Hiibru Yaab 11:1 - UWONBƆR A GBƆNPƆŊ LIKƆƆNL

¹ Yada a ŋaam ye taah kaa jɔɔ nbiɛnim nin nan wee ti jɔɔ tama ni bu-n, wee ti num kaa ga nin.

Uwumbɔr aagbaŋ

¹ Ti yaa gaa Uwumbɔr ki kii kan, naatataa le ye ke ti bee ke ti ga sil kan tiwan ni ti kpa limakl ke ti ga kan ni na. Tinimbil aa kan ni, le ti nyi ke ni sil bi.

Hiibru Yaab 11:1 ပူးပေါင်းရင်းမြစ်များ

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

1 Korenti 13:13

Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.

2 Korenti 11:17

Maah far ligbingbanl nan bu-n maa pag ke Uyudaan ni, amaa n pag le ke kujɔrugin.

2 Korenti 4:18

Naa ye ti num paa nan be npaan ni nin bu le, amaa ti num paa nan woo-n bu le. Nan be npaan ni nin kaa yin yuuri, amaa nan woo-n le yin yuur.

2 Korenti 5:17

Ni bu uninfo wan be Masiya ban ke, udaan nin ye uninfopɔɔn le, u binben kpegim nbiɛn jon na, le nbinben pɔɔn dan!

2 Korenti 5:7

Yada bu le ti be, taa be ti num kaah ga nan nin bu.

2 Korenti 9:4

Ni ye Masedoniya a tiŋ a ninfob nan nɔɔm foon ni ban ki miin naa la ŋa sili ke, ifa li jim, le naa ye n yaa binba le ifa nmɔn yin ji amaa ti biɛn a fai, nan bu-n ti nan fa ligbingbanl nibu bi ban na.

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Hiibru Yaab 10:22

ni che ti fɔɔr mal Uwonbɔr nin sufu ŋaŋ nin yada kan gbee nin ibamɔn na, waah jɔgin ki ŋunn ti sufu nyan kasi, wee ti nyan igalin ti potiɛlin ni, wee ki fun tigbanann mu nnyum ŋami.

Hiibru Yaab 10:39

Amaa tim kaa ye ban sul jir bɔɔn wee ki gab yɔli nni, amaa ti ye ban ŋa yada nin ban kan feegabin le.

Hiibru Yaab 11:13

Bininfob nan biɛn la nan be nin bi yada le ki kpo. Baa nan gaa tiwann tan wee Uwonbɔr nan siin limɔsiinlin ni; amaa bi nan kan tiwann nmɔn dindanl le ki jɔɔ npopeen. Bi nan chee ke bi ye kitiŋ kiba a ninfob le ki ye bicham dulinya nan yaan.

Hiibru Yaab 11:27

Yada bu Moziz nan nyan Ijibir, kaa san bijawaam ubɔr a ŋuul bu; u nan jɔɔ limɔril le, nan bu-n u nan kan Uwonbɔr wan wee baa ga-n le.

Hiibru Yaab 11:7

Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Hiibru Yaab 2:3

ti yin ŋa nii wee ki ŋmara, ni ye ti yii nŋmarim man polig nan ke naa? Nŋmarim man wee Uyudaan nan chinn pag mi bɔrin, le ban nan gbir U bɔr nmɔn jin ti siɛra ti ban.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 6:12

Taa ban ni ŋa bigbanyagdami, amaa ni toog ban nan ŋa yada wee ki jɔɔ limɔrilin na, wee nin che ni kan lifaal lan wee Uwonbɔr nan siin limɔsiinlin.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin: