Galantiya 4:8 - UWONBƆR A GBƆNPƆŊ LIKƆƆNL

⁸ N-yonn man nan jon wee naa la nan nyi Uwonbɔr nan, ni nan ye biyom le ki sei Uwonbɔr kaah naan tiwann tan kaa ye iween nin.

Uwumbɔr aagbaŋ

⁸ Buyoonn naa nan kee nyi Uwumbɔr na, ŋiwaa ŋi kaa ye Uwumbɔr na nan joo nimi tinaagbiir la.

Galantiya 4:8 ပူးပေါင်းရင်းမြစ်များ

Jɔnn 1:10

U nan be dulinya nan yaan le, nin dulinya nan kaah le nan naan u bu nan yɔli dulinya kaa nan biɛ wi.

Lituln 14:12

Le bi yin Banabasi a yinl ke Ziɛu, ki yin Pɔɔl mu a yinl ke Hemesi, nan bu-n u ma nan ye wan pag tibɔr.

Lituln 17:23

Nan bu-n maah gɔnn ni tiŋ nan, n dibir tiwann tan wee ni jiɛn nin le nbamɔm, hali ki nan kan libinbinl liba le ni sɔb libu ke, libinbinl nan si “NWEEN MAN WEE TAA NYI” nan a taalin le. Daandaan nan n ban n wɔɔn ni nween man wee ni jiɛn wee kaa sin nyi Win yaa bɔr le.

Rom Yaab 1:23

ni ma che bi kpenn Uwonbɔr wan kaa kpegin a jilima ki ta sei tiwann mann wan tan wee bi mann wee ti nann uninfo wan kpeg nin nnɔɔm nin tiwankor nin tiwann tan fuul.

Rom Yaab 1:28

Nan kpiɛ, baah yii kaa ban bi li nyi Uwonbɔr a bamɔn yin bu le U nyan U num ki jiɛn bi per bi potiɛkpiinn nin, le bi tun nan kaa kpaan nin bin tun ni.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

1 Korenti 12:2

Ni nyi ke naah kaa nan ye biwonjiɛm n-yonn man ni, ni nan che bi ta ibawol yan kaa fin pagin ki lar ni kɔɔn kulɔŋ.

1 Korenti 8:4

Tɔ, ki ta jiin ibawol a jiir a jim paam: Ti nyi ke ibawol ye yɔli le dulinya nan yaan, le nweenba kaa ji be ki kpiɛ Uwonbɔr uba nmɔn bu.

Galantiya 4:3

Man mu le ye ti, taah la nan ye nbuwaab Yisa a samin yaan nin, dulinya nan a maabiyiɛrug nan ŋmag ti le ke biyomin.

Efesusi 4:18

Bi biɛm ye libunbɔnl le, le baa kpiɛ Uwonbɔr kaah sei limiɛfol lan nin yaan ni, nan bu-n baa nyi niba le ki sin ji ye tukangbirdam.

1 Tesalonika 1:9

bininfobin biɛn pag ki jiin naah nan gaa ti man, taah nan dan ni ban n-yonn man nin, nin naah nan jiɛn ni bawoli ki dan Uwonbɔr ban man, ke ni jiɛn Uma ibamɔn a Wonbɔru wan fo-n,

1 Tesalonika 4:5

ki laa jɔɔ nmɔsanyunsɔɔm ke ban kaa ye Juu yaab wee kaa nyi Uwonbɔr n kaah be man n ni;

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

1 Piita 4:3

Nan bu-n ni nan jin isaŋ takpem le iyoo yan nan jon nin ki tun nan wee ban kaa ye biwonjiɛmin gann ki tun. Bi nan tun nan ye nwanchɔgin toon, nin kɔlisabirug, nin lidanyugbeel, nin lidanyugbeel a toonbir, ki lagin tab ki nyu ndaam gbeeg, ki mann ibawol.

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.