Galantiya 5:7 - UWONBƆR A GBƆNPƆŊ LIKƆƆNL

⁷ Ni nan ti tun nbamɔm le. Ke ŋma ŋɔɔr ni ke ni laa ji nɔɔ ibamɔn nmɔn naa?

Uwumbɔr aagbaŋ

⁷ Ni nan dii Yesu mbamɔm la. Ŋma kiir nimi ke ni taa ki kii waabɔr ti ye mbamɔn na?

Galantiya 5:7 ပူးပေါင်းရင်းမြစ်များ

Matiu 13:21

Amaa waah kaa baan inyaan nin, ni ma bu waa ŋmag ti yuuri. Iyoo yan wee tibɔmug kaar bee limugil pii u tibɔr nmɔn bu ke, le un ta gab weem.

Lituln 6:7

Le bi mann mɔɔn Uwonbɔr a bɔrin. Le Yisa a bɔɔnɔɔb ban be Jerusalam nan a kanl nan kpiɛ weem weem, le Uwonbɔr a minmanib takpem chee Yisa a bɔŋann nin ki ŋa u yada.

Rom Yaab 10:16

Amaa naa ye bi biɛn le chee sei tibɔŋann nmɔn ni. Ni ma bu le Azaya len ke, “Uyudaan, ŋma ŋa ti mɔleen nan yadaa?”

Rom Yaab 15:18

Maa li nyi ki pag niba wee naa ye Masiya kaah taam tun litoonl lan ni, ke n liin ban kaa ye Juu yaabin a sam ki wɔɔn bi wee bin chee Uwonbɔr a mɔb nin maah wɔɔn bi man nin maah tun man.

Rom Yaab 16:26

amaa daandaan nan ti kpiir ki dɔ npaan nin le, ilinlen leen a sɔbimin yaan, le Uwonbɔr wan kaa jɔɔ diɛm nan a siimin bu, wee ibol biɛn nŋa U yada ki chee U mɔb,

Rom Yaab 2:8

Amaa ban ban niwann biɛn li ye bi yaan, wee ki yii ibamɔn wee ki nɔɔ titoonbir a samin, Uwonbɔr a ŋuul yin fii bi bu le.

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

1 Korenti 9:24

Naa nyi ke bitaaguum gu ke, utaaguun uba kpeŋileŋ le yin guun ki ji ki gaa tiyɔraa? Ni bu, ni li gu nin inunman na wee ki gaa tiyɔr.

2 Korenti 10:5

Ti pag bii limɔkpel nin kalanbaanidam ban ke bi jɔɔ nlam ki jon Uwonbɔrin. Ti nyaŋir ipotiɛ biɛn, ki che ni cheel Masiya a mɔb.

Galantiya 2:2

Uwonbɔr le nan kpiir wɔɔnim ke n jo, ki tan bei bi tibɔŋann tan wee n ti mɔɔn ban kaa ye Juu yaab ban nin. Amaa n nan yin biwonjiɛn sanliibin a binba le ki wɔɔn bi, nan bu-n, n nan san le kaa ban maah tun nan nin bee nan wee n la yin tun nin n gab yɔli.

Galantiya 3:1

Nim Galantiya yaab, tijɔri nan! Unyɔgdaan u la baa ŋmarin ni sufuu? Yisa Masiya a kum lidapunpunlin bu a bɔr nan kar ki wɔɔn ni npaan nin ni tɔɔl a numin.

Galantiya 5:10

Uyudaan bu n jɔɔ tidindann ke naa ji li jɔɔ lipotiɛl liba kpiɛ. Uninfo wan ŋmarin ni potiɛl nmɔn ke, Uwonbɔr li dar u daan a tul, ni baga kaa be waah ye wan ni.

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

Hiibru Yaab 11:8

Yada bu, Abiraham nan chee Uwonbɔr a yim ki jon kitiŋ kan wee Uwonbɔr nan siin limɔsiinl ke U li ta kitiŋ kan ki sei win, u nan chee Uwonbɔr a mɔb le ki jon, hali nin waah kaa le nan nyi kitiŋ nmɔn yaan ni, ni biɛn yɔli u nan jon na.

Hiibru Yaab 12:1

Mambu taah jɔɔ siɛradam takpem ban gɔɔn jin ti nan, ni che ti ta nan biɛn li legin ti samin ki gab nin tibir tan fir chor ti-n, ni che ti nyigin ki guun ti taguunl lan dɔ guu ti nan.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.