Galantiya 6:9 - UWONBƆR A GBƆNPƆŊ LIKƆƆNL

⁹ Mambu ni laa che ti bag itoon ŋan a tum bu, ni ye taa jiɛn itoon ŋan a tum ke ti na li kan tinyɔɔr n-yonn man chaan nan.

Uwumbɔr aagbaŋ

⁹ Cha ti tun litunyaan ki taa di cha; ba pu? ti yaa kaa di cha kan, ni nan saa naayoonn kan, ti ga kan lituln ngbaan aanyoor.

Galantiya 6:9 ပူးပေါင်းရင်းမြစ်များ

Matiu 10:22

Uninfo biɛn na li nan ni. Naah nɔɔ min bu; amaa wan nan fir sir nin nton nan a joorim ke, u li kan nŋmarim.

Matiu 24:13

Amaa wan nan sir kenken ki tan kpaa ndiɛm ke u li kan feegab.

Matiu 25:17

Man mu le wan nan gaa ilee-n mu ta ŋa kpoŋkpoŋ ki kan salima a bɔɔlim milee tinyɔɔr ki kpiɛ i bu.

Matiu 9:19

Le Yisa nan fii nin u bɔɔnɔɔb le bi nɔɔ u jon.

Tibɔnyaan ti Mak ŋmee ti na 3:3

Le Yisa nan yin kinɔɔnkpankpiiŋdaan nin ke “Dan do.”

Tibɔnyaan ti Luk ŋmee ti na 18:1

Le Yisa gaa u bɔɔnɔɔb libɔŋal ki wɔɔn bi ke li ŋan ni bi li miɛ Uwonbɔr iyoo biɛn, wee ki laa bagir ki ta jiɛn ni.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

2 Korenti 4:1

Naah ye Uwonbɔr a nyunyunbasanl bu le u ta itoon nan ki ŋa ti nɔɔn ni, nibu che naa gbɔɔ ti gbanann ni.

2 Korenti 4:16

Mambu che naa gbɔɔ ti gbanann ni. Hali ti gbanann kaah le bagirin gbaa, amaa ti naaŋin ma mann pɔŋir le iween biɛn.

2 Korenti 9:6

Ni li tiɛr ni niɛ, wan bun idi wama ke u na yin chiɛ wama le, le wan mu bun idi nin tibuchinn ke u mu na yin chiɛ takpem le.

Efesusi 3:13

Ni ma bu, n balin ni le, ni laa che ni gbanann ngbɔɔ maah ji fala wan ni bu nni, ni ye kupag le sei ni.

2 Tesalonika 3:13

Amaa nim ma bu ke, n nabum, ni laa ke ni bagir itoon ŋan a tum bu.

Hiibru Yaab 12:3

Ni li tiɛr waah kan limugil tibirdam ban kaa nan chee win a nɔɔn nin bu, wee nin laa che ni gbanann ngbarig wee ni ta ni yada gabi.

Hiibru Yaab 12:5

Ni tam imɔleen yan wee Uwonbɔr ta pɔɔg ni gbanann ki yin ni u buwaab ki ke: “N big, Uyudaan dar a tul ke, laa yin li yɔli, ni ye U fuun a bu ke, laa che a gbanann ngbɔɔ,

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Jemisi 5:7

Mambu n nabum, ni mɔra, hali ki nan kpaa ti Yudaau a jirim. Ni lig ukpaar kaah jɔɔ limɔril man ki guu u kpaab kaah na li ŋa tijiir, naah yuur unalantaal a yonn ki nan kpaa utakotaal a yoo.

1 Piita 2:15

Nan bu-n ni ye Uwonbɔr a wiib le ke ni tun itoon ŋan nan li loon tijɔri tan kaa nyi niba-n a mɔleen.

1 Piita 3:17

Nan bu-n ni ye ni jin fala itoon ŋan a tum bu wee ni ye Uwonbɔr a bam ke, ni sɔ nin ni ji fala titoonbir bu.

1 Piita 4:19

Mambu, ban ji fala Uwonbɔr a bam bu-n bi le li tun nan ŋan na, ki ta biba ki sei bi yada daan wan naan bin ki le li tun nan ŋan iyoo biɛn na.

Tibɔkpiirkaan 2:17

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u kulɔŋ a boroboro kan woo-n, wee bi yi ke maana-n. N mu ji li sei u litangbag penl lan wee liyinl pɔnl sɔb paan li bu, le wan gaa litangbagil nmɔn a binba le li nyi liyinl nmɔn a taai.”

Tibɔkpiirkaan 2:3

Ni jɔɔ limɔril le ki jin fala n yinl bu, amaa le naa bagi.

Tibɔkpiirkaan 2:7

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u npaan wee un ji limiɛfol a siig a looi, yan be Uwonbɔr a kpaabin.”