Galantiya 4:6 - UWONBƆR A GBƆNPƆŊ LIKƆƆNL

⁶ Naah ye Uwonbɔr a buwaabin bu le Uwonbɔr tun U big nmɔn a Naaŋ le ki dan ki nan be ti sufu ni, le kinaaŋ nmɔn yi ke, “Ti dindaau, ti baa.”

Uwumbɔr aagbaŋ

⁶ Taah ye Uwumbɔr aabim na, le Uwumbɔr tun ni Ujapɔɔn Aafuur Nyaan tisui ni. Muma le cha ti yin Uwumbɔr ke Tite.

Galantiya 4:6 ပူးပေါင်းရင်းမြစ်များ

Tibɔnyaan ti Mak ŋmee ti na 14:36

“N baa, n baa, niba li kaa be le ŋaa li fir tun ni. Laa che n nyu kiyiinyɔɔg nan yaan ni; Amaa che a yaa bam le n tun, wee ni laa ye n yaa bami.”

Tibɔnyaan ti Luk ŋmee ti na 11:13

Ke ni ye nim tibirdam nyi naah li sei ni buwaab liwanŋanl man ke, ni Baa Uwonbɔr wan be papaab nan man kaa ni li ta Kasi a Naaŋ nan ki sei bininfob ban miɛ win naa?”

Tibɔnyaan ti Luk ŋmee ti na 11:2

Le U bei bi ke, “Ni yin miɛ Uwonbɔr ke, ni len ke: ‘Ti Baa, che a yinl le be kasi, che a naam n foon.

Jɔnn 14:16

Le n li baan Baa-n, wee un ji sei ni utiter uba wan na li gbaa be nin ni n-yonn biɛn.

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 16:7

Amaa n bei ni ibamɔn le: N fɔr ke ni yin kpiɛ nim le. Maa jon ke, Utiterin kaa yin dan ni ban ni; amaa n jon ke, n li tun u ni ban.

Jɔnn 3:34

Nan bu-n wan wee Uwonbɔr nan tun nin pag Uwonbɔr a mɔbonl le, nan bu-n Uwonbɔr gbeen u Kinaaŋ le.

Jɔnn 7:39

Yisa kaah nan pag man nin, u nan len Uwonbɔr a Kasi a Naaŋ kan wee ban ŋa u yada-n na yin ga-n le. Ki nan nan kpaa n-yonn nmɔn nin, Uwonbɔr kaa la nan ta Kinaaŋin ki sei ban ŋa u yada-n ni, nan bu-n Yisa kaa la nan kan kupagi.

Lituln 16:7

Baah nan tan foo Misiya a timin a tarigin, bi ni nan ban bin kɔɔ Batiniya a timin le, amaa le Yisa a Naaŋ kaa chee ke bin kɔɔ.

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

Rom Yaab 8:9

Nim, ma ke, tigbanann a bamin kaa ji ŋmag ni amaa Kinaaŋin le ni ŋmag ni, ni ye Uwonbɔr a Naaŋ be ni ni ke. Wan mu kaa jɔɔ Masiya a Naaŋin ke, waa ye Masiya yaa wi.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

2 Korenti 1:22

ki daag ti waah ye ti a daagim, ki ta u naaŋin ŋa ti sufu ni, le ni wɔɔn ke u li sei ti nan biɛn wee U siin limɔsiinlin.

2 Korenti 3:17

Uwonbɔr ye kinaaŋ le, Uwonbɔr a Naaŋ kaah be nan yaan ni, ye nbaa mu be niin le.

Efesusi 1:13

Ni tɔɔl nan kpiɛ ki be nin Masiya le, naah nan gbir imɔleen yan ye ibamɔn nin, ki ye ni feeja a bɔŋann nin. Naah ŋa yada-n bu, le Uwonbɔr ta U yaa daagim ki daag ni, lan ye limɔsiinl Kasi a Naaŋin,

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

Efesusi 4:30

Ni laa bii Uwonbɔr a Kasi a Naaŋ a sufu, wan wee Uwonbɔr taah daag ni nkpenim a manugin a daal.

Efesusi 6:18

Ni li miɛ Uwonbɔr Kinaaŋin ki li miɛ U nan yaan biɛn wee ni be nin liwonmiɛl lan a booli biɛn wee ni ban. Ki che ni niɛ nan li be ni sufu ni, ni li guu ni ba wee ki li miɛ ki tenn Uwonbɔr a ninfogannkaabin biɛn na.

Filipi 1:19

ni ma bu le n nyi ke ni wonmiɛl nin Masiya a Naaŋin yaa terim bu, nan dan n bu nan biɛn li labir ki seim nŋmarim.

1 Tesalonika 4:8

Mambu uninfo wan yii kaa nɔɔ nwɔɔnim nan ke, naa ye uninfosaal le u yii amaa u yii Uwonbɔr wan sei ni U Kasi a Naaŋin le.

1 Piita 1:11

ke bin kan iyoo yan nin naah li ŋa man wee Masiya a Naaŋ kan be bi ni nan chinn kan le ki wɔɔn bi Masiya a fala a jim nin kupag kan li ŋɔɔrin.

Juud 1:20

Amaa nim, n jɔtiib, ni li kpiɛg ni ba ni kasi a yada wee ki li miɛ Kasi a Naaŋ.

Tibɔkpiirkaan 19:10

Iyaayoo le n lu u taatum ki jiɛn u. Amaa le u beim ke, “Laa ŋa man ni! N ye a toontum kpiɛg le nin a nabum ban ŋmag Yisa a siɛra-n. Li jiɛn Uwonbɔr a! Nan bu-n Yisa a siɛra ye Kinaaŋ a linlen leen le.”