Hiibru Yaab 1:14 - UWONBƆR A GBƆNPƆŊ LIKƆƆNL

¹⁴ Naa ye malakam biɛn ye nnaam ban tun itoon le ki tenn ban biɛn yin kan nŋmarimin naa?

Uwumbɔr aagbaŋ

¹⁴ Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Hiibru Yaab 1:14 ပူးပေါင်းရင်းမြစ်များ

Matiu 1:20

Amaa waah ni nan tiɛr ni niɛ nan bu-n, le Uwonbɔr a malaka degirin u bu tidindɔgin ni, le ki nan bei u ke, “Fin Josef wan ye Defid a yaabil nan, laa san bijawaam ke a ta Meri kun ki tan ŋaa u a poo, nan bu-n waah jɔɔ lipool lan ni, Kasi a Naaŋ a pɔɔm le che u choo lipool nmɔn.

Matiu 13:41

Uninfosaal a Big na li tunn malakam bi nan gann tininfobir ban che bi tab tun titoonbir nan biɛn, nin tibir dam nan biɛn.

Matiu 18:10

“Ni li nyi man ki laa yin nbuwaab nan a ni uba yɔli; nan bu-n n bei ni le, bi malakam ban be paab nan be n Baa wan be paabin a nintogil le iyoo biɛn.”

Matiu 2:13

Baah nan kun a bɔɔn le Uyudaan a malaka nan dan Josef ban tidindɔgin nin, ki bei u ke. “Fiim ki ta kibiliɛg nmɔn nin ki na ki li gu chaa Ijibir a tiŋin na, hali nin maah na li yin ni, nan bu-n ubɔr Herɔd yin ban kibigin a bol le un ku ki.”

Matiu 24:31

Kunaatuŋ na li mɔɔ, le u li tun u malakam le bin jo ki tan lagin u ninfogannkaab ban be paab a logi biɛn.

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 4:11

Le ulinlaril fɔr ki sin jiɛn u, le malakam dan ki nan ter u.

Tibɔnyaan ti Mak ŋmee ti na 10:17

Yisa kaah nan nyan ni yaan ki chaa nmɔn, le uja uba guun kenn u ki gbaan u nintogil, le ki baan u ke, “Wan wɔɔn ŋan, n yin ŋa nii wee ki nan kan limiɛfol lan kaa jɔɔ ndiɛm aa?”

Tibɔnyaan ti Luk ŋmee ti na 1:19

Le malaka nmɔn bei u ke, “N ye Gabiriɛl le, min le be Uwonbɔr a nintogil le u tum a ban, ke n nan pag tibɔŋann nan ki wɔɔniŋ.

Tibɔnyaan ti Luk ŋmee ti na 1:23

N-yonn man wee u toon nan nan diɛ iwonjiɛn niin nmɔn yaan nin, le u nan jir kun u niin.

Tibɔnyaan ti Luk ŋmee ti na 16:22

“Le faladaan nin nan kpo, le malakam nan ta u jon Abiraham ban. Le ujɔɔndaan nin mu nan kpo, le bi pii u.

Tibɔnyaan ti Luk ŋmee ti na 2:13

Iyaayoo nmɔn le malakam takpem nan nyan paab ki jiirin ki nan kpiɛ malaka n bu ki pagir Uwonbɔr ke,

Tibɔnyaan ti Luk ŋmee ti na 2:9

Le Uyudaan a malaka nan degir bi bu. Le Uyudaan nmɔn a pag a weem wonn bi bu. Le bijawaam nan choo bi takpem.

Lituln 11:22

Biwonjiɛm a laguŋ kan be Jerusalam nan gbir tibɔr nmɔn le ki tun Banabasi jon Antiɛg a tiŋin.

Lituln 12:23

Libol nmɔn le Uyudaan a malaka che kuwiɛnbirug choo Herɔd le igoor jin u le u kpo, waah kaa nan pagir Uwonbɔr nbu.

Lituln 12:7

Libol nmɔn le Uyudaan a malaka degirin, le nwonween wonn kuloondiig nmɔn yaan. Le u dam dam Piita a bɔsipar ki fiin u, ki bei u ke, “Fii weema.” Le tikulorin pir ki lu.

Lituln 13:2

Baah nan be jiɛn Uwonbɔr ki lolig imɔɔŋin, le Kasi a Naaŋ nan bei bi ke, “Ni nyam Banabasi nin Sɔɔl, wee bin tun itoon yan wee N yin bi ke bin tun ni.”

Lituln 16:26

Libol nmɔn le kitiŋ dam, le kuloondiig nmɔn a fiɛl tɔɔl nan dam dam. Le tidir a timansanmɔɔŋi loor nba bu, le baah nan baan bi tibaandaar tan ni choo gɔgir lu.

Lituln 27:23

Kunyiɛg n-yaan le n yudaau Uwonbɔr wan yem wee n jiɛn u nan a malaka won jiirin ki nan sir n ban,

Lituln 5:19

Amaa lidaal a nyiɛg le Uyudaan a malaka jiirin ki nan loor kuloondiigin a naanganl, ki nyan itoon nmɔn niin.

