Hiibru Yaab 12:2 - UWONBƆR A GBƆNPƆŊ LIKƆƆNL

² Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

Uwumbɔr aagbaŋ

² Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.

Hiibru Yaab 12:2 ပူးပေါင်းရင်းမြစ်များ

Matiu 16:21

Naah nan nyan iyaayoo ki jɔɔ chaa, le Yisa nan piin ki bei u bɔɔnɔɔb ke ni kpaa le ke un jo Jerusalam, amaa kitiŋ a ninkpeeb, nin biminmanib a yudam, nin ban wɔɔnn Uwonbɔr a siim nan, li mugir u takpem ki ku u; amaa iweehn itaa daal Uwonbɔr li fiin u nkumin.

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Tibɔnyaan ti Mak ŋmee ti na 14:36

“N baa, n baa, niba li kaa be le ŋaa li fir tun ni. Laa che n nyu kiyiinyɔɔg nan yaan ni; Amaa che a yaa bam le n tun, wee ni laa ye n yaa bami.”

Tibɔnyaan ti Mak ŋmee ti na 15:28

Le ni gbeen nan sɔb Uwonbɔr a gbɔŋin ke, “Bi ŋa u le ke baah ŋaan titoonbirdam man nin.”

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Tibɔnyaan ti Mak ŋmee ti na 9:12

Le Yisa bei bi ke, “Ibamɔn see ke Elaja chinn, ke un nan mann tiwann yɔɔr biɛn nbamɔm. Ba ŋa wee ni sɔb Uwonbɔr a gbɔŋin ke, Uninfosaal a Big na li ji fala, wee bin yii waa?

Tibɔnyaan ti Mak ŋmee ti na 9:24

Libol nmɔn le uja-n paa yigin papaab ki ke, “N ŋaŋ yadau, terim ni wee n ŋaŋ yada ki kpiɛ.”

Tibɔnyaan ti Luk ŋmee ti na 17:5

Le itoon ni nin bei Uyudaan ke, “Kpiɛ ti yada ni.”

Tibɔnyaan ti Luk ŋmee ti na 23:11

Le Herɔd nin u tɔtogib nan daar u nyɔɔrug. Le ki nan ta daala ŋaŋ kan peen ki nyagin ki yeen u ki ta u jiin Palati ban.

Tibɔnyaan ti Luk ŋmee ti na 24:26

Naa ye ni kpaa le ke Masiya n ji fala nmɔn, wee ki nan kɔɔ u pagin naa?”

Jɔnn 1:29

Ni nan wonn le Jɔnn nan kan Yisa kaah chaan u ban le ki ke, “Lig, Uwonbɔr a Peebig, wan nyann dulinya nan a birin!

Jɔnn 12:24

N bei ni ibamɔn le, ndibim kaa nan lu tum ki bur ke, mu lee la ye mu ba le. Amaa mu bur ke, mu li naan kidibin gbaluŋ.

Jɔnn 12:32

Amaa min, bi nan yuurim kutingbɔŋ nan yaan paab ke, n li dar bininfob biɛn dan n ban.”

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 8:56

Ni nan mɔ ni baa Abiraham le ke u nan kan n dam dulinya nan yaan; u nan kan na le u pool sɔŋ.”

Lituln 2:36

“Mambu ni che Iziral yaab biɛn n biɛ ni niɛ: Yisa wan wee ni nan kpa u lidapunpunl bu-n, U ma le Uwonbɔr ŋa u Uyudaan nin Masiya.”

Lituln 3:15

Nim le ku limiɛfol daan nmɔn, amaa le Uwonbɔr fiin u nkumin. Le tim le ye ni siɛradam.

Lituln 5:31

Le ki don u ki tan kaan U baan tɔɔl a nɔɔjiim paam, ki ŋa u ki Bɔrbig nin Ufeer, ke Iziral yaabin kpenn bi binbema, wee un jiɛn bi toonbir ki per bi.

Lituln 5:41

Le itoon nin nan nyan Juu yaab a yudamin ban nin nmɔn, nin baah kpaan nin bin ji ifa Yisa a yinl bu-n.

1 Korenti 1:18

Masiya a kum lidapunpunlin bu-n a bɔr ye ijɔrig le ki sei ban borin, amaa tim ban kan feegabin n ma ni ye Uwonbɔr a pɔɔm le.

