Hiibru Yaab 4:12 - UWONBƆR A GBƆNPƆŊ LIKƆƆNL

¹² Uwonbɔr a mɔbonl fo le ki tun itoon. Ki ka ki jon ijumɔɔŋ ilee, ki fin jiil uninfosaal ki piir u naaŋ nin u miɛfol, ki kɔɔ for u tugiri nin u kpabi a nsugirim, tibɔr nmɔn le ji feen ki biɛr usaal a sufu a binbem, nin u potiɛl kaah be man.

Uwumbɔr aagbaŋ

¹² Uwumbɔr aabɔr fu, ki kpa mpɔɔn, ki ka jer kijuk ki ka ŋipepel mɔmɔk ŋilee na, ki koo unii aasui ni, ni waawiin ni, ki lik usui ni aabɔbɔrkaan aah bi pu na, ki mɔk waalandak aah bi pu na, ki lik usui aah ban pu na, ke ni ŋan aan naa ŋan.

Hiibru Yaab 4:12 ပူးပေါင်းရင်းမြစ်များ

Tibɔnyaan ti Luk ŋmee ti na 8:11

“Libɔŋal nan a taai ye nan le: Ndibimin li ye Uwonbɔr a bɔr.

Jɔnn 12:48

Wan yii min kaa ŋaan maah len man nin ke u daan a bɔjiru be; nan li ku u idajoorikaa ye n mɔleen yan n pagin le.

Jɔnn 6:51

Min le ye boroboro kan fo-n wee ki nyan paabin. Ni ye uninfo wan ŋman boroboro nan ke, u yin be le ki gbaa be. Boroboro nan le ye n gbanann, tan wee n yin ta sei dulinya, dulinya nan a miɛfol bu.”

Lituln 2:37

Bininfobin kaah nan gbir man ni, le bi sufu nan bii takpem, le bi baan Piita nin u tooi tabin ke, “Ti na a buwaab ti yin ŋa nii?”

Lituln 4:31

Baah miɛ Uwonbɔr ki diɛ nan, le baah be kudiig kan a poolin nin degin. Le Kasi a Naaŋ gbeen bi biɛn nan, le bi pag Uwonbɔr a bɔr nin lipoobil.

Lituln 5:33

Juu yaab a yudamin kaah gbir man n-yonn man nin, le bi ŋuui fii, le bi ban bin ku bi.

Lituln 7:38

Moziz nmɔn ji nan be nin Iziral yaab kaah lagin kukunkɔɔg a paab, nin malaka wan nan pag sei u Sinai a jɔɔl bu-n, nin ti yaajam; le u nan gaa limiɛfol a mɔboi ki ta sei ti.

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

1 Korenti 1:24

Amaa ban wee Uwonbɔr yin bin, Juu yaab nin Girig yaabin, bi ma nyi Masiya kaah ye Uwonbɔr a pɔɔm nin u lam.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

Efesusi 5:13

Amaa ni ye nwonween wonn niwann biɛn bu ke, ni nya npaan ni le ki ga,

Efesusi 5:26

ki nan ban bi li be kasi, ki nan ta Uwonbɔr a mɔleen ki ŋunn bi nnyumin,

Efesusi 6:17

Ni ta feeja kpann utɔtogir a jabig ki chig, nin Uwonbɔr a bɔŋann tan ye Kasi a Naaŋ a takoobi ki li ŋmag.

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.

Hiibru Yaab 6:5

Ni li pɔɔ ki sei ban len Uwonbɔr a bɔr a ŋam nin n-yonn man chaan nin a bɔr,

Jemisi 1:18

U yaa wiib bu le U ma ti, ibamɔn a mɔleen yin bu, ke nin che ti kpann u bininkpeem waah naan nan biɛn ni.

1 Piita 1:23

Ni ma bu, ni ji kan nmaam jigin na, naa ye biwanboolib ban buri, amaa biwanboolib ban kaa bur, Uwonbɔr a mɔleen yan jɔɔ limiɛfol, ki be iyoo yan kaa jɔɔ diɛmin bu.

Tibɔkpiirkaan 1:16

U nan ŋmag iŋmabil ilile le u nɔɔjiim, le takoobi kaaŋ kan jɔɔ imɔɔŋ ilee nyan u mɔnn. Le u num paam nyagin ke nwosisiigin nin.

Tibɔkpiirkaan 19:15

Le takoobi kan ka nyan u mɔn, le u li ta ki kɔn nyaŋ ibol. “U li ta kukurug a jaangbiɛg ki ŋmag bi.” Ki li taan bi ke baah taan isiloon a daam man nin, ni ma ye Uwonbɔr wan ye npɔɔn biɛn daan a ŋuul nin u ŋuufiiŋ.

Tibɔkpiirkaan 19:21

Takoobi kan nan nyan utaan jigirin a mɔn nin, le u nan ta ku ban gurin biɛn, le nnɔɔm biɛn jin bi gbanann kpiinn ki nan gbee.

Tibɔkpiirkaan 2:16

Mambu ni kpenn ni binbem ma! Naa ye man ke, n li dan daandaan nan ki nan ta takoobi kan nyan n mɔbin nin ki kɔnn bi.

Tibɔkpiirkaan 2:23

N li ku u buwaab. Le biwonjiɛm a laginn biɛn n biɛ ke min le ye wan dibir bininfob a sufu nin bi potiɛl, le n li yɔ ni biɛn ni ŋaar bu.

Tibɔkpiirkaan 20:4

Iyaayoo le n kan tinaangbann, le bi sei ban ka ti bu-n tininkper a pɔɔm ke bi li ji tibɔr. Le n kan baah nan tugir ban a yuli yin a naam, baah nan jin Yisa a siɛra nin Uwonbɔr a mɔleen n bu. Baa nan jiɛn kuwanbiigin bee ki nunaŋi, kaa gaa ki daagim bi yutun bu bee bi nɔɔi bu. Bi jirin bi miɛfolin le bi ma nin Yisa lagin ŋmag nnaam ibin turil.