Hiibru Yaab 1:3 - UWONBƆR A GBƆNPƆŊ LIKƆƆNL

³ Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Uwumbɔr aagbaŋ

³ U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Hiibru Yaab 1:3 ပူးပေါင်းရင်းမြစ်များ

Matiu 22:24

“Wan wɔɔn, Moziz nan wɔɔn ke ni ye uja kɔɔn upii wee ki kpo kaa la ma ke, u na a big li taar lipukɔɔl nmɔn na ki maa nbuwaab ki sei utakpiir nmɔn.

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:29

Ni nan wonn le Jɔnn nan kan Yisa kaah chaan u ban le ki ke, “Lig, Uwonbɔr a Peebig, wan nyann dulinya nan a birin!

Jɔnn 1:4

U ni le limiɛfol nan be, limiɛfol nmɔn nan ye usaal a wonweem le.

Lituln 2:33

Le Uwonbɔr ji ta u kaan U nɔɔjiim paam. Waah kal n-yonn man nin, le u gaa Kasi a Naaŋ kan wee Uwonbɔr nan siin limɔsiinl ke U na li sei win, Kasi a Naaŋ nmɔn le u ta sei ti, le ti gbir ki kan.

Lituln 7:56

Le u len ke, “Lig, n kan paab kaah loor wee Uninfosaal a Big si Uwonbɔr a nɔɔjiim paam.”

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Rom Yaab 8:34

Ŋma li fir bii baa? Masiya le nan kpo, le nan jon man le ye u nan fii nkumin na, ki ka Uwonbɔr a nɔɔjiim paam ki miɛ Uwonbɔr ki tenn ti.

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

Kolosiya 3:1

Mambu, ni nan fii nin Yisa nkumin na, ni ta ni sufu ki sei paab a naamin a wan yɔɔrin na, nan yaan wee Yisa ka Uwonbɔr a nɔɔjiim paamin.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 1:13

Malaka u la ba wee Uwonbɔr la nyi ki bei u ke, “Kalim n nɔɔjiim paam, hali nin maah na li che, a dataam n kpann a taai a tɔɔnbol laa”?

Hiibru Yaab 10:12

Amaa uminmann u niɛ man nan mann kumanugin nba bu le kpeŋileŋ tibir bu, le ki kal Uwonbɔr a nɔɔjiim paam.

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

Hiibru Yaab 7:27

Waa be ke ban nan ye biminmanib a yudamin ni, waa nan chinn mann kumanug lidaal biɛn u tɔɔl a bir bu, wee ki nin mann bitab a bir bu. U nan mann kumanug nba bu le ki sei bi biɛn bi bir bu waah nan ta uba ki mann kumanugin.

Hiibru Yaab 8:1

Nan bu wee ti len ni niɛ nan ye nan le: Ti jɔɔ biminmanib a yudaau, wan kal paab a naamin a naangbɔŋ nbu Jilimadaan a nɔɔjiim paamin,

Hiibru Yaab 9:16

Ni ye uninfo por u faal waah nan kpo ke u faalin ji man ke, naa tun itoon ni, see ke u nan kpo,

Hiibru Yaab 9:26

Ni bi ye man ke Masiya nan bi li ji fala n-yonn takpem naah nyan dulinya a piinimin. Amaa daandaan nan u degirin ti bu nba bu le, iyoo nan a diɛmin ki ta uba ki mann kumanug ki nyan tibir.

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

2 Piita 1:16

Taa nɔɔ nlam a teeni isaŋ yan wee ti nan taah wɔɔn ni ti Yudaau Yisa Masiya a pɔɔm nin u dam a bɔrin ni, amaa ti ye siɛra jib le ban a num nan kan u jilima-n.

2 Piita 1:17

Nan bu-n u nan kan jilima nin kupag ti Baa Uwonbɔr ban n-yonn man wee, likukɔl nan nyan U jilima a pagin yaan ki len ke, “N bija sɔ, wan wee N jiɛ; uma le N num gbee.”

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

1 Jɔnn 3:5

Amaa ni nyi ke u nan degirin un nan ta ti yaa bir le. Le u ni tibir kaa be.

Juud 1:25

Ti sei Uwonbɔr wan be U binba wan ye ti feeru ki jɔɔ kupag, nin jilima, nin npɔɔn, nin tininkper a pɔɔm, ti Yudaau Yisa Masiya a yinlin, iyoo yan nan jon nin, nin daandaan nan nin iyoo yan kaa jɔɔ diɛm! Ibamɔn.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.

Tibɔkpiirkaan 4:11

“Ti Yudaau Uwonbɔr, a sin kpaan, a gaa kupag nin jilima nin npɔɔn na nan bu-n fin le nan naan niwann biɛn, a bam bu le bi nan naan niwann biɛn, le ki fo be.”