Hiibru Yaab 13:16 - UWONBƆR A GBƆNPƆŊ LIKƆƆNL

¹⁶ Ni laa tam itoon ŋan a tumi, ki li por tab naah jɔɔ nan na, man a manug le Uwonbɔr a num gbee.

Uwumbɔr aagbaŋ

¹⁶ Ni teer man aan ki li tun lituln li ŋan na, ki yakr naah kpa ni na tii tɔb man. Nima le ye kitork ki ga piir Uwumbɔr aasui mbamɔm na.

Hiibru Yaab 13:16 ပူးပေါင်းရင်းမြစ်များ

Tibɔnyaan ti Luk ŋmee ti na 18:22

Yisa kaah nan gbir man ni, le u bei u ke, “Niba le laa pariŋ. Kɔɔr tiwann tan biɛn wee a jɔɔ-n na, wee ki ta sei faladama, wee ki li jɔɔ lifaal paab wee ki dan ki nan nɔɔm.”

Lituln 10:38

ni biɛn nyi Uwonbɔr kaah gbeen Yisa wan nyan Nazarif nan U pɔɔm man, ki sei u Kasi a Naaŋ nin npɔɔn nin waah nan choon ki tun itoon ŋan ki teb ban biɛn nan be ulinlarin a pɔɔmin ni, nan bu-n Uwonbɔr le nan be u ban.

Lituln 9:36

Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

Rom Yaab 12:13

Ni li por naah jɔɔ nan ki tenn Uwonbɔr a ninfob ban ye bilanjiimin na. Ki li ŋaan bininfob tiŋann na.

Galantiya 6:10

Mambu, taah kan nsan nin ti li tun itoon ŋan, ni che ti li tun itoon ŋan ki tenn bininfob biɛn na, naah dii tɔɔ ban bu le ye ban ye biwonjiɛm a niin yaab.

Galantiya 6:6

Bininfob ban gaa Uwonbɔr a bɔŋann nin a wɔɔmin, ni kpaa le nin bin por baah jɔɔ niwann ŋann nan biɛn ki sei wan wɔɔnn bi.

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

Filipi 4:14

Amaa ni nan tun tiŋann pam nin naah nan terim n bɔr mugkaarin.

Filipi 4:18

N gaa tiyɔr takpem ke ti yab tan lagira; n nin jɔɔ nan biɛn wee n ban, maah gaa ipiin yan biɛn wee ni nan ta sein Ipaforɔditusi n ni. Ki ye kumanug kan jɔɔ nbaam mɔɔm wee Uwonbɔr a num gbee le.

1 Tesalonika 5:15

Ni laa che uba nta tibir ki yɔ tibiri, amaa ni pɔɔn niba ki li jɔɔ nbinben ŋan nin tab nin uninfo biɛn.

2 Tesalonika 3:13

Amaa nim ma bu ke, n nabum, ni laa ke ni bagir itoon ŋan a tum bu.

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

Filemonn 1:6

N miɛ Uwonbɔr le ke a li tun nin linunmanl ki li por yada kan wee a jɔɔ-n, wee nin che a biɛ nbamɔm niwann ŋan nan biɛn wee ti jɔɔ Masiya ni-n.

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

3 Jɔnn 1:11

N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.