Hiibru Yaab 4:1 - UWONBƆR A GBƆNPƆŊ LIKƆƆNL

¹ Mambu, Uwonbɔr kaah siin limɔsiinl ke U li sei ti lifooril lan nin kaah la si nbu, ni che ti choo tiba wee uba laa nan lann lifooril nmɔn ni.

Uwumbɔr aagbaŋ

¹ Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

Hiibru Yaab 4:1 ပူးပေါင်းရင်းမြစ်များ

Matiu 24:48

Amaa ni ye utoontunn nmɔn a pool to wee u tiɛr ke, ‘N ninkpelu kaa yin kunn weem,’

Lituln 3:19

Mambu, ni kpenn ni binbema ki dan Uwonbɔr ban, wee un ŋunn ni toonbir, ni ŋa man na wee npɔŋim a yonn nnya Uyudaan ban ki foon,

Rom Yaab 11:20

Ni ye ibamɔn le. Baah kaa nan ŋa yada-n bu le Uwonbɔr nan gaa bi par gab, amaa le fin si a yada bu. Laa jɔɔ kalanbaani amaa li san Uwonbɔr.

Rom Yaab 3:23

nan bu-n, ti biɛn nan ye tibirdam le ki par Uwonbɔr a pag,

1 Korenti 10:12

Ni bu wan nyi ke u si nbamɔm ke, un choo u bau wee ki laa lu.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Galantiya 5:4

Nim ban pɔɔn ni ba ke Uwonbɔr n len ke ni bɔr ŋan nsiim a ŋmagim bu-n, ni pii bɔgir ni ba Masiya ban na, ki nyan ni ba Uwonbɔr a nyunyunbasanl n-yaan na.

2 Timoti 2:13

ni ye taa si bogiliba ke, uma le yin si bogiliba le, nan bu-n waa li fir yii u baantɔɔl a binbemi.

Hiibru Yaab 12:15

Ni laa che uba n nan lann Uwonbɔr a nyunyunbasanli, wee nin laa che nton a sibonl npa ki yabig ni sufu-n ni wee nin ta kuŋmaruŋ ki dan ki bii bininfob takpemi.

Hiibru Yaab 12:25

Ni laa nyi yii Uwonbɔr wan pag nan ni. Ni ye baa nan ŋmar baah nan yii wan a kpaan yin dulinya nan yaan nin ban ke, ŋma nin nan chaa baan timaa, ni ye ti labir ti bɔɔn kpaa wan be papaab ki kpaan ti nan ke naa?

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.

Hiibru Yaab 3:11

Le N nan poo tipoor N ŋuufiiŋin bu ki ke, ‘Baa li kan lifooril N ban ni.’

Hiibru Yaab 4:11

Ni ma bu, ni che ti pɔɔn tiba wee ki kɔɔ lifooril nmɔn yaan, wee ti ni uba laa nɔɔ limɔyiil a sam ki nan lu.

Hiibru Yaab 4:9

Mambu lifooril daal le la si le ki sei Uwonbɔr a ninfob;