Hiibru Yaab 13:5 - UWONBƆR A GBƆNPƆŊ LIKƆƆNL

⁵ Ni choo niba nin ilig a jiɛma, wee ki che ni num ngbee nan wee ni jɔɔ-n, nan bu-n Uwonbɔr len ke, “Maa li nyi ki jiɛn ni; maa li nyi ki yii ni.”

Uwumbɔr aagbaŋ

⁵ Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

Hiibru Yaab 13:5 ပူးပေါင်းရင်းမြစ်များ

Matiu 6:19

“Laa jɔɔ a jɔɔm ki woog dulinya nan yaan ni, nan yaan wee ikootug nin gamlali nin ndundum li mɔɔ ki bii mi; bee binaayigib na li kɔɔ ki su.

Matiu 6:25

“Mambu n bei ni le, ni laa che ni mugir ni limiɛfol bu, nin naah li ji nan bee naah li nyu nan bu; bee ni gbanann ni, naah li yee nan bu. Limiɛfol kaa ŋan jon tijiiraa, le tigbanann kaa ŋan jon tiwann yeewann naa?

Matiu 6:34

Mambu, ni laa che ke won a bɔr mugir ni, lidaal biɛn jɔɔ libɔmug kaar lan kpaan li le.

Tibɔnyaan ti Mak ŋmee ti na 7:22

nin kujaŋuuŋ, nin kininaŋ, nin kularug, nin ijagɔɔr toon, nin lipiiponl, nin kutingbiig, nin kalanbaani ki kpiɛ ijɔr toon.

Tibɔnyaan ti Luk ŋmee ti na 3:14

Le bitɔtob mu baan u, “Ti mu yin ŋa nii?” Le u jiin ke, “Ni laa feen iligi, ki laa por tibɔkar ki paag bininfob bu; che ni num n gbee ni yɔr tan wee ni gaan nin.”

Tibɔnyaan ti Luk ŋmee ti na 8:14

Man mu lu ikunkon ni nan, nann bininfob ban gbir Uwonbɔr a bɔr wee ki sin ji che bi sufu be dulinya nan a njɔɔm nin linunchɔril bir lan be dulinya nan yaan ni, ti nyagin Uwonbɔr a bɔr n bu le bi sufu ni, le taa yin lo iloon ni.

Rom Yaab 1:29

Bi sufu gbee nin npooton a booli le, nin titoonbir nin kujaŋuuŋ nin nan kaa jɔɔ bu. Bi gbee nin linunchɔril le, nin lininfo kul, ki kɔnn nin tab, ki lar tab, ki nan tab. Bi ye bi bɔɔn sub le,

1 Korenti 5:11

Amaa n sɔb ki bei ni ke ni laa jɔɔ nɔɔ nin tab nin ban yi biba ke biwonjiɛm wee ki sin chon tun iwanchɔgin toon lipiibanl bee lijabanl, bee kujaŋuuŋ bee libawomanil bee kutingbiig bee bidanyub bee ban ji bitab dulim. Ni laa lagin ki ka nin u yaadaan ki ji tijiiri.

1 Korenti 6:10

bee binaayigib, bee kujaŋuuŋ, bee bidanyub bee bitingbiib, bee ban ji tab dulim bi niɛ nan biɛn kaa na yin kɔɔ Uwonbɔr a naamin ni.

2 Korenti 4:9

Bi mugir ti takpem, amaa Uwonbɔr kaa jiɛn ti. Bi fa ti jaa tum, amaa kaa ku ti.

Efesusi 5:3

Amaa ni laa che ti gbir iwanchɔgin toon lipiibanlin bee lijabanlin a wama ni sisiigin ni, bee ki laa tun tijaginn a toon iba, bee kujaŋuuŋ, nan bu-n naa ŋan nin Uwonbɔr a Kasi a ninfob li be man ni.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

2 Piita 2:14

Bi num gbee iwanchɔgin toon le, baa jiɛn tibir a tumi; le ki lar ban kaa si bogiliba-n; ki ye ban nyi kujaŋuuŋ a toon, limɔpool be bi bu!

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

Juud 1:11

Bi woo tibɔbir be bi bu! Bi gaa Kenn a toon le, bi ban tinyɔɔr le weem weem le ki kɔɔ Balaam kaah kɔnn nin bininkpeeb; le ni bii bi Kɔra mɔyiilin bu.