Galantiya 4:30 - UWONBƆR A GBƆNPƆŊ LIKƆƆNL

³⁰ Amaa Uwonbɔr a gbɔŋin bei ke nii? “Ŋɔɔr upiiyomin nin u bigin ki jaau, upiiyom a big nin upii wan ye u ba nan a big kaa li fir lagin por lifaali.”

Uwumbɔr aagbaŋ

³⁰ Uwumbɔr Aagbaŋ len kinye? Ki len ke Uwumbɔr nan bui Abraham, “Nyan unaagbiipii na ni waabo; unaagbiipii aabo na aa kpa nsan u ji lifaal mmaal aabo na chee.”

Galantiya 4:30 ပူးပေါင်းရင်းမြစ်များ

Jɔnn 8:35

Uyom kaa jɔɔ nan yaan wee u gbaa be iniin a poolin ni, amaa kiniinbijag ma ye iniin yaau le ki gbaa chaa.

Rom Yaab 11:2

Uwonbɔr kaa yii U ninfobi, ban wee U pii nan nyi-n. Naa nyi ke Uwonbɔr a gbɔŋin ni sɔb ki jiin Elaja paam, waah nan galin Iziral yaab Uwonbɔr ban ki ke:

Rom Yaab 4:3

Uwonbɔr a gbɔŋin len ke nii? “Abiraham ŋa Uwonbɔr le yada, le Uwonbɔr kan u yada nmɔn kpiɛ u buchin binbem bu.”

Galantiya 3:22

Amaa Uwonbɔr a gbɔŋin bei ke, uninfo biɛn be tibir a loondiigin le, naah li ŋa man wee Uwonbɔr kaah nan siin limɔsiinl ke U li sei ban ŋa Yisa Masiya yada lifaal lan nin, bi yada nmɔn bu le U yin sei bi.

Galantiya 3:8

Ni ji sɔb dɔ Uwonbɔr a gbɔŋin ke, bininfob ban kaa ye Juu yaab nan a bɔr na li ŋaŋ bi yada bu. Baah kaa la nan gbir tibɔŋannin n-yonn man nin le U nan chinn mɔɔn ti sei Abiraham ke, “Fin bu, N li kaab tikaar jaa dulinya nan yaab biɛn bu.”

Galantiya 4:22

Ni sɔb Uwonbɔr a gbɔŋin ke Abiraham nan jɔɔ nbijabum milee le, uba a na nan ye uyom le wan gurin mu a na nan ye upii wan ye uba.

Galantiya 4:31

Mambu n nabum, taa ye upiiyom nmɔn a buwaabi, amaa ti ye upii wan ye u ba nan a buwaab le.

Jemisi 4:5

Bee ni tiɛr ke Uwonbɔr a bɔr kaah len man ni kaa jɔɔ bu lee? Ke Kinaaŋ kan wee Uwonbɔr ta ŋa ti ban nin ki jɔɔ linunchɔril takpem maa?