Hiibru Yaab 13:4 - UWONBƆR A GBƆNPƆŊ LIKƆƆNL

⁴ Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

Uwumbɔr aagbaŋ

⁴ Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

Hiibru Yaab 13:4 ပူးပေါင်းရင်းမြစ်များ

1 Korenti 5:13

Uwonbɔr le yin ji ban kaa ye biwonjiɛmin tibɔr. “Ni ŋɔɔr bipootondamin ni ban na.”

1 Korenti 6:18

Ni guun nya iwanjaab toon nin na man. Tibir tan biɛn wee uninfosaal tun kaa be u gbanann ni, amaa wan tun iwanjaab toon ke, u tun ki bii u tɔɔl a gbanann le.

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

1 Korenti 7:38

Ni bu wan kɔɔn u jakpeŋ ke ni ŋan, amaa wan mu kaa kɔɔn u jakpeŋ ke, u tun nan ŋan ki jon wan kɔɔn u jakpeŋa.

1 Korenti 9:5

Nsan kaa be nin ti ta uwonjiɛnpii ki che u li nɔɔ ti choon ke ti toontuntab nin ti Yudaau a watiib nin Piita kaah ŋaan man n naa?

2 Korenti 5:10

Nan bu-n ti biɛn na li sir Masiya a nintogil tibɔr a ji daal; uninfo biɛn na li gaa u yɔr u toon kaah nan ye man waah nan be tigbanann nan yaan ni, naah ŋan naa, naa kaa ŋan naa u yɔr le yen.

Galantiya 5:19

Tigbanann a binbem be npaan ni le, ni ma ye: Iwanchɔgin toon lipiibanlin bee lijabanlin, tijaginn a toon, nwanchɔgin binben,

Galantiya 5:21

nin linunchɔril, lidanyugbeel, nin lidanyugbeel a toonbir, nin ban tun man a booli. N bei ni le ke maah pii nan bei ni man nin, ban tun man nmɔn kaa na li kɔɔ Uwonbɔr a naamin ni.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

1 Tesalonika 4:6

ni ma bu tibɔr nan yaan uba laa tun ki bii u kpiɛg bee ki ji u kpiɛg dulimi. Uyudaan li dar bininfosaalib ban biɛn tun tibir nan a booli a tul, ke taah pii chinn bei ni ki kpaan ni man nin.

1 Timoti 3:12

Ni kpaa le nin utiter li jɔɔ upii uba kpeŋileŋ ki ji li ye wan li fir ŋmag u buwaab nin u niin yaab biɛn nbamɔm.

1 Timoti 3:2

Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

1 Timoti 3:4

Ni kpaa talar le nin u li ye wan fir ŋmag u niin yaab nbamɔm, wee u buwaab mu li tenn u jilima.

1 Timoti 4:3

Bi kɔɔg bininfob le lipiikɔɔnl nin lijakunl, nin tijiir tibam a jim, tan wee Uwonbɔr naan ki ta sei tim ban ŋa u yada ki nyi ibamɔn nin, ke ti ga wee ki sei U kunɔɔpoogin.

1 Timoti 5:14

Ni bu n kpaan bipiisapɔm ban ye ipukɔɔ nbiɛn le ke bin kum bijab, ki maa nbuwaab, ki li lig bi niin nbamɔm wee ki laa che kidataagin n kan npaan ki ŋa kutingbiigin.

Taitus 1:6

Naa ŋan nin uninkpel li jɔɔ igalin ni, u li ye wan jɔɔ upii uba kpeŋileŋ, le u buwaab mu li ye ban jɔɔ yada, ki laa ye tukangbirdami.

Hiibru Yaab 12:16

Ni laa che ni ni uba n tun iwanchɔgin toon upiibanlin bee ujabanlin ni, bee kaa jɔɔ nwonjiɛn binben ke Esɔɔ, wan nan kɔɔr u ninkper a faal kisaayiig kiba bu nni.

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.