Rom Yaab 11:14

ki jɔɔ tama ke n bi li fir ke n bin che min tɔɔl a ninfob li jɔɔ linunchɔril wee bi ni biba nkan feeja.

Rom Yaab 13:6

Ni niɛ nan bu le ni yɔ lampo, ni ma bu ban ŋmag tininkper a pɔɔm ye Uwonbɔr a toon tum le, ban ta bi saŋi biɛn sei tininkper a pɔɔm a siimin a ŋmagim.

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

Rom Yaab 15:27

Ni nan mɔ bi le ke bin tun man, le ibamɔn ni sin kpaan nin bin chaar man ki sei bi. Ni ma bu ni ye ban kaa ye Juu yaabin lagin por nin Juu yaabin Kinaaŋ a kaarin ke, ni kpaan nin bin ji lagin por nin Juu yaab bi wann yɔɔr a kaar.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

2 Korenti 9:12

Litoonl lan wee ni tun nan kaa pa ye nan tenn biwonjiɛm baah ban nan le, amaa nitɔɔl che Uwonbɔr ga npagim le takpem.

Galantiya 3:29

Ni ye Masiya le ye ni ke, man ke ni ye Abiraham a yaabili le, ki li ji u faal ke Uwonbɔr a mɔsiinlin kaah wɔɔn man nin.

Galantiya 3:7

Mambu, ni biɛm ke bininfob ban ŋa yada nan ye Abiraham a yaabili le.

Galantiya 3:9

Mambu ban ŋa u yada kan tikaar ke Abiraham, wan ye yada daan nin, kaah kan man nin.

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Filipi 2:25

Amaa n tiɛr ke ni ŋan nin n che n na a big Ipaforɔditusi wan ye n toontunn kpiɛg nin n tɔtog kpiɛg wee ki ji ye ni toom wee ni nan tun u wee u nan terimin n jirin ni ban.

2 Tesalonika 1:7

ki sei nim ban wee bi mugir ni-n lifooril, nin ti biɛn. Ni na yin ŋa n-yonn man wee Uyudaan Yisa nan kpiir ki nyan papaab nin nŋmipeen nin u malakam ban jɔɔ npɔɔn nin.

Taitus 3:7

U nyunyunbasanl bu le U ke tibɔr ŋan, ti na li ŋa Uwonbɔr a faajib ki jɔɔ limiɛfol lan kaa jɔɔ diɛmin a tama.

Hiibru Yaab 10:11

Biminmanib biɛn si le lidaal biɛn ki tun bi wonjiɛn toon; ki le gbaa sagir ki mann kumanug kuba nmɔn, kan kaa li fir nyan tibiri.

Hiibru Yaab 2:3

ti yin ŋa nii wee ki ŋmara, ni ye ti yii nŋmarim man polig nan ke naa? Nŋmarim man wee Uyudaan nan chinn pag mi bɔrin, le ban nan gbir U bɔr nmɔn jin ti siɛra ti ban.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

Hiibru Yaab 6:12

Taa ban ni ŋa bigbanyagdami, amaa ni toog ban nan ŋa yada wee ki jɔɔ limɔrilin na, wee nin che ni kan lifaal lan wee Uwonbɔr nan siin limɔsiinlin.

Hiibru Yaab 6:17

Nan bu-n Uwonbɔr kaah nan ban Un wɔɔn ban na yin kan U mɔsiinlin a gbeemin, ibamɔn ke waa yin kpenn waah bon man nin bu, le U nan poo tipoor.

Hiibru Yaab 8:6

Amaa itoon yan wee Yisa gaa-n yab jon bi yaa toon ke, tipoopɔnn tan wee Yisa si bininfob nin Uwonbɔr a sisiigin nin kaah jon tipookpegirin man nin, nan bu-n Uwonbɔr a mɔsiinl ŋanl nmɔn tɔɔ lifiɛŋanlin bu le.

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.

1 Piita 1:4

ki sei ti lifaal lan kaa li nyi buri, bee ki bii bee ki wiiri. Le li be paab ki guu nim,

1 Piita 3:7

Nim bipiidam, man mu le ye ni, ni mu li cheel tenn ni piiba, ki li nyi ke bi ye bilanjiim le ni ban, ki li tenn bi jilima ke nim nin bi ma biɛn na li gaa Uwonbɔr a piinŋan yan ye limiɛfolin, wee niba laa li fir legin ni wonmiɛli.

Juud 1:14

Enog wan ye Adam a yaabisagira bilile nan, nan pag ilinlen leen ki jiin bininfob nan paama: “Lig, Uyudaan nin U kasidam tuturil a turil le chaan nin,

Tibɔkpiirkaan 5:6

Le n kan Kipeebig, le ki nann ke bi kɔr ki le-n, le ki si Kunaangbɔŋin a sisiigin, le tiwann naan wann tan fo tina-n nin bininkpeebin gɔɔn u. Kipeebig nmɔn nan jɔɔ iyinh ilile le nin inunbil ilile, ni ma nan ye Uwonbɔr a naam milile ban wee u nan tun bi dulinya nan a logi ina-n yaan biɛn ni.