Hiibru Yaab 1:2 - UWONBƆR A GBƆNPƆŊ LIKƆƆNL

² amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Uwumbɔr aagbaŋ

² Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.

Hiibru Yaab 1:2 ပူးပေါင်းရင်းမြစ်များ

Matiu 13:39

kidataag kan bun tinaniin nin mu le ye ulinlaril; lidichiɛl a yonn mu le ye dulinya a diɛm; le bidichiɛb n mu le ye Uwonbɔr a malakam.

Matiu 17:5

Piita a mɔb kaa la nan lu tumi, le kitalangbɔŋ peŋ nyan paab ki nan degin bi bu, le bi gbir likukɔl liba pag kitilangbɔŋin, ki ke, “N bija sɔ, wan wee n num gbee, ni pelim u bɔr man.”

Matiu 21:38

“Amaa bikpaabin kaah nan nan lig kan u bija-n chaan nin, le bi bei tab ke, ‘Ufaajirin sɔ. Ni che ti ku u, wee u faalin kpann ti yaal.’

Matiu 26:63

Amaa le Yisa kaa jiin tiba. Le kumanug a yudaau nmɔn mann baan u ke, “Poo Uwonbɔr wan fo nan bu, fin le sin ye Masiya Uwonbɔr a bija-n ke, a bei ti ni.”

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Matiu 3:17

Le likukɔl nyan paab ni ki len ke, “N bija sɔ, u ma le N jiɛ, u ma le N num gbee.”

Tibɔnyaan ti Mak ŋmee ti na 1:1

Tibɔŋann tan pag ki jiin Uwonbɔr a Bija Yisa Masiya paamin a piinim.

Tibɔnyaan ti Mak ŋmee ti na 12:6

Ukpadaan nmɔn a bijiɛkaag le ni nan gur u ban, le u tun u bitoontum nmɔn ban, ki ke, “Bi li jiin bi ba ki sei n tɔɔl a bija nmɔn.

Tibɔnyaan ti Mak ŋmee ti na 12:7

Le bitoontum nmɔn bei tab ke, ‘U faajiru sɔ, che ti ku u, wee lifaal nmɔn n kpann ti yaal.’

Jɔnn 1:10

U nan be dulinya nan yaan le, nin dulinya nan kaah le nan naan u bu nan yɔli dulinya kaa nan biɛ wi.

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:3

U bu le niwann biɛn nan naan; niba kaa be ki nan naan wee waa be niin ni.

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 13:32

Ni ye ke Uwonbɔr kan kupag u ni ke, Uwonbɔr li sei u Bija wan be u ni-n kupag, le ki li sei u kupag nba bu.

Jɔnn 15:15

Maa ji yin yi ni bitoontumi, nan bu-n utoontunn kaa nyi u daau a toon yi. Amaa, n yi ni n jɔtiib le, nan bu-n maah biɛ nan n Baa ban nin n che ni mu biɛ na.

Jɔnn 16:15

Niwann nan biɛn wee Baa-n ye-n ye n yann le. Ni ma bu le n ke kinaaŋin li ta maah ye nan ki wɔɔn ni wee ni biɛ.”

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Jɔnn 3:25

Limɔkpel le nan dan Jɔnn a bɔɔnɔɔb biba nin Juu a ninfo uba a sisiigin ki ta jiin liwonjiɛnl a kaal a ŋunnim paam.

Jɔnn 5:26

Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Jɔnn 5:27

Le u sei u tininkper a pɔɔm ke u li ji tibɔra nan bu-n u ye Uninfosaal a Bija le.

Jɔnn 9:29

Ti nyi Uwonbɔr kaah nan pag sei Moziz, amaa uninfo nan ma, taa pii nyi waah nyan nan yaan ni.”

Lituln 10:36

Ni nyi tibɔr tan wee Uwonbɔr nan pag sei Iziral yaab ki wɔɔn bi tibɔŋann tan ye nposɔɔn Yisa Masiya bu, u ma ye ti biɛn a Yudaau.

Lituln 2:17

‘Uwonbɔr nan len ke, dulinya nan a joorimin, n na li kpaar n naaŋin ki jaa bininfob biɛn bu. Le ni bijam nin ni bisiɛm na li pag ilinlen leen, le ni naachipɔm na li kan zii, le ni janinkpeeb mu na li dɔgin tidindɔgin.

