan nan kan Farasii yaab nin Sadusi yaab takpem mu chaan u ban ke un fu bi Uwonbɔr a nyunful nan, le u bei bi ke, “Nim iwaalab a buwaab nan! Ŋma kpaan ni ke ni guun ki nya Uwonbɔr a ŋuufiiŋ kan yin dan ni bu nan naa?

Tibɔnyaan ti Luk ŋmee ti na 2:25

Uja uba le nan be Jerusalam, bi nan yi u ke Simiɛn. U nan ye uninfo buchinn le ki sin ŋmag Uwonbɔr a siimin nbamɔm, le Kasi a Naaŋ nan be u bu, ki lig lidaal man wee Uwonbɔr na li fee Iziral yaab ki jaa.

Rom Yaab 15:5

Uwonbɔr wan tenn limɔril nin ngbananpɔɔn nin un sei ni nmɔkpaa a tinaaŋ wee ni li nɔɔ Masiya,

Rom Yaab 3:25

Uwonbɔr nan ta U le ki mann tibir a manug, baah ŋa u chamin yada-n bu. U tun man ki ban un wɔɔn u bamɔn le, nan bu-n, U nan jɔɔ limɔril, kaa dar bininfob ban tun tibir n-yonn man wee Yisa Masiya kaa la nan dan dulinya nan yaan nin a tuli yi,

Rom Yaab 3:4

Naa ye man ni! Che Uwonbɔr ma le ye ubamɔndaan na, wee uninfosaal biɛn mu le ye tibɔkardaan na. Ke naah sɔb Uwonbɔr a gbɔŋin man nin: “Na li ŋa man wee bin ke fin Uwonbɔr a bɔr ŋan ni ye a pag ke le uba mu kaa yin fir faaŋ limɔkpel a bɔr a jimin ni.”

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

Filipi 2:1

Ni ye ni jɔɔ ngbananpɔɔn man nyan ni mɔkpaam man wee ni jɔɔ nin Masiya n ke, wee u bamin che ni sufu sɔɔn, wee ni jɔɔ nɔɔnintab nin kinaaŋin ke, wee ki jɔɔ nbinben ŋan nin tab ki san tab a nyunyunbaag ke,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

1 Tesalonika 1:10

ki li guu U bija wan yin nyann papaab ki dan nin, wan wee U fiin nkumin nin, Uma ye Yisa wan nyan ti Uwonbɔr a ŋuufiiŋ kan chaan nin yaan.

1 Timoti 1:1

Min Pɔɔl wan wee Uwonbɔr ŋaam Masiya a toomin, wan ye ti feeru nin Masiya wan bu wee ti jɔɔ tama-n,

1 Timoti 6:12

Kɔm likɔnŋanl nin yada. Li ŋmag limiɛfol lan kaa jɔɔ diɛmin, lan bu wee Uwonbɔr nan yiŋin, wee a ŋa siɛra ŋaŋ ki kpiir ki wɔɔn siɛradam takpemin.

2 Timoti 2:13

ni ye taa si bogiliba ke, uma le yin si bogiliba le, nan bu-n waa li fir yii u baantɔɔl a binbemi.

Taitus 1:2

yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

Hiibru Yaab 11:7

Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Hiibru Yaab 3:11

Le N nan poo tipoor N ŋuufiiŋin bu ki ke, ‘Baa li kan lifooril N ban ni.’

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 6:17

Nan bu-n Uwonbɔr kaah nan ban Un wɔɔn ban na yin kan U mɔsiinlin a gbeemin, ibamɔn ke waa yin kpenn waah bon man nin bu, le U nan poo tipoor.

Hiibru Yaab 7:19

(nsiim nmɔn kaa nan fir ŋa niba kasi), mambu le Uwonbɔr wɔɔn ti tama kan ŋan, nan che ti fɔɔr mal Uwonbɔr.

Hiibru Yaab 7:21

amaa Yisa nan ŋa biminmanib a yudaau nin tipoorin le, n-yonn man wee Uwonbɔr nan bei u ke, “Uyudaan poo tipoora le kaa yin kpenn U potiɛli ‘A ye uminmann wan a toon kaa jɔɔ diɛm le.’”

1 Jɔnn 1:10

Ni ye ti ke taa jɔɔ tibir ke, man ke ti ta Uwonbɔr le ki ŋa tibɔkardaan le U mɔleen yin kaa be ti ban ni.

1 Jɔnn 5:10

Wan biɛn ŋa Uwonbɔr a bija nan yada jɔɔ siɛra nan u sufu ni. Wan kaa ŋa Uwonbɔr yada ta U ki labir tibɔkardaan na, nan bu-n waa ŋa yada Uwonbɔr a siɛra kan wee U jin U bija-n bu.