Hiibru Yaab 13:7 - UWONBƆR A GBƆNPƆŊ LIKƆƆNL

⁷ Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.

Uwumbɔr aagbaŋ

⁷ Ni teer man nimi aayidam bi tuk nimi Uwumbɔr aabɔr na, ki li teer baamɔfal aah doo pu na, ki li beenin dii Yesu aasan ke baah nan dii pu na.

Hiibru Yaab 13:7 ပူးပေါင်းရင်းမြစ်များ

Matiu 24:45

“Utoontunn u la ba ye yada daan bee ulandaan wan wee u ninkpelu ta u ki ŋa utoontunn ninkpel ke u li lig u toontunn tab, ki li tenn bi tijiir nin naah kpaan bin ji iyoo yan ni naa?

Tibɔnyaan ti Luk ŋmee ti na 12:42

Le Uyudaan jiin ke, “Utoontunn u la baa jɔɔ nlam ki tun ke u baa kaah ke u tum man naa? U ma ye wan wee u baa yin che u ŋa bitoontum nmɔn a ninkpelu, wee ki li lig u toontum ban biɛn be u niin nmɔn, ki li tenn bi tijiir n-yonn man kpaan nin bin ji.

Tibɔnyaan ti Luk ŋmee ti na 5:1

Weem ba daal le Yisa nan si Genesareti a mɔgilin a gbaam, le kuninfogbaluŋ nan si ki jin u ki pelig Uwonbɔr a bɔr.

Tibɔnyaan ti Luk ŋmee ti na 8:11

“Libɔŋal nan a taai ye nan le: Ndibimin li ye Uwonbɔr a bɔr.

Lituln 13:46

Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban.

Lituln 14:23

Le Pɔɔl nin Banabasi nan gann biwonjiɛm a laguŋ ni biba le ki ŋa bi bisanliib tiwonjiɛndir biɛn nin, le ki lol bimɔb ki miɛ Uwonbɔr, ki ta bi ŋa Uyudaan wan wee bi gaa u jin nan a nɔɔn.

Lituln 4:31

Baah miɛ Uwonbɔr ki diɛ nan, le baah be kudiig kan a poolin nin degin. Le Kasi a Naaŋ gbeen bi biɛn nan, le bi pag Uwonbɔr a bɔr nin lipoobil.

Rom Yaab 10:17

Ni ma bu yada a ŋaam nya baah gbir imɔleen nin yaan le, imɔleen nin mu a gbirim nya Masiya a bɔrin a mɔɔnimin le.

1 Korenti 10:13

Nbigim le kaa be ki nyaŋ ni see nbigim man be nin uninfosaal biɛn n yaa binba. Uwonbɔr ye u bamɔndaan le, waa li che nbigim n foon ni ban ki jo ni pɔɔm a tarigi. Amaa ni ye nbigim foon ni ban ke, u ji li fir naan nsan ki sei ni wee ni nɔɔ nya ki mann sir mi bu.

1 Korenti 11:1

Ni li be ke maah be man nin nna, ke n mu kaah be ke Yisa kaah be man ni.

1 Korenti 4:16

Mambu n balin ni le, ni li nɔɔ n binbem ma.

Filipi 3:17

N nabum, nim nin ni tabin biɛn li nɔɔ maah mag man ki wɔɔn ni nna, wee ki biɛ ban a binbem nɔɔ nsan man wee ti nan sei ni-n.

1 Tesalonika 1:6

Ni nan toog tim nin ti Yudaau a binbem le; nin naah nan ji fala kan nin biɛn yɔli, ni nan gaa tibɔŋann nmɔn le nin npopeen man wee Kasi a Naaŋ ta sei ni-n.

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

2 Tesalonika 3:7

Ni baan tɔɔl nyi nbamɔm ke ni ni ye ni li tun le ke taah tun man ni. Taah nan be ni ban nin, taa nan san ligbanyagil,

2 Tesalonika 3:9

Nan bu che ti tun nin kaa ye ke taa bi li fir ji ni wan yɔli amaa ti ŋa limagil le ki wɔɔn ni ke ni li nɔɔ.

1 Timoti 3:5

(Ni ye wan kaa nyi waah li ŋa man ki ŋmag u niin yaab ke, u yin ŋa nii wee ki ŋmag Uwonbɔr a ninfobaa?)

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

Hiibru Yaab 13:24

Ni poor ni sanliib nin Uwonbɔr a ninfobin nan. Itali yaab poor ni.

Hiibru Yaab 6:12

Taa ban ni ŋa bigbanyagdami, amaa ni toog ban nan ŋa yada wee ki jɔɔ limɔrilin na, wee nin che ni kan lifaal lan wee Uwonbɔr nan siin limɔsiinlin.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.

Tibɔkpiirkaan 1:9

Min, Jɔnn wan ye ni nabig, wee ki ye ni kpiɛg ti fala-n nin ti naamin nin ti mɔril a nyiginimin nan ye ti yaan Yisa bu-n, wee ki nan be ligungonl lan be nnyum a sisiigin Patmosi-n Uwonbɔr a mɔleen bu nin maah ye Yisa a siɛra bu-n.

Tibɔkpiirkaan 20:4

Iyaayoo le n kan tinaangbann, le bi sei ban ka ti bu-n tininkper a pɔɔm ke bi li ji tibɔr. Le n kan baah nan tugir ban a yuli yin a naam, baah nan jin Yisa a siɛra nin Uwonbɔr a mɔleen n bu. Baa nan jiɛn kuwanbiigin bee ki nunaŋi, kaa gaa ki daagim bi yutun bu bee bi nɔɔi bu. Bi jirin bi miɛfolin le bi ma nin Yisa lagin ŋmag nnaam ibin turil.

Tibɔkpiirkaan 6:9

Waah nan tabir kuwan tabin waŋ kan kpiɛ miŋmu-n, le n kan ban wee bi nan kɔrin a tinnaam kumanug a binbinlin a nyagilin, nan bu-n Uwonbɔr a mɔleen nin siɛra kan wee bi nan ŋmagin.