Hiibru Yaab 10:24 - UWONBƆR A GBƆNPƆŊ LIKƆƆNL

²⁴ Ni che ti baga li be taah li ŋa man ki li pɔɔgir ti kpiɛtiib a sufu, wee nin che ti fir wɔɔn ti jiɛm nin tab kaah ye man ki li tun itoon ŋan.

Uwumbɔr aagbaŋ

²⁴ Cha titafal li bi tɔb pu man, aan ki fiin tɔb aasui, aan ki li gee tɔb, ki tun lituln li ŋan na.

Hiibru Yaab 10:24 ပူးပေါင်းရင်းမြစ်များ

Lituln 11:29

Le Yisa a bɔɔnɔɔbin lol ke bin ter biwonjiɛn tab ban be Judiya a tiŋin uninfo biɛn kaah li fir man a tarig.

Rom Yaab 11:4

Ke Uwonbɔr nan jiin u ke nii? U nan jiin u ke, “N la jɔɔ bijab turilile ban gur kaa la gbaan bi dun bu ki jiɛn litingbanl Baal li.”

Rom Yaab 12:15

Ni li jɔɔ nmɔn nin naah mɔ ban nin na; ki li wii nin ban wii-n na.

1 Korenti 10:33

Hali nin maah ban uninfo biɛn a num n gbeem nin niwann biɛn nin ni. Maa gbaar ban n yaa binba a ŋam bu amaa n gbaar ban bininfob biɛn a ŋam bu le, naah li ŋa man wee bin kan nŋmarim.

1 Korenti 9:22

Maah nan be nin ban a yada waarin, n nan be le ke wan a yada waarin, naah li ŋa man wee bin kan nŋmarim. N che n binbem be le ke bininfob biɛn a binbem kaah be man ni, naah li ŋa man wee n fir fee bininfob bibam ki jaa.

2 Korenti 8:8

Maa siin nsiim le ki sei ni, amaa n wɔɔn ni kpiɛtiib kaah tun nin linunmanl man le. Ke n mag ni jiɛm kaah ye man.

2 Korenti 9:2

N nyi naah ban ni ter bi. N gbaa far ligbingbanl le ni bu Masedoniya yaab ban, ki bei bi ke nim ban be Akaya a timin ni, jirib n-yaan ni nan ŋa sili le nin ni ter, ni yaa nunmanl bu che Masedoniya yaab mu ban bin ter le.

Galantiya 5:13

N nabum, Uwonbɔr le nan yin ni le ni kpann ban ye biba. Amaa ni li nyi ni nɔɔ ye nba nmɔn bu ki tun tigbanann a kɔlisa a toon; amaa ni li tun tenn tab nin njiɛma.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Galantiya 6:1

N nabum, ni ye ni kan uba tun titoonbir ke, nim ban be nin Kinaaŋin ni ter mu soon wee un mann ki sir nbamɔm, amaa wee ki li nyi ni ba bu, naa ye man ke ni mu li kɔɔ libiginlin.

Kolosiya 3:16

Ni che Masiya a bɔŋann nin li be nin ni nbamɔma, wee ni li wɔɔn ni tab, ki gbeer tab nin nlamgɔrikaam, ki li gaah ilan, liwonpagil a lan, nin Kinaaŋ a lan nin linungbeel ni sufu ni ki sei Uwonbɔr.

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 5:11

Ni ma bu ni li pɔɔg tab a gbanann ki li kpiɛg tab bu ke naah pii ŋaan man nin na.

2 Tesalonika 3:9

Nan bu che ti tun nin kaa ye ke taa bi li fir ji ni wan yɔli amaa ti ŋa limagil le ki wɔɔn ni ke ni li nɔɔ.

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

Taitus 2:4

Ni ye man ke, bi li tinn bipiisapɔm wee bi li ban bichiɛb nin bi buwaab,

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 13:1

Ni li jiɛ ni kpiɛtiib ke ni nabuma.

Hiibru Yaab 13:3

Ni li tiɛr ban be tiloondirin nin bu, a li ke ni gbaa tɔɔl be tiloondirin le-n, nin ban wee bi mugir bin a li ke ni mu ji bi fala nmɔn le-n.

Hiibru Yaab 3:13

Amaa ni li pɔɔgir tab a sufu idaa biɛn na, taah la be Dinan nin, wee ni ni uba laa ye tukangbirdaan tibir a larug bu.

1 Jɔnn 3:18

N buwaab, ni laa che ti jiɛm ye imɔleen bee lilanbil a binba, amaa ni li nɔɔ nin itoon nin ibamɔn.