Hiibru Yaab 3:6 - UWONBƆR A GBƆNPƆŊ LIKƆƆNL

⁶ Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Uwumbɔr aagbaŋ

⁶ Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

Hiibru Yaab 3:6 ပူးပေါင်းရင်းမြစ်များ

Matiu 10:22

Uninfo biɛn na li nan ni. Naah nɔɔ min bu; amaa wan nan fir sir nin nton nan a joorim ke, u li kan nŋmarim.

Matiu 16:18

N beiŋ le Piita, a ye litangbagil le; litangbagil nan bu le n yin ta biwonjiɛm a laguŋ ki tɔɔn; le nkum kaa li fir nyaŋ bi.

Matiu 24:13

Amaa wan nan sir kenken ki tan kpaa ndiɛm ke u li kan feegab.

Rom Yaab 11:22

Lig Uwonbɔr kaah jɔɔ nbinben ŋan nin inunkoon man: U nunkoon yin tɔɔ ban lu-n bu le, amaa le u binben ŋamin tɔɔ a bu, ni ye a le laa be nin U binben ŋam nmɔn ke. Naa ye man ke U li gaa fin tɔɔl gab.

Rom Yaab 12:12

Ni che ni li mɔ na ni tama ni, ki li jɔɔ limɔril ni bɔr mugkaarin, ki li jɔɔ yada ni wonmiɛlin.

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

2 Korenti 6:16

Kuwonjiɛndiig nin kutingbandiig jɔɔ baa a mɔcheel nin tab baa? Tim le ye Uwonbɔr wan fo-n a diig. A li ke Uwonbɔr kaah len ke, “N li be nin bi, ki li choon nin bi, Ki li ye bi Wonbɔru, wee bi mu ye n ninfob.”

Galantiya 6:10

Mambu, taah kan nsan nin ti li tun itoon ŋan, ni che ti li tun itoon ŋan ki tenn bininfob biɛn na, naah dii tɔɔ ban bu le ye ban ye biwonjiɛm a niin yaab.

Galantiya 6:9

Mambu ni laa che ti bag itoon ŋan a tum bu, ni ye taa jiɛn itoon ŋan a tum ke ti na li kan tinyɔɔr n-yonn man chaan nan.

Efesusi 3:12

Taah ŋa Yisa yada ki be u ni nbu, le ti jɔɔ lipoobil ki li foo Uwonbɔr ban, nin tidindann.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

1 Tesalonika 5:16

Ni che ni li mɔ ni iyoo biɛn na;

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

1 Timoti 3:15

ni ye maa dan weem ke, kugbɔŋ nmɔn li che a biɛ bininfob a binbem kaah ye man Uwonbɔr a niin, ban ye Uwonbɔr wan fo a wonjiɛmin, ki ye kijaantelig nin ibamɔn a fiɛl.

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Hiibru Yaab 10:19

Mambu, n nabum, taah jɔɔ tidindann ke ti na li kɔɔ kasi mu a kasi a bolin Yisa a chamin bu-n,

Hiibru Yaab 10:21

nin taah jɔɔ uminmann wan yab ki ŋmag Uwonbɔr a niin nin,

Hiibru Yaab 10:23

Ni che ti li ŋmag taah jɔɔ tama kan ki pag ki bɔrin wee ki laa yeŋi, nan bu-n wan siin limɔsiinlin nmɔn ye yada daan le.

Hiibru Yaab 10:35

Mambu ni laa ta ni dindanin ki gabi; nan bu-n ni nyɔɔr na li yab.

Hiibru Yaab 11:1

Yada a ŋaam ye taah kaa jɔɔ nbiɛnim nin nan wee ti jɔɔ tama ni bu-n, wee ti num kaa ga nin.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 4:11

Ni ma bu, ni che ti pɔɔn tiba wee ki kɔɔ lifooril nmɔn yaan, wee ti ni uba laa nɔɔ limɔyiil a sam ki nan lu.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

Hiibru Yaab 4:16

Ni bu ni che ti fɔɔr mal Uwonbɔr wan ye unyunyunbasann nin a naangbɔŋin ban nin tidindann, wee ti kan linyunyunbasanl n-yonn man wee ti ban.

Hiibru Yaab 6:11

Ti ban ni biɛn li jɔɔ inunman le hali nin ndiɛm, wee nin che naah jɔɔ tama nan bu-n nin sin ŋa ibamɔn.

Hiibru Yaab 6:18

Uwonbɔr ŋa tiwann tilee nan le taa jɔɔ kpenimi, ti ma ye limɔsiinl nin tipoor tan bu wee ni li pɔɔ nin Uwonbɔr n por tibɔkar. Mambu tim ban kan wunwoon bol u ban ni, ni ŋan nin ti li ŋmag ti tama kan be ti nintogilin nin lipoobil kenken.

Hiibru Yaab 7:19

(nsiim nmɔn kaa nan fir ŋa niba kasi), mambu le Uwonbɔr wɔɔn ti tama kan ŋan, nan che ti fɔɔr mal Uwonbɔr.

1 Piita 1:8

Hali naah kaa le kan u nni, amaa ni jiɛ u; nin hali naah kaa le la kan u daandaan nan gbaa, ni ŋaa u yadau, mambu le ni gbee nin nmɔn man kaa jɔɔ magimi,

1 Piita 2:5

ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.

1 Piita 4:17

Ni ma bu isaŋ foou nin Uwonbɔr npiin ki ji U niin yaab tibɔra; ke ni ye ni yin piin nin tim ke, ke ban kaa chee Uwonbɔr a bɔŋann nin yaal na li be nii?

Tibɔkpiirkaan 2:18

Ki ji ke “Sɔb sei Tayatira yaab a wonjiɛm a malaka ke: Uwonbɔr a bija wan a numbili nann nŋmipeen wee u taafar nyagin ke kukurug kan nyagin nin a mɔleen sɔ.

Tibɔkpiirkaan 2:25

Ni le li ŋmag nan wee ni jɔɔ-n hali nin maah na li dan.

Tibɔkpiirkaan 2:26

Wan fir nyaŋ ki tun maah ban man hali ki nan kpaa ndiɛm ke, n li sei u tininkper a pɔɔm wee un ŋmag ibol biɛn.

Tibɔkpiirkaan 3:11

N chaan le daandaan nan. Ni li ŋmag nan wee ni jɔɔ nna, wee uba laa nan fee ni naam a yuchigirigi.