Hiibru Yaab 10:23 - UWONBƆR A GBƆNPƆŊ LIKƆƆNL

²³ Ni che ti li ŋmag taah jɔɔ tama kan ki pag ki bɔrin wee ki laa yeŋi, nan bu-n wan siin limɔsiinlin nmɔn ye yada daan le.

Uwumbɔr aagbaŋ

²³ Taah bui ke ti kpa limakl na, cha ti li joo limakl ngbaan iŋaal ilee ki taa joo beeni. Ba pu? Uwumbɔr u puu tipuur tii timi na ga sil tii timi waah puu tipuur ti na.

Hiibru Yaab 10:23 ပူးပေါင်းရင်းမြစ်များ

1 Korenti 1:9

Uwonbɔr wan yin ni ke ni li jɔɔ nɔɔnintab nin U bija Yisa Masiya wan ye ti Yudaau win, U ye yada daan le.

1 Korenti 10:13

Nbigim le kaa be ki nyaŋ ni see nbigim man be nin uninfosaal biɛn n yaa binba. Uwonbɔr ye u bamɔndaan le, waa li che nbigim n foon ni ban ki jo ni pɔɔm a tarigi. Amaa ni ye nbigim foon ni ban ke, u ji li fir naan nsan ki sei ni wee ni nɔɔ nya ki mann sir mi bu.

2 Korenti 9:13

Naah ter bi nbu, ni ma wɔɔn naah ye ban, bininfob li pag Uwonbɔr nin limɔcheel lan wee ni jɔɔ ki kpenn ni binbem ki sei Masiya u bɔŋann nbu-n, nin naah por ipiin ni ki sei bi nin bininfob biɛn man.

1 Tesalonika 5:24

Uwonbɔr wan yin ni nan li tun man, U ye yada daan le.

2 Tesalonika 3:3

Amaa Uyudaan ye yada daan le, u li pɔɔg ni gbanann ki guur ni wee kininbɔŋ n laa kan ni.

Taitus 1:2

yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

Hiibru Yaab 11:11

Yada bu le Abiraham nin u poo Sɛra wan nan ye upiiŋɔɔb ki ji porin nan kan npɔɔn ki ma ki big, nan bu-n bi nan ŋa Uwonbɔr wan nan siin limɔsiinlin le yada.

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

Hiibru Yaab 6:18

Uwonbɔr ŋa tiwann tilee nan le taa jɔɔ kpenimi, ti ma ye limɔsiinl nin tipoor tan bu wee ni li pɔɔ nin Uwonbɔr n por tibɔkar. Mambu tim ban kan wunwoon bol u ban ni, ni ŋan nin ti li ŋmag ti tama kan be ti nintogilin nin lipoobil kenken.

Jemisi 1:6

Amaa u miɛ ke, ni kpaa le nin un ŋa Uwonbɔr yada ki laa biɛn ni, nan bu-n wan jɔɔ nbiɛnim nann limɔgil a nyungbɔŋ le, man wee nfaam daar mi ki yeŋin.

Tibɔkpiirkaan 3:11

N chaan le daandaan nan. Ni li ŋmag nan wee ni jɔɔ nna, wee uba laa nan fee ni naam a yuchigirigi.