Hiibru Yaab 3:14 - UWONBƆR A GBƆNPƆŊ LIKƆƆNL

¹⁴ Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Uwumbɔr aagbaŋ

¹⁴ Ti yaa beenin tii u naadii ke taah nan tii u naadii njan pu na ki ti saa ndoon kan, ti ga ji waamɔɔn.

Hiibru Yaab 3:14 ပူးပေါင်းရင်းမြစ်များ

Rom Yaab 11:17

Ni ye Uwonbɔr gaa kisiig nmɔn a bon iba par ke, wee nim ban ye olif a siigin yan pan itɔɔl wee bi gaa isiig iba ki nan tugin ni wee ni nyu ni pɔɔm nya olif a siigin yaan nin,

Rom Yaab 11:22

Lig Uwonbɔr kaah jɔɔ nbinben ŋan nin inunkoon man: U nunkoon yin tɔɔ ban lu-n bu le, amaa le u binben ŋamin tɔɔ a bu, ni ye a le laa be nin U binben ŋam nmɔn ke. Naa ye man ke U li gaa fin tɔɔl gab.

1 Korenti 1:30

U ma Uwonbɔr bu le nim be nin Masiya, le u tenn ti U tɔɔl a lam. U ma ŋa ti bibuchim, ki ŋa ti kasi, le ki sei ti nkpenim a manug.

1 Korenti 10:17

Ni ye boroboro konl liba le, amaa tim yaba, le ki lagin ki ŋa gbanann tiba, nan bu-n taah lagin ki ŋman boroboro konl liba n bu.

1 Korenti 9:23

Tibɔŋann nbu le n tun ni niɛ nan biɛn, ke n nan ji ni nyɔɔr.

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

1 Timoti 6:2

Biyom ban a yudam ye biwonjiɛmin n laa ziɛn bi, nan bu-n bi ye nnabum le nin tab. Amaa ni ye bin mann ter bi le nbamɔm, nan bu-n ban ji bi toon nmɔn a nyɔɔr ye biwonjiɛm le, ban wee biyudamin jiɛ. Ni niɛ le ye nan wee ni li jɔɔ wɔɔn ki pɔɔgir bi gbanann.

Hiibru Yaab 11:1

Yada a ŋaam ye taah kaa jɔɔ nbiɛnim nin nan wee ti jɔɔ tama ni bu-n, wee ti num kaa ga nin.

Hiibru Yaab 12:10

Ti baam nan ti kpaan ti le wama baah tiɛr ke ni ŋan man; amaa Uwonbɔr ma kpaan ti le naah ŋan sei ti bu, naah li ŋa man wee ti por u kasi a binbemin.

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 6:11

Ti ban ni biɛn li jɔɔ inunman le hali nin ndiɛm, wee nin che naah jɔɔ tama nan bu-n nin sin ŋa ibamɔn.

Hiibru Yaab 6:4

Ni li pɔɔ ki sei bininfob ban wee Uwonbɔr wonn bi numin, ban nyi len paab a piini wee ki nan por kasi a Naaŋ a piini ki sei tabin.

1 Piita 4:13

Amaa ni che ni li mɔ na nin naah por ki ji Masiya a fala-n bu, wee ni nan kan nmɔn takpen u pagin a kpiirimin.

1 Piita 5:1

Nim ban ye bininkpeeb ni sisiigin ni, n balin ni le maah ye ni ninkpekpiɛgin, wan jin siɛra Masiya a fala a jim nin min wan na li kan n tol u pag a kpiirimin nin:

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.