Hiibru Yaab 12:14 - UWONBƆR A GBƆNPƆŊ LIKƆƆNL

¹⁴ Ni pɔɔn niba ki li jɔɔ nposɔɔn nin bininfob biɛn wee ki li be kasi; naa jɔɔ kasi a binbem ke uba kaa li fir kan Uyudaan ni.

Uwumbɔr aagbaŋ

¹⁴ Ni mɔmɔk pɔɔ nibaa ki li kpa kimɔbaan man, ki li bi chain. Unii umɔk kaa ye chain na aan kan Tidindaan.

Hiibru Yaab 12:14 ပူးပေါင်းရင်းမြစ်များ

Tibɔnyaan ti Mak ŋmee ti na 9:50

“N-yaam mɔ; amaa n-yaam a mɔm nan sagir ke, a yin ŋa nii wee min ji mɔŋaa? Ni che ni binbem le be ke n-yaamin, wee nmɔn li be nim nin ni tab a sisiigin.”

Tibɔnyaan ti Luk ŋmee ti na 1:75

ki li be kasi ki li jɔɔ nbuchin binben u ban iyoo biɛn.

Rom Yaab 12:18

Ni ye a bi li fir ke, naah tɔɔ a bu nan, li be nin nposɔɔn nin uninfo biɛn na.

Rom Yaab 14:19

Mambu ni che ti pɔɔn ti ba ki tun nan li ta nposɔɔn dan nin nan li pɔɔg tab a sufu ti yada-n.

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

1 Korenti 1:10

N nabum, n balin ni le ti Yudaau Yisa Masiya a yinlin, ke ni biɛn chee sei taba wee nbɔgirim laa be ni sisiigin ni, wee ni li jɔɔ nmɔkpaa man pɔɔ nin lipotiɛl liba.

1 Korenti 13:12

Daandaan nan ti ga amaa nin nann taah lig niɛnu le, taa ga nbamɔmi; amaa n-yonn chaan le ti na li kan nbamɔm nin nnumbim. Daandaan nan n nyi wama le amaa n-yonn chaan le n na li biɛ ni biɛn ke Uwonbɔr kaah nyim biɛn man ni.

2 Korenti 6:17

“Man bu ni nya bi ban na, ki li jɔɔ nbɔgirim, Uyudaan le len man. Ni laa maa niwann nan ye tijaginn ni, wee N gaa ni.”

2 Korenti 7:1

A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

Galantiya 3:21

Mambu nsiim kɔn nin Uwonbɔr a mɔsiinlin lee? Naa ye man ni! Ni ye Uwonbɔr bi siin nsiim man li fir sei uninfo limiɛfol ke, U bi li ke bininfob ye bibuchim le U ban, nsiim nmɔn a ŋmagim bu.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

Filipi 3:12

Naa wɔɔn ke min nyaŋ ni niɛ biɛn le, bee min yaa binbem ŋan ki tan diɛ, amaa n pɔɔn nba le ki gbaar n choo nan bu wee Masiya nan choo min.

1 Tesalonika 3:13

Un pɔɔg ni sufu wee ni laa jɔɔ igbarigi ki li be kasi ti Baa Uwonbɔr a nintogil n-yonn man wee ti Yudaau Yisa na li foon nin u kasi a ninfobin.

1 Tesalonika 4:7

Uwonbɔr kaa yin ti ke ti li jɔɔ tijaginn ni, amaa ke ti li jɔɔ kasi a binbem.

1 Tesalonika 5:15

Ni laa che uba nta tibir ki yɔ tibiri, amaa ni pɔɔn niba ki li jɔɔ nbinben ŋan nin tab nin uninfo biɛn.

1 Timoti 6:11

Amaa fin, wan ye Uwonbɔr a ninfo nan, guun ki nya ni niɛ nan yaan biɛn na, pɔɔn a ba ki li jɔɔ nbuchin binben, nin nwonjiɛn binben, nin yada, nin njiɛm, ki li jɔɔ lipoobil ki li be soon.

2 Timoti 2:22

Guun nya kuninfopɔŋ a kɔlisa birug n-yaan na, ki li jɔɔ nbuchin binben na, nin njiɛm, nin limɔril nin nposɔɔn, amaa wee ki li lig fin nin ban a sufu ween wee bi yi ti Yudaau ki ban literilin.

Hiibru Yaab 12:10

Ti baam nan ti kpaan ti le wama baah tiɛr ke ni ŋan man; amaa Uwonbɔr ma kpaan ti le naah ŋan sei ti bu, naah li ŋa man wee ti por u kasi a binbemin.

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

1 Piita 3:11

Ni kpaa le nin un jiɛn tibir a tum wee ki li tun itoon ŋan; ki li ban nposɔɔn a sam wee ki li nɔɔ mi.

1 Piita 3:13

Ni ye a num man itoon ŋan a tum bu ke, uba be ki li fir seiŋ kidaŋaa?

2 Piita 3:11

Tɔ, ni niɛ biɛn kaah na li gab yɔli nan, ni kpaan ni li ye ŋmam maa? Ni kpaan ni li be nbinben man ye kasi le nin nwonjiɛn binben,

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.

3 Jɔnn 1:11

N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.