Galantiya 4:9 - UWONBƆR A GBƆNPƆŊ LIKƆƆNL

⁹ Amaa daandaan nan ni nin nyi Uwonbɔr, bee Uwonbɔr nyi ni, ke ba ŋa wee ni ji ban ni jir ki nɔɔ dulinya nan a maabiyiɛrug kan ye idaburig nin kunyunyunbaag a binbem nan naa? Ni ban ni kpann tiwann nmɔn a yomi le jigin naa?

Uwumbɔr aagbaŋ

⁹ Dandana wee, ni nyi Uwumbɔr, le u mu nyi nimi. Ba ŋa ni ban ni labr ki ki dii dulnyaa aawanbir mu kaa kpa mpɔɔn, kaa ŋmaa ter nimi na? Ba ŋa ni ban ke tiwanbir ngbaan ki li joo nimi tinaagbiir?

Galantiya 4:9 ပူးပေါင်းရင်းမြစ်များ

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Tibɔnyaan ti Luk ŋmee ti na 5:38

Aai see u ta ndapɔmin ki ŋuun liboopɔnlin.

Jɔnn 10:14

“Min li ye upeekpaar ŋan nin; n nyi n pee le n pee yin mu nyim,

Jɔnn 10:27

N yaa pee pelig n kukɔl le; n nyi i, le i nɔɔm.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

1 Korenti 13:12

Daandaan nan ti ga amaa nin nann taah lig niɛnu le, taa ga nbamɔmi; amaa n-yonn chaan le ti na li kan nbamɔm nin nnumbim. Daandaan nan n nyi wama le amaa n-yonn chaan le n na li biɛ ni biɛn ke Uwonbɔr kaah nyim biɛn man ni.

1 Korenti 15:34

Ni che ni lam njirin, wee ni li be ke naah bi ye ni li be man ni, wee ki laa ji tun tibiri; nim bibam kaa nyi Uwonbɔr i. N len man le ke n jin ni ifa.

1 Korenti 8:3

Amaa uninfo wan ban Uwonbɔrin, u ma le Uwonbɔr nyi.

2 Korenti 11:20

Ni jɔɔ limɔril nin uba kaah ta ni ki ŋa u yomi, bee ki pen ni bee ki ŋalig ni, bee ki yin ni yɔli, bee ki pebir ni ntapam!

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

Galantiya 3:3

Ni jɔrig lee? Nim ban nan piin nin Uwonbɔr a Kasi a Naaŋ a pɔɔm nan, ni nin gbaar ban ni ta uninfosaal a pɔɔm le ki jooraa?

Galantiya 4:3

Man mu le ye ti, taah la nan ye nbuwaab Yisa a samin yaan nin, dulinya nan a maabiyiɛrug nan ŋmag ti le ke biyomin.

Efesusi 1:17

N le miɛ ti Baa wan ye ti Yudaau Yisa Masiya a Wonbɔru, ki ye ti Baa wan ye jilimadaan nin ke, Un sei ni Kinaaŋ a lam nin kpiir wɔɔn, wee ni mann biɛ U nbamɔm.

2 Timoti 2:19

Nin ni ma biɛn yɔli, Uwonbɔr kaah pii bil lifiɛl lan nin sir nbamɔma, le u daagim a sɔbim paa li bu: “Uyudaan nyi ban ye u yaab,” le “Wan biɛn mu ban un nɔɔ Uyudaan ke, un kpenn u binbema ki nya titoonbir a tumin na.”

Hiibru Yaab 7:18

Uwonbɔr tir nsiim kpegimin le ki tabin ngbaan mi daburigi nin mi kaa jɔɔ nyɔɔr n bu,

2 Piita 2:20

Ni ye baah nyan dulinya nan a ŋmaruŋin, baah nyi ti Yudaau nin ti feeru Yisa Masiya-n, wee ni ye kuŋmaruŋ nmɔn ji choo bi ki nyaŋ bi ke, bi joorim na li bir ki jo bi piinim.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.