Galantiya 3:16 - UWONBƆR A GBƆNPƆŊ LIKƆƆNL

¹⁶ Limɔsiinl nmɔn nan siin ki sei Abiraham nin u yaabil le. Uwonbɔr a gbɔŋ kaa ke, “Nin a yaabili yi” wee ni wɔɔn ke kuninfogbaluŋi amaa u nan ke “Nin a yaabil”, le ni wɔɔn ke uninfo uba u ma ye Masiya.

Uwumbɔr aagbaŋ

¹⁶ Uwumbɔr nan puu tipuur tii Abraham ni uyaabil la. Waa len ke uyaabitiib, kaa len ke kinipaak, u len ke unibaan la. U nan len ke uyaabil la. Uma le ye Kristo.

Galantiya 3:16 ပူးပေါင်းရင်းမြစ်များ

Matiu 1:1

Yisa Masiya a baa nin u yaajam a piinim a gbɔŋ sɔ. U ye Defid a yaabil le, le Defid mu ye Abiraham a yaabil:

Tibɔnyaan ti Luk ŋmee ti na 1:55

Abiraham nin u yaabili nin n-yonn man kaa jɔɔ diɛmin hali nin waah nan pag ki sei ti baamin.”

Lituln 3:25

Nim le ye bilinlem nmɔn a naachim nin tipoor tan wee Uwonbɔr nan poo sei ni yaajamin. U nan bei Abiraham ke, ‘A yaabil uba bu tikaar npii dulinya nan yaab biɛn.’

Rom Yaab 12:5

man mu le ye ni Masiya ni, ti ninfo gbaluŋ le lagin ki ŋa tigbanann tiba, le ligbanann bɔgil liba ye igbanann bɔg yan gurin yaan le.

Rom Yaab 4:13

Naa nan ye nsiimin a ŋmagim bu le Uwonbɔr nan siin limɔsiinl ki sei Abiraham nin u yaabili ke bi li ji dulinya nan a faalin ni, amaa nbuchin binben man nyan yada-n nin bu.

Rom Yaab 4:16

Mambu Uwonbɔr a mɔsiinlin nɔɔ nin yada le, ki ye Uwonbɔr a nyunyunbasanl ki si guu Abiraham a yaabili biɛn, naa ye ban ŋmag nsiimin a binba, amaa ban jɔɔ Abiraham a yada-n. U ma ye ti biɛn nan a baa.

Rom Yaab 9:4

bi ma ye Iziral yaab. Bi ma le Uwonbɔr nan ta bi kpann U bimarim; ki che bi jɔɔ U tɔɔl a pag, ki poo tipoopɔnn sei bi, ki sei bi U siim, ki wɔɔn bi baah li jiɛn U man iwonjiɛn niin, le ki siin bi limɔsiinl.

1 Korenti 12:12

Tigbanann ye nba le, hali nin taah le jɔɔ ibɔg ibɔg takpem nmɔn, hali nin ibɔg nmɔn biɛn kaah le yab nmɔn na ti lagin ye gbanann tiba le, Yisa mu ye man le.

1 Korenti 12:27

Daandaan nan ni ye Masiya a gbanann le, ni biɛn le ye tigbanann nmɔn a bɔgi.

2 Korenti 11:22

Bi ye Hiiburu yaab lee? N mu ye Hiiburu a ninfou le. Bi ye Iziral yaab lee? N mu ye Iziral a ninfou le. Bi ye Abiraham a yaabili lee? N mu ye Abiraham a yaabil le.

Galantiya 3:19

Ke babu wee Uwonbɔr nan siin nsiim nmɔn naa? Nsiim a biim bu le Uwonbɔr nan ta nsiim nan ki sei bininfob ki kpiɛ U mɔsiinl bu, ki ban nsiim nmɔn li ŋmag bi hali nin n-yonn man wee Abiraham a yaabil lan wee U ma Uwonbɔr nan siin limɔsiinl ki sei-n kaah na li foon. Le malakam ta nsiim nmɔn ŋubin usandanfaar a nɔɔn.

Galantiya 3:8

Ni ji sɔb dɔ Uwonbɔr a gbɔŋin ke, bininfob ban kaa ye Juu yaab nan a bɔr na li ŋaŋ bi yada bu. Baah kaa la nan gbir tibɔŋannin n-yonn man nin le U nan chinn mɔɔn ti sei Abiraham ke, “Fin bu, N li kaab tikaar jaa dulinya nan yaab biɛn bu.”

Efesusi 5:32

Ti ye tibɔr bamɔn tan woo le, amaa min pag Masiya nin biwonjiɛm a laguŋ a bɔr le.

Kolosiya 2:19

Waa ji tug nin Masiya wan ye ni yulin ni, wan bu wee tigbanann biɛn tugin, uma ŋmag tigbanann le ti ŋmag tab nin tijiin, le ti yabirig ke Uwonbɔr kaah ban ti li yabirig man.

Kolosiya 3:11

Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.