Galantiya 3:1 - UWONBƆR A GBƆNPƆŊ LIKƆƆNL

¹ Nim Galantiya yaab, tijɔri nan! Unyɔgdaan u la baa ŋmarin ni sufuu? Yisa Masiya a kum lidapunpunlin bu a bɔr nan kar ki wɔɔn ni npaan nin ni tɔɔl a numin.

Uwumbɔr aagbaŋ

¹ Galasia aatiŋ aanib, bijɔrb, ŋma ŋmann nimi ke ni taa ki dii mbamɔn? Ti nan tuk nimi Yesu Kristo aah nan kpo ndɔpuinkoo pu pu na. Ni bi ke ninimbil aah kan le na.

Galantiya 3:1 ပူးပေါင်းရင်းမြစ်များ

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Matiu 7:26

Amaa wan biɛn gbir n bɔr nan, wee kaa ŋmag ti ke, u nann kujajɔrug kan nan maa u niin litanbiiril ni le.

Tibɔnyaan ti Luk ŋmee ti na 24:25

Le u bei bi ke, “Ba ŋa ni jɔr man naa, wee kaa ŋa Uwonbɔr a linlem kaah nan pag tibɔr tan nin biɛn yadaa?

Lituln 16:6

Kasi a Naaŋ kaah kaa nan chee ke bin mɔɔn tibɔrin nmɔn Asiya a yerin nin ni, le Pɔɔl nin u ninɔɔtabin nan nɔɔ Ferijiya nin Galantiya a tingbɔŋin.

Lituln 6:7

Le bi mann mɔɔn Uwonbɔr a bɔrin. Le Yisa a bɔɔnɔɔb ban be Jerusalam nan a kanl nan kpiɛ weem weem, le Uwonbɔr a minmanib takpem chee Yisa a bɔŋann nin ki ŋa u yada.

Rom Yaab 10:16

Amaa naa ye bi biɛn le chee sei tibɔŋann nmɔn ni. Ni ma bu le Azaya len ke, “Uyudaan, ŋma ŋa ti mɔleen nan yadaa?”

Rom Yaab 2:8

Amaa ban ban niwann biɛn li ye bi yaan, wee ki yii ibamɔn wee ki nɔɔ titoonbir a samin, Uwonbɔr a ŋuul yin fii bi bu le.

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

1 Korenti 11:26

Iyoo yan biɛn wee ni ŋman boroboro nan wee ki nyun kiyiinyɔɔg nan yaan ke, ni mɔɔn Uyudaan a kumin le nin waah na li jirin.

1 Korenti 2:2

Amaa maah nan be ni ban ni, maa nan ban n biɛ niba ki ji kpiɛ see Yisa Masiya nin u kum lidapunpunl nbu.

2 Korenti 10:5

Ti pag bii limɔkpel nin kalanbaanidam ban ke bi jɔɔ nlam ki jon Uwonbɔrin. Ti nyaŋir ipotiɛ biɛn, ki che ni cheel Masiya a mɔb.

2 Korenti 11:3

Amaa nlam yugir nim bu, nan bu-n n nyi bininfob kaah li dan ki nan lar ni ki ŋmarin ni potiɛri, ki ke ni laa ji nɔɔ Yisa nbamɔmi, a li ke uwaa kaah nan lar Iif man nin.

Galantiya 1:2

nin n nabum ban biɛn be n ban, Le sɔb kugbɔŋ nan ki poor nim biwonjiɛm a laginn tan be Galantiya a timin:

Galantiya 1:6

Ni garim pam nin naah labir weem ki jiɛn Uwonbɔr wan yin ni Masiya a nyunyunbasanl bu-n wee ki labir nɔɔ tibɔr tan be ti binba nmɔn,

Galantiya 2:14

Maah nan nan kan baah tun man nin kaa nɔɔ tibɔŋannin a bamɔn yin, le n bei Piita bininfobin biɛn a nintogil ke, “A ye Juu a ninfou le, amaa a be le ke ban kaa ye Juu yaabin, ŋaa nann Juu a ninfou wi. Ni ŋa nii wee a mugir ban kaa ye Juu yaab ki ban bin nɔɔ Juu yaab a kaalaa?

Galantiya 3:3

Ni jɔrig lee? Nim ban nan piin nin Uwonbɔr a Kasi a Naaŋ a pɔɔm nan, ni nin gbaar ban ni ta uninfosaal a pɔɔm le ki jooraa?

Galantiya 4:9

Amaa daandaan nan ni nin nyi Uwonbɔr, bee Uwonbɔr nyi ni, ke ba ŋa wee ni ji ban ni jir ki nɔɔ dulinya nan a maabiyiɛrug kan ye idaburig nin kunyunyunbaag a binbem nan naa? Ni ban ni kpann tiwann nmɔn a yomi le jigin naa?

Galantiya 5:11

N nabum, ni ye n la bi mɔɔn lipunjiil a bɔr le ke, ba ŋa wee bi ji mugirim maa? Ni ye man ke igalin yan nan ŋa lidapunpunl bu n gab yɔliu.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Efesusi 4:14

Taa ji yin ye nbuwaab tirimi, wee bilinlarib a wɔɔnimin li jɔɔ ti ki yeŋ ke kubulunkpoŋ kan wee kunyungbɔŋ daar ki yeŋ chaa kaah ban nan paami.

Efesusi 5:15

Mambu ni li nyi niba bu, naah li be man, ni laa be ke ban kaa jɔɔ nlamin ni, amaa ni li be ke bilandamin,

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

1 Timoti 6:4

u ye kalanbaanidaan wan donn uba le kaa sin nyi niba. Ki ji ye wan a mɔsanyum sɔɔn, nin wan a sufu be limɔkpel a famin nin tibɔyɔɔr a pagimin, nin lipiiponl lan jɔɔ nbɔgirim chaan ki che taa nyi ki biɛn tab,

Hiibru Yaab 11:8

Yada bu, Abiraham nan chee Uwonbɔr a yim ki jon kitiŋ kan wee Uwonbɔr nan siin limɔsiinl ke U li ta kitiŋ kan ki sei win, u nan chee Uwonbɔr a mɔb le ki jon, hali nin waah kaa le nan nyi kitiŋ nmɔn yaan ni, ni biɛn yɔli u nan jon na.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 4:17

Ni ma bu isaŋ foou nin Uwonbɔr npiin ki ji U niin yaab tibɔra; ke ni ye ni yin piin nin tim ke, ke ban kaa chee Uwonbɔr a bɔŋann nin yaal na li be nii?

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.

Tibɔkpiirkaan 18:3

Nan bu-n kutingbɔŋ nan a ninfob pii nyun ndapɔɔrim ke u wanchɔgin toon yin. Dulinya a bɔrtiib tun iwanchɔgin toon nin wa, le kpoŋkpoŋ dam kpann biwandam u wanŋan banl nmɔn bu.”

Tibɔkpiirkaan 2:20

Ni biɛn yɔli, Nan wee n jɔɔ ki galin ni sɔ: Ni cheel tenn upii wan wee bi yi u ke Jezebiɛl, wee u yi uba ke ulinlenn nin. Upii nmɔn a wɔɔm che n toontum kɔɔ iwanchɔgin toon nin lipiibanlin nin lijabanlin nin tibawojiir a jimin.