Galantiya 5:1 - UWONBƆR A GBƆNPƆŊ LIKƆƆNL

¹ Ye n ba bu le Masiya nan nyan ti tiyomirin. Mambu mann sir nbamɔma, ki laa ji ta tiyomir a naajadaag paan a baa bu.

Uwumbɔr aagbaŋ

¹ Kristo nan gaa timi lii, ke ti taa ki li bi tinaagbiir ni. Nima pu na, ni li si mbamɔm, ki taa cha tiwan nibaa ki li joo nimi tinaagbiir.

Galantiya 5:1 ပူးပေါင်းရင်းမြစ်များ

Matiu 23:4

Bi boŋ itug yan kpiɛg le ki paag bininfob a bɔsipar bu, amaa bitɔɔl kaa li chee ki ta bi nɔɔbil ki ter uba wee un tu.

Tibɔnyaan ti Luk ŋmee ti na 5:38

Aai see u ta ndapɔmin ki ŋuun liboopɔnlin.

Lituln 15:10

Ke daandaan nan, ba ŋa wee ni ban ni mag Uwonbɔr aa? Wee ki ban ni ta kunaajadaag kan wee tim bee ti baam kaa fir tun ki ta tun biwonjiɛm nan naa?

Rom Yaab 6:14

Tibir kaa ji yin ye a yudaau wi, nan bu-n, nsiim kaa ŋmag ŋi, amaa Uwonbɔr a nyunyunbasanlin bu le a be.

Rom Yaab 6:18

Ni ŋmar ki nyan tibirin na le ki nin ŋa nbuchin binben a yomi.

Rom Yaab 7:3

Ni bu, ni ye u kun uja uba wee u chal la be ke, bi yi u kuwanchɔgiŋ le. Amaa ni ye u chal kpo ke, nsiim nmɔn kaa ji ŋmag wi, le u mu kaa ye kuwanchɔgiŋi, hali nin waah le ji kpenn kun uja uba nmɔn biɛn ni.

Rom Yaab 7:6

Amaa daandaan nan, taah nan kpo ki sei niwann nan nan ŋmag ti, ti nyan nsiimin yaan na, ti ni yin tun ki sei Kinaaŋ a binben pɔŋin le, naa ji ye nsiim kpegim man nan sɔb dɔ-n ni.

Rom Yaab 8:15

Uwonbɔr kaah ta U Naaŋ kan sei ni-n kaa ye Kinaaŋ kan li ŋa ni bi yom wee ni ji li san bijawaami, amaa U Naaŋ nmɔn bu le che ni kpann U naachim. Uma bu le ti kuun ki yi ke, “N Dindaau N Baa.”

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

1 Korenti 16:13

Ni li guu niba man, ki che ni yada li pɔɔu, ki li ye bininfob ban jɔɔ lipoobil nin npɔɔn.

1 Korenti 7:22

Wan nan ye uyom wee Uyudaan yin u ke, waa ji ye uyom Uyudaan ban ni, man mu le wan mu nan ye uba wee Uyudaan yin u ke, u nin ye Masiya a yomu le.

2 Korenti 11:20

Ni jɔɔ limɔril nin uba kaah ta ni ki ŋa u yomi, bee ki pen ni bee ki ŋalig ni, bee ki yin ni yɔli, bee ki pebir ni ntapam!

2 Korenti 3:17

Uwonbɔr ye kinaaŋ le, Uwonbɔr a Naaŋ kaah be nan yaan ni, ye nbaa mu be niin le.

Galantiya 2:4

Tibɔr nmɔn nan nyan nnabum man por tibɔkar tenn bi ba ke bi mu ye Yisa a bɔɔnɔɔbin le, bi nan be ti sisiigin le ki pigir ti ki ban bin biɛ taah gaa ti ba Masiya bu man wee ki ŋa ti nsiim a yomi.

Galantiya 3:25

Daandaan nan yada a ŋaam a sam kaah dan nan, nsiimin kaa ji ye ti guguuru wi.

Galantiya 4:26

Amaa Jerusalam kan be papaab nan ma ye u ba le, le ki ye ti na.

Galantiya 4:31

Mambu n nabum, taa ye upiiyom nmɔn a buwaabi, amaa ti ye upii wan ye u ba nan a buwaab le.

Galantiya 4:9

Amaa daandaan nan ni nin nyi Uwonbɔr, bee Uwonbɔr nyi ni, ke ba ŋa wee ni ji ban ni jir ki nɔɔ dulinya nan a maabiyiɛrug kan ye idaburig nin kunyunyunbaag a binbem nan naa? Ni ban ni kpann tiwann nmɔn a yomi le jigin naa?

Galantiya 5:13

N nabum, Uwonbɔr le nan yin ni le ni kpann ban ye biba. Amaa ni li nyi ni nɔɔ ye nba nmɔn bu ki tun tigbanann a kɔlisa a toon; amaa ni li tun tenn tab nin njiɛma.

Efesusi 6:14

Ni mann ki baan sir nbamɔm, ki ta ibamɔn a changbam ki lol ni cham, ki li jɔɔ nbuchin binben man be ke tukur tan wee bi jɔɔ piig ligbingbanl bu-n,

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

1 Tesalonika 3:8

Daandaan nan, naah si nbamɔm Uyudaan a samin nan man, ti sin fo.

2 Tesalonika 2:15

Ni ma bu n nabum, ni mann sir nbamɔm ki li ŋmag taah wɔɔn ni man nin, naah ye imɔleen le ti pag bee kugbɔŋ le ti sɔb sei ni ke ni.

Hiibru Yaab 10:23

Ni che ti li ŋmag taah jɔɔ tama kan ki pag ki bɔrin wee ki laa yeŋi, nan bu-n wan siin limɔsiinlin nmɔn ye yada daan le.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

1 Piita 2:16

Ni li be ke ban ye bi ba-n, amaa ni laa jɔɔ ye nba a binbem nmɔn ki tun tibiri; ki li be ke Uwonbɔr a toontum kaah be man nin.

2 Piita 2:19

Bi bei bininfob le ke bi na li kan yemba amaa le bi baantɔɔl ye tibir a yomi, nan bu-n nan nyaŋir uninfo ŋaan u tiyomir le.

Juud 1:3

N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.

Tibɔkpiirkaan 2:25

Ni le li ŋmag nan wee ni jɔɔ-n hali nin maah na li dan.

Tibɔkpiirkaan 3:3

Mambu, ni li tiɛr, nan wee ni gaa ki gbirin; ni chee sei tibɔr nmɔn na, wee ki kpenn ni binbema. Amaa ni ye naa fii paab ke, n li dan ke unaayig a dann nin, le naa yin nyi n-yonn man wee n yin dan ni.