Hiibru Yaab 11:16 - UWONBƆR A GBƆNPƆŊ LIKƆƆNL

¹⁶ Amaa bi nan ban kitiŋ kan ŋan le, ki be papaab. Mambu naa jɔɔ Uwonbɔr ifa nin bin yin U ke bi Wonbɔr wi, ni ma bu U mann kitiŋ le ki guu bi.

Uwumbɔr aagbaŋ

¹⁶ Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

Hiibru Yaab 11:16 ပူးပေါင်းရင်းမြစ်များ

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Tibɔnyaan ti Mak ŋmee ti na 12:26

Ki jiin nkum a fiim paam, naa nyi ki karin Uwonbɔr a linlenu Moziz a sɔbim n naa, naa nan pag ki jiin kujagorug a bɔr n naa? Ni sɔb ke Uwonbɔr nan bei Moziz ke u ma Uwonbɔr le ye Abiraham a weem, nin Azig a weem, nin Jekɔb a weem.

Tibɔnyaan ti Mak ŋmee ti na 8:38

Wan mu san ifa nin un ta n bɔr nan ki wɔɔn titoonbirdam nin tukangbirdam dulinya nan yaan ke, wee Uninfosaal a Big nan jiirin nin u Baa Uwonbɔr a pɔɔm nin u malakam ke, u mu na li san u ifa nin un ta u ki kpiɛ u ninfobin.

Tibɔnyaan ti Luk ŋmee ti na 12:32

“N ninfob ban kaa yab nan, ni laa san bijawaami, ni Baa Uwonbɔr jɔɔ npopeen nin waah yin jin ni nnaam n bu.

Tibɔnyaan ti Luk ŋmee ti na 20:37

Amaa kimɔchiɛgin bu ke, hali Moziz nan wɔɔn ke bitakpiib li fii nkumin, nan bu-n u nan yin Uyudaan ke ‘Abiraham a Weem, nin Azig a Weem, nin Jekɔb a Weem.’

Jɔnn 14:2

Tidir takpem le be n Baa a niin; naa bi ye man ke, n bi li bei ni. N chaa niin le n tan mann npaan ki guur ni.

Lituln 7:32

‘Min le ye ni yaajam a Weem, ki ye Abiraham a Weem, ki ye Azig nin Jekɔb a Weem.’ Le bijawaam kɔɔ Moziz, le u nin si ki jegil kaa ji fir lig niin ni.

Filipi 3:20

Amaa tim ye papaab a tinbum le. Ti ŋa sili le ki guu ufeer wan yin nya niin ki dan nin, Uma ye Uyudaan Yisa Masiya,

2 Timoti 4:18

Uyudaan li nyam niwanbirilin kaah li legim nan yaan biɛn, wee ki nan taam kun U paab a naamin yaan soon. Uma ye npagim nin isaŋ yan kaa jɔɔ diɛmi. Ibamɔn.

Hiibru Yaab 10:34

Ni nan jogir biloondiikɔɔbin le, le ki chee sei ban yug ni wan yɔɔrin nin nmɔn, nan bu-n ni tɔɔl nyi naah jɔɔ nan nin kaah ŋan kaa jɔɔ diɛmi.

Hiibru Yaab 11:10

Nan bu-n u nan lig nintogil le ki guu kitiŋ kan a fiɛl wee Uwonbɔr nan loon wee ki maa ki-n.

Hiibru Yaab 11:14

Bininfob ban pag man nin nmɔn wɔɔn ke bi ban kitiŋ kan ye bi tɔɔl yaag le.

Hiibru Yaab 11:40

Uwonbɔr nan bon ibonn yan ŋan le ki sei ti ke tim nin bi ma nan lagin ki be ke u li ŋa bi kasi.

Hiibru Yaab 12:22

Amaa nim foon Zayɔnn a Jɔɔlin ban na, papaab a Jerusalam n-yaan, Uwonbɔr wan fo-n a tiŋin, ni foon malakam turil mu a tuturil a mɔmin a laguŋ n-yaan na,

Hiibru Yaab 13:14

Nan bu-n dulinya nan yaan taa jɔɔ kitiŋ kan li gbaa be, amaa ti lig kitiŋ kan la yin danin le.

Hiibru Yaab 2:11

Yisa le che bininfob be kasi, le kasi dam nmɔn nin Yisa ye iniin yaab. Ni bu ifa kaa jɔɔ Yisa nin un yin bi ke u nabumi.

Tibɔkpiirkaan 21:2

Le n kan kasi a tiŋin, Jerusalam pɔŋin, kaah nyan paab Uwonbɔr ban ki chaa jiirin ki mann uba ke ujakunn nin ki guu u bɔɔnh.