Rom Yaab 1:4

ki jiin u wonaaŋ paam mu ke, Uwonbɔr a Kasi a naaŋin nan wɔɔn nin npɔɔn ke u ye Uwonbɔr a bija le u kum a fiimin bu: U ma ye ti Yudaau Yisa Masiya.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 2:7

Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

1 Korenti 8:6

tim ban ma ke, Uwonbɔr uba kpeŋileŋ le be, u ma ye ti Baa Uwonbɔr wan nan naan niwann biɛn, le Uyudaan uba kpeŋileŋ mu le be u ma ye Yisa Masiya, u ma bu le tiwann biɛn nan naan, le ti mu be u ma bu le.

Galantiya 4:4

N-yonn nmɔn kaah nan nan foon biɛn nin, le Uwonbɔr tun U tɔɔl a bija, wan wee upii ma u, wee nsiim ŋmag u,

Efesusi 1:10

n-yonn nmɔn nan foo ke, U ni li tun ki gbeen U lol nmɔn, ki lagin waah nan naan nan papaab nin tum biɛn, wee Masiya li ye uyudaan.

Efesusi 3:9

ki che uninfo biɛn n mann biɛ Uwonbɔr a bɔwoonkaarin a toon kaah ye man, wee Uwonbɔr, wan nan naan niwann biɛn nin, nan ŋmag ti liwoolin n-yonn man nan jon nin.

Hiibru Yaab 1:5

Malaka u la ba wee Uwonbɔr la nyi len ke, “Fin le ye N bijaa; dinan a daal N ŋa a Baa”? Bee, “N li ŋa u Baa, wee u mu n ŋa n bijaa”?

Hiibru Yaab 1:8

Amaa U bija-n ma paam U nan len ke, “A naangbɔŋin, Uwonbɔr aa, a yin gbaa be le hali nin iyoo yan kaa jɔɔ diɛmi, le a buchin li ye a naam a jaangbiɛg

Hiibru Yaab 11:3

Yada bu le ti biɛ ke Imɔleen le Uwonbɔr nan ta naan dulinya, ni bu naa ye nan wee ti ga nan le Uwonbɔr nan ta naan dulinya.

Hiibru Yaab 2:3

ti yin ŋa nii wee ki ŋmara, ni ye ti yii nŋmarim man polig nan ke naa? Nŋmarim man wee Uyudaan nan chinn pag mi bɔrin, le ban nan gbir U bɔr nmɔn jin ti siɛra ti ban.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

Hiibru Yaab 5:8

Hali nin waah le nan ye Uwonbɔr a Big nmɔn biɛn ni u nan tinn limɔcheel le u fala a jimin,

Hiibru Yaab 7:28

Ni ma bu nsiimin nan gann ndaburim le ki ŋaan bi biminmanib a yudam; amaa tipoor, tan nan ŋɔɔrin nsiimin a bɔɔn nin, nan gann Uma Uwonbɔr a Bija, wan bi ŋa u kasi hali nin isaŋ yan kaa jɔɔ diɛmin le.

Hiibru Yaab 7:3

Waa nan jɔɔ baa bee na, kaa jɔɔ yaajasan, kaa jɔɔ maa daali bee kum daali, u nann Uwonbɔr a Bija le, ki ye u minmanu hali nin iyoo yan kaa jɔɔ diɛm.

Hiibru Yaab 9:26

Ni bi ye man ke Masiya nan bi li ji fala n-yonn takpem naah nyan dulinya a piinimin. Amaa daandaan nan u degirin ti bu nba bu le, iyoo nan a diɛmin ki ta uba ki mann kumanug ki nyan tibir.

1 Piita 1:20

Uwonbɔr nan gann u le ki nin naan dulinya, amaa le ki nan kpiir u wɔɔn idajoorikaa nan yaan nim bu.

2 Piita 3:3

Chinchinn, ni kpaa le nin ni li nyi ke idajoorikaa-n bininfob ban yɔɔlin na li dan, ki ta bi yɔɔlim nmɔn ki nɔɔ bitɔɔl a gbanann a kɔlisa birugin.

Juud 1:18

Bi nan bei ni ke, “Iyoo yan na yin joorin, ban yɔɔlin na li be, ki nɔɔ bitɔɔl a wonjiɛnl a kɔlisa birug.”