Hiibru Yaab 4:7 - UWONBƆR A GBƆNPƆŊ LIKƆƆNL

⁷ Ni ma bu, le Uwonbɔr ji siin lidaal liba, ki yi lidaal nmɔn ke dinan, ni bɔɔn bu ni nan yuura le u ni nan che Defid pag lidaal nmɔn a bɔr, a li ke naah pii nan len man Uwonbɔr a gbɔŋin ke: “Dinan, ni ye ni gbir U kukɔl ke, ni laa ŋa tukangbirdami.”

Uwumbɔr aagbaŋ

⁷ Nima pu le Uwumbɔr ki siin nwiin mu bi ga kan lifuur ngbaan na, ki yin nwiin ngbaan ke “Din.” Binib ngbaan aa kan lifuur ngbaan; le ŋibin pam jer, le David nan ŋmee Uwumbɔr Aagbaŋ ni, naah nan puen ŋmee pu na ke, “Ni yaa ŋun Uwumbɔr aaneel din wee kan, ni taa cha nitafal li pɔɔ.”

Hiibru Yaab 4:7 ပူးပေါင်းရင်းမြစ်များ

Matiu 22:43

Le u baan bi ke, “Ke ba ŋa wee kinaaŋ a pɔɔm bu wee Defid nan yin u ke u Uyudaan naa? Nan bu-n u nan len ke,

Tibɔnyaan ti Mak ŋmee ti na 12:36

Kasi a Naaŋ le nan gbeen Defid, le u ke, ‘Uwonbɔr nan bei n Yudaau ke, kalim n nɔɔjiim paam hali nin maah na li che a dataam nkpann a taai a tɔɔn bol.’

Tibɔnyaan ti Luk ŋmee ti na 20:42

Defid baan tɔɔl nyan pag Ilan a gbɔŋin ke, ‘Uyudaan nan bei n yudaau ke: “Kalim n nɔɔjiim paam

Lituln 2:29

Le Piita ji mann len ke, “N na a buwaab n li fir pag nin tidindann ke ti yaaja ubɔr Defid kpo le bi pii u, ke u kaag la be nin dinan.

Lituln 2:31

Defid kaah pii nan kan nan yin tun nin bu, le u nan pag Masiya a kum a fiim bu, ki ke Masiya nmɔn kaa na yin paar kitakpiin tiŋi, le u gbanann mu kaa na yin buri.”

Lituln 28:25

Le limɔkpel nan dan bi sisiigin le bi piin ki worin, baah gbir Pɔɔl a mɔboi joor kaai n-yaa bɔɔn ke. “Kasi a Naaŋ nan pag ibamɔn le ki sei ulinlenn Azaya, le u pag ki sei ni Yaajam:

Hiibru Yaab 3:15

A li ke maah pii bi len ke, “Dinan, ni ye ni gbir U kukɔl ke, ni laa ta niba ŋa tukangbirdami, ke ban kɔnn nin bininkpeeb kaah nan ŋa man ki yii Uwonbɔr nni.”