Hiibru Yaab 11:7 - UWONBƆR A GBƆNPƆŊ LIKƆƆNL

⁷ Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Uwumbɔr aagbaŋ

⁷ Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

Hiibru Yaab 11:7 ပူးပေါင်းရင်းမြစ်များ

Matiu 2:12

Tɔ, le Uwonbɔr kpaan bi tidindɔgin ni, ke bi laa ji jir ubɔr Herɔd ban ni, mambu le bi ni nan nɔɔ nsan nba ki jir kun bi tiŋ.

Matiu 24:15

“Ni na li kan liwanbiril lan wee ulinlenn Daniɛl nan pag li bɔrin, nan wee Uwonbɔr kɔn kaah si iwonjiɛn niin ni, (Wan biɛn nan karin n sɔbim nan ke un biɛ na ye nan.)

Matiu 24:25

A kan na, n chinn bei ni le, ke ni yonn kaa laa foo.

Matiu 24:38

Nan bu-n n-yonn man wee nnyum kaa la nan jin dulinya-n nan, bininfob nan ji le ki nyu, ki kɔɔn bipiib, ki jɔɔ bi buwaab ki tenn bijab, ki nan kpaa lidaal lan wee Nowa nan kɔɔ kuŋaluŋ takpoŋ n-yaan;

Matiu 3:7

Amaa waah nan nan kan Farasii yaab nin Sadusi yaab takpem mu chaan u ban ke un fu bi Uwonbɔr a nyunful nan, le u bei bi ke, “Nim iwaalab a buwaab nan! Ŋma kpaan ni ke ni guun ki nya Uwonbɔr a ŋuufiiŋ kan yin dan ni bu nan naa?

Tibɔnyaan ti Luk ŋmee ti na 17:26

“Ke naah nan ye man Nowa a yoo ni, ni ji na yin ye man le Uninfosaal a Big a dam a yonn.

Rom Yaab 1:17

Tibɔŋann nin yaan le nbuchin binben man nyan Uwonbɔr ban nin kpiir npaan ni, nbuchin binben man nyan ti yada-n npiinimin nin ndiɛmin, ke naah sɔb man Uwonbɔr a gbɔŋin ke: “Ubuchin li kan limiɛfol yada bu.”

Rom Yaab 10:6

Amaa nbuchin binben man nɔɔ nin yada n ma wɔɔn ke: “Laa pag a sufu ni ke, ‘Ŋma na yin do paab baa?’ ” (ki taan Masiya jiirin)

Rom Yaab 3:22

Nbuchin binben man nyan Uwonbɔr ban nmɔn nyan yada kan wee bi jɔɔ nin Yisa Masiya nle, ki tenn ban biɛn ŋa u yada-n. Naa jɔɔ nbɔgirimi,

Rom Yaab 4:11

U punjiilin nan ye siɛra le ki wɔɔn ke u pii ŋa Uwonbɔr yadau, le Uwonbɔr ta U buchin binbem a daagim ki daag u, u yada bu, n-yonn man wee waah laa nan jii u punlin. Le ki ŋa u yadadam ban kaa jii bi pun biɛn a baa, na li ŋa man wee bin kanh bi kpiɛ ban jɔɔ nbuchin binben nin.

Rom Yaab 4:13

Naa nan ye nsiimin a ŋmagim bu le Uwonbɔr nan siin limɔsiinl ki sei Abiraham nin u yaabili ke bi li ji dulinya nan a faalin ni, amaa nbuchin binben man nyan yada-n nin bu.

Rom Yaab 9:30

Ti yin len ke nii? Ti yin len le ke ban kaa ye Juu yaab, wee kaa nan nɔɔ nbuchin binben, bi nin kan nbuchin binben nin na, nbuchin binben man nyan yada kan wee bi jɔɔ-n.

Galantiya 5:5

Amaa yada bu, le kinaaŋ sei ti npɔɔn le ti jɔɔ tama ki guu nbuchin binben a yonn.

Filipi 3:9

wee ki li be nin u, wee ki laa jɔɔ min tɔɔl a buchin binbem man nyan nsiimin yaan ni, amaa maah ŋa Masiya yada n bu le n jɔɔ nbuchin binben man nyan Uwonbɔr ban n yada n bu.

Hiibru Yaab 11:1

Yada a ŋaam ye taah kaa jɔɔ nbiɛnim nin nan wee ti jɔɔ tama ni bu-n, wee ti num kaa ga nin.

Hiibru Yaab 12:25

Ni laa nyi yii Uwonbɔr wan pag nan ni. Ni ye baa nan ŋmar baah nan yii wan a kpaan yin dulinya nan yaan nin ban ke, ŋma nin nan chaa baan timaa, ni ye ti labir ti bɔɔn kpaa wan be papaab ki kpaan ti nan ke naa?

Hiibru Yaab 5:7

Yisa kaah nan be dulinya nan yaan n-yonn man nin, u nan miɛ Uwonbɔr le ki bei U waah ban nan, ki mɔr nkukɔpɔɔn nin tinyinyinn ki ŋaan U, Uwonbɔr wan li fir fee u nkumin nin, waah nan jɔɔ jiininba ki tenn Uwonbɔr nin limɔcheelin bu le U nan gbir u miɛm.

Hiibru Yaab 8:5

Wonjiɛn bol kan yaan wee bi tun ibamɔn a toon yin ki nann le ke paab a naamin a jinjiimin. Ni niɛ bu le bi nan kpaan Moziz n-yonn man wee u na yin tii kuwonjiɛn nanboŋin ke: “Che niwann biɛn n ŋa ke maah nan wɔɔniŋ kuwonjiɛn nanboŋ kan lijɔɔl a paabin.”

1 Piita 3:20

ban nan jɔɔ limɔyiil iyaayoo yan nan jon nin wee Uwonbɔr nan jin limɔril ki guu bi Nowa a yonn, wee Nowa nan be kpee kuŋaluŋin. Kuŋaluŋ nmɔn yaan bininfob wama le nan kɔɔ ki ye bininfob biniin, bi man nan kan nŋmarim nnyum nmɔn yaan,

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

2 Piita 2:5

Waa nan jiɛn yaaja yoo a ninfob a bir ki per bi wee ki nan che nnyum jin ban kaa jɔɔ ween nin, le ki nyan Nowa, wan nan mɔɔn tibuchinn a binbem, nin bininfob bilile.

2 Piita 3:6

Nnyum nmɔn le nan jin bi ki bii dulinya iyaayoo nmɔn.