Hiibru Yaab 2:18 - UWONBƆR A GBƆNPƆŊ LIKƆƆNL

¹⁸ Yisa tɔɔl kaah nan kan nbiginim ki jin fala nbu, u li fir ter ban wee nbiginim kan bin.

Uwumbɔr aagbaŋ

¹⁸ Uma ubaa le kan ntɔŋ ki jin falaa, nima le u ga ŋmaa ter binib bi kan ntɔŋ na.

Hiibru Yaab 2:18 ပူးပေါင်းရင်းမြစ်များ

Tibɔnyaan ti Luk ŋmee ti na 22:28

Nim li ye ban nan si n chaŋ n fala a jimin.

Tibɔnyaan ti Luk ŋmee ti na 22:53

N nan be nin ni le idaa biɛn iwonjiɛn niin, le naa ta ni nɔɔ ki ma mi. Amaa iyoo nan le ye ni yonni, n-yonn man wee libunbɔnl a pɔɔm ŋmag dulinya nan.”

Jɔnn 10:29

N Baa, wan ta i sei mi, yab jon ni biɛn na; uba kaa li fir fee i n Baa a nɔɔn ni.

1 Korenti 10:13

Nbigim le kaa be ki nyaŋ ni see nbigim man be nin uninfosaal biɛn n yaa binba. Uwonbɔr ye u bamɔndaan le, waa li che nbigim n foon ni ban ki jo ni pɔɔm a tarigi. Amaa ni ye nbigim foon ni ban ke, u ji li fir naan nsan ki sei ni wee ni nɔɔ nya ki mann sir mi bu.

Filipi 3:21

Uma wan ta u pɔɔm ki lagin niwann biɛn u nintogilin, u li kpenn ti gbanann tan kaa pɔɔ-n ki ŋa ti u jilima a gbanann.

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

Hiibru Yaab 5:2

U li fir ŋmag ban kaa nyi-n, nin ban borin soon, nan bu-n u tɔɔl ye wan jɔɔ idaburig le.

2 Piita 2:9

Ni ye Uyudaan ŋa man biɛn ke, U nyi waah li ŋa man ki fee ban ye biwonjiɛmin ki jaa bi mugilin, amaa le ki guu ban kaa ye bibuchimin tibɔr a ji daal, nin waah na tugir ki dar bi tuli man.

Juud 1:24

Uwonbɔr wan li fir ŋmag ni wee ni laa lu-n, U li ta ni ki siin U nintogil U pag kan kaa jɔɔ igalin ki jɔɔ nmɔn takpen nin bu.

Tibɔkpiirkaan 3:10

Naah nyigin wee ki jɔɔ limɔril ki ŋmag n siimin bu, n na li nyan ni limugil lan yin foon ki nan mag ban be dulinya nan yaan biɛn nin.