Hiibru Yaab 4:2 - UWONBƆR A GBƆNPƆŊ LIKƆƆNL

² Ti mu gbir tibɔŋann nmɔn ke baah nan gbir ti man nin le; amaa baah nan gbir tibɔŋann nmɔn taa nan jɔɔ tinyɔɔr ki sei bi, nan bu-n baa nan ta tibɔŋann nmɔn ki kpiɛ bi yada ni.

Uwumbɔr aagbaŋ

² Ti mu ŋun tibɔnyaan tee ke binib ngbaan aah nan ŋun ti pu na. Bi nan ŋun ti, kaa gaa ti ki kii, nima le tibɔnyaan ngbaan aa ŋa bi tinyoor.

Hiibru Yaab 4:2 ပူးပေါင်းရင်းမြစ်များ

Lituln 13:46

Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban.

Lituln 3:26

Uwonbɔr kaah nan gann U toon tun wi, u nan chinn tun u ni ban le, ke un kpenn ni pootom a binbem wee u kaar n nin fir pii ni.”

Rom Yaab 2:25

Lipunjiil jɔɔ bu ni ye ni ŋmag nsiimin ke, amaa ni ye ni bii nsiimin ke, ni yin be le ke ban kaa jii-n.

Rom Yaab 3:3

Ni ye bi ni bibam kaa si bogiliba ke, bi kaa si bogiliba nmɔn li fir bii Uwonbɔr mu wee U laa si bogilibaa?

1 Korenti 13:3

Ni ye n ta maah jɔɔ nan biɛn ki sei faladam, hali ki nan ta n gbanann sei bin nyɔɔ nŋmi wee kaa sin jɔɔ njiɛm ke, maa jɔɔ tinyɔɔri.

Galantiya 3:2

N ban n biɛ niwann niba le kpeŋileŋ ni ban: Naah ŋmag Uwonbɔr a siimin bu le che ni gaa Kinaaŋin bee naah gbir tibɔŋannin ki ŋa ti yada-n buu?

Galantiya 3:8

Ni ji sɔb dɔ Uwonbɔr a gbɔŋin ke, bininfob ban kaa ye Juu yaab nan a bɔr na li ŋaŋ bi yada bu. Baah kaa la nan gbir tibɔŋannin n-yonn man nin le U nan chinn mɔɔn ti sei Abiraham ke, “Fin bu, N li kaab tikaar jaa dulinya nan yaab biɛn bu.”

Galantiya 4:13

Ke naah nyi man nin, maah nan bu-n bu le n nan chinn ki mɔɔn tibɔŋann nan ki sei ni.

1 Tesalonika 1:5

nan bu-n tibɔŋann tan foon ni ban nin, kaa nan ye imɔleen a binba, amaa ti nan jɔɔ npɔɔn le nin Kasi a Naaŋ. Le ban nan mɔɔn ti-n chee ti nin yada. Taah nan be ni ban nin, ni nan nyi ti binbem kaah ye man nim bu.

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

1 Timoti 4:8

Tigbanann a tunim jɔɔ tinyɔɔr ti ba ti ni, amaa nwonjiɛn binben jɔɔ tinyɔɔr niwann biɛn ni, ki ŋmag limɔsiinl lan tun daandaan nan nin iyoo yan la chaan nin.

Hiibru Yaab 11:6

Naa ye yada ke uba kaa li fir tun wee nin gbee Uwonbɔr a numi, nan bu-n wan biɛn dan Uwonbɔr ban ke ni ŋan udaan li jɔɔ yada ke Uwonbɔr be, ki ye wan tenn ban ban u nin inunman tinyɔɔr.

Hiibru Yaab 3:12

N nabum, ni li nyi wee ni ni uba laa jɔɔ sufu birug kan li che un fɔɔr ki jiɛn Uwonbɔr wan ye limiɛfol daan nin ban ni.

Hiibru Yaab 4:6

Ni le la biɛn nin ye man le ke biba na li kɔɔ lifooril nmɔn yaan, amaa ban nan chinn ki gbir tibɔŋann nmɔn nin kaa nan kɔɔ lifooril nmɔn yaan ni, nan bu-n bi mɔyiil nbu.

Jemisi 1:21

Mambu, ni nyam niwann nan biɛn ye tijaginn nin nbinben biin nin, wee ki jiin niba tum ki gaa imɔleen yan wee bi ta sei nin, imɔleen nmɔn le li fee ni ki jaa.

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.