1 Korenti 1:23

amaa ti mɔɔn Masiya a kum lidapunpunl bu nle: Tibɔr nmɔn ye litangbag gbiɛrikaal le Juu yaab ban, le ki ji ye ijɔr leen ban kaa ye Juu yaabin ban.

Efesusi 2:16

Masiya a kum lidapunpunlin bu, ku kidataag kan be bi sisiigin nin, ki taa bi ki lagin tigbanann tiba kpeŋileŋ, ki taa bi jir mɔŋ nin Uwonbɔr.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Filipi 1:6

n jɔɔ tidindann, ki nyi ke Uwonbɔr wan piin itoon ŋan nan nin ni-n, u yin ŋmag ni man le hali nin n-yonn man wee u na yin diɛ itoon ŋan nmɔn, Masiya a jirin daal.

Filipi 3:20

Amaa tim ye papaab a tinbum le. Ti ŋa sili le ki guu ufeer wan yin nya niin ki dan nin, Uma ye Uyudaan Yisa Masiya,

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Hiibru Yaab 1:13

Malaka u la ba wee Uwonbɔr la nyi ki bei u ke, “Kalim n nɔɔjiim paam, hali nin maah na li che, a dataam n kpann a taai a tɔɔnbol laa”?

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 10:14

nan bu-n kumanug kiba nmɔn le u che ban wee u nyan bi tibirin ki ŋaan bi kasi hali nin iyoo yan kaa jɔɔ diɛm.

Hiibru Yaab 10:33

Iyonn iba bi nan ti sugir ni le ki mugir ni npaan ni; le iyonn iba mu ke ni ti kpiɛg ban wee bi mugir nbu le ki ji fala.

Hiibru Yaab 11:36

Bi nan daar bibam nyɔɔrug le ki boo bi, le ki lol bibam tikulor ki kɔɔn bibam mu tiloondirin.

Hiibru Yaab 12:3

Ni li tiɛr waah kan limugil tibirdam ban kaa nan chee win a nɔɔn nin bu, wee nin laa che ni gbanann ngbarig wee ni ta ni yada gabi.

Hiibru Yaab 13:13

Ni che ti jo u ban kulaguŋ nmɔn a gbaam, ki tan ji ifa yan wee u jin nin.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

Hiibru Yaab 7:19

(nsiim nmɔn kaa nan fir ŋa niba kasi), mambu le Uwonbɔr wɔɔn ti tama kan ŋan, nan che ti fɔɔr mal Uwonbɔr.

Hiibru Yaab 8:1

Nan bu wee ti len ni niɛ nan ye nan le: Ti jɔɔ biminmanib a yudaau, wan kal paab a naamin a naangbɔŋ nbu Jilimadaan a nɔɔjiim paamin,

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

Jemisi 2:1

N nabum naah ŋa ti yudaau Yisa Masiya wan ye kupag daan nin yada man ni, ni laa gann tabi.

1 Piita 1:11

ke bin kan iyoo yan nin naah li ŋa man wee Masiya a Naaŋ kan be bi ni nan chinn kan le ki wɔɔn bi Masiya a fala a jim nin kupag kan li ŋɔɔrin.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

Juud 1:21

Ni li ŋmag niba Uwonbɔr a jiɛmin yaan na, ki li guu Uyudaau Yisa Masiya a nyunyunbasanl lan na yin ta ni ki kɔɔ limiɛfol lan kaa jɔɔ ndiɛmin yaan.

Tibɔkpiirkaan 1:11

ki len ke, “Sɔb nan wee a kan nan ki ŋa kugbɔŋ kpabkaagin ki ta tan sei biwonjiɛm a laginn a kerim milile-n na: Ti ma ye Efesusi, nin Simarina, nin Pagamum, nin Tayatira, nin Sadusi, nin Filadelifiya nin Laodisiya.”

Tibɔkpiirkaan 1:17

Maah nan kan u n-yonn man nin le n lu u ta tum ke utakpiirin. Le u ta u nɔɔjiim ki paan nbu ki len ke, “Laa san bijawaami. Min le ye Npiinim nin Njoorim.

Tibɔkpiirkaan 1:8

“Min le ye Npiinim nin Njoorim,” Uyudaan Uwonbɔr le len man, “Min wan be, nin wan nan be, nin wan yin dan, npɔɔn biɛn daan.”

Tibɔkpiirkaan 2:8

Le u ji ke “Sɔb sei Simarina a wonjiɛm a malaka ke: Wan ye Npiinim nin Njoorim, wan nan kpo wee ki ji fii nkumin nin a mɔleen sɔ.