Galantiya 4:5 - UWONBƆR A GBƆNPƆŊ LIKƆƆNL

⁵ ke un ŋa nkpenim a manug ki nyan ban be nsiim nmɔn yaan nin, wee ti kpann Uwonbɔr a bibamɔm.

Uwumbɔr aagbaŋ

⁵ ke u gaa binib bi dii nkaal ngbaan na lii, aan Uwumbɔr ŋa timi waabim.

Galantiya 4:5 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Tibɔnyaan ti Luk ŋmee ti na 1:68

“Ndom ye Uyudaan wan ye Iziral yaab a Wonbɔr u nan yaan le. Nan bu-n U dan ki nan sei u ninfob nkpenim a manuga,

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Rom Yaab 10:4

Masiya le ye nsiimin a diɛm le ban biɛn ŋa u yada ke bi li jɔɔ nbuchin binben.

Rom Yaab 8:14

nan bu-n, ban wee Uwonbɔr a Naaŋin lii bi samin, bi ye Uwonbɔr a naachim le.

Rom Yaab 8:15

Uwonbɔr kaah ta U Naaŋ kan sei ni-n kaa ye Kinaaŋ kan li ŋa ni bi yom wee ni ji li san bijawaami, amaa U Naaŋ nmɔn bu le che ni kpann U naachim. Uma bu le ti kuun ki yi ke, “N Dindaau N Baa.”

Rom Yaab 8:19

Niwann nan wee Uwonbɔr naan nan biɛn le guu le bi sufu ŋa sili ki lig lidaal lan wee Uwonbɔr na yin kpiir U naachimin ni.

Rom Yaab 8:23

Naa ye ni yaa binba, amaa tim ban wee Uwonbɔr chinn sei ti U Kasi a Naaŋin a looi yin tɔɔl dun le ti sufu ni ki guu n-yonn man wee Uwonbɔr na yin ta ti kpann U tɔɔl a buwaab, ki sei ti nkpenim a manug ti gbanann nin.

Rom Yaab 9:4

bi ma ye Iziral yaab. Bi ma le Uwonbɔr nan ta bi kpann U bimarim; ki che bi jɔɔ U tɔɔl a pag, ki poo tipoopɔnn sei bi, ki sei bi U siim, ki wɔɔn bi baah li jiɛn U man iwonjiɛn niin, le ki siin bi limɔsiinl.

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Galantiya 4:21

Ni beim ni, nim ban ban nsiim li ŋmag ni nan, naa nyi nsiim nmɔn kaah len man naa?

Galantiya 4:7

Mambu, ŋaa ji ye uyomi, amaa a nin ye Uwonbɔr a big le; ŋaah ye U big n bu, le U ŋaaŋ U faajiru mu.

Efesusi 1:5

U pii nan lol ke U li ta ti ki kpann U buwaab Yisa Masiya bu, U nan lol man le U nungbeelin nin U bam,

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 9:12

Waa nan ŋmag iŋɔɔb nin nnaabum a cham le ki kɔɔ nin yaan ni; amaa nba bu le u nan kɔɔ kasi mu a kasi a bolin ki ta u tɔɔl a cham ki mann kumanug kan ye nkpenim a manug kan kaa jɔɔ diɛm Uwonbɔr ban ki sei ti.

Hiibru Yaab 9:15

Ni ma bu le Masiya ye ti sandanfaaru tipoopɔnn n-yaan, ke nin che ban wee Uwonbɔr yin bin kan Uwonbɔr a mɔsiinl lan ye lifaal lan kaa jɔɔ diɛmi. Nan bu-n Masiya pii nan kpo ke un da ban nan tun tibir n-yonn man wee tipookpegirin la nan si-n le, ki nyan bi tibir nmɔn a tudarilin.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

Tibɔkpiirkaan 14:3

Le bi nan gaah ilan pɔɔn kunaangbɔŋin nin tiwann naan wan tan fo tina-n nin bininkpeebin a nintogil. Uba kaa nan li fir ki tinn ilan nmɔn ni, see bi ma bininfob turikobigin nin turpina nin turina ban nan kan nŋmarim dulinya nan yaan nin a binba.

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.