Galantiya 2:9 - UWONBƆR A GBƆNPƆŊ LIKƆƆNL

⁹ Jemisi nin Piita ki kpiɛ Jɔnn ban wee bi lig ki miin bi ye bininfojabin, bi tɔɔl nan biɛ ke Uwonbɔr le seim itoon gannkaa nmɔn; ni ma che bi nan sei min nin Banabasi inɔɔ. Ni ma nan ye chee sei tab a nɔɔseil. Tim nin bi ma nan chee sei tab ke min nin Banabasi li mɔɔn tibɔŋannin ki tenn ban kaa ye Juu yaaba, wee bi mu li mɔɔn ti ki tenn Juu yaab.

Uwumbɔr aagbaŋ

⁹ Le Jems, ni Piita, ni Jɔnn, bi ye Yesu aanib aaninkpiib na, bee Uwumbɔr aah ter mi waatuln ponn ni pu na, le bi di biŋaal tii m ni Banabas ke naabitiib pu na, ki kii ke ni ŋan ke ti buen binib bi kaa ye Juu yaab na chee, aan bi mu buen Juu yaab chee.

Galantiya 2:9 ပူးပေါင်းရင်းမြစ်များ

Matiu 16:18

N beiŋ le Piita, a ye litangbagil le; litangbagil nan bu le n yin ta biwonjiɛm a laguŋ ki tɔɔn; le nkum kaa li fir nyaŋ bi.

Tibɔnyaan ti Luk ŋmee ti na 22:8

Le Yisa nan tun Piita nin Jɔnn kitiŋ nmɔn yaan, ki bei bi ke, “Ni li chaa ki tan ŋa sili wee ti ji yuglagir a jiir.”

Jɔnn 1:42

Le ki taa u dan Yisa ban. Yisa nan lig u le ki ke, “A ye Jɔnn a bija Simɔnn le. Bi ni li yiŋ ke Sifasi” (le li labirim le ye Piita).

Lituln 12:17

Le u don u nɔɔ ke bin ŋmin tifura, le ki wɔɔn bi Uyudaan kaah nyan u kuloondiigin man. Le u bei bi ke, “Ni li chaa ki tan bei Jemisi nin biwonjiɛmin nan tun nan a bɔr,” le u fɔɔr jiɛn bi ki yaar jon niba paam.

Lituln 15:13

Baah nan pag ki diɛ n-yonn man nin, le Jemisi pag paab ke: “N nabum, ni pelim man.

Lituln 15:7

Bi nan pag ti ni yuur le Piita nan nan fii sir ki ke, “N nabum, ni nyi ke iyoo yan jon nin, Uwonbɔr nan gannim le ni poolin ke n pag tibɔŋann nin ki sei ban kaa ye Juu yaab, wee bin gbir ki ŋa yada.

Lituln 4:36

Uja uba nan be niin le u yinl ye Josef, u nan ye Liifai yaab a bol a ninfou le, wan wee bi ma u Saipuru a tiŋin nan, itoon nin yi u ke Banabasi (ni taai ye pɔɔninba daan a bija),

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 12:3

Uwonbɔr kaah sam kunyunyunbaag kan nin bu le n bei ni biɛn nan ke: Uba laa tiɛr ke u ye lininfo gbingbemil ki jon waah be man nni, amaa che uninfo biɛn li tiɛr ibamɔn a bɔjil ki tenn u bau, ke yada kan wee Uwonbɔr ta sei win kaah kpaa man nin.

Rom Yaab 15:15

Maah nan sɔb lipoobil a bɔr tan ki sei ni-n nann le ke n ji tiɛr ni le-n, nan bu-n Uwonbɔr kaah sam kunyunyunbaagin bu,

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

2 Korenti 11:5

Amaa maa tiɛr ke ban ke bi ye itoon ki ye bipɔɔndamin a ni uba jomi.

2 Korenti 12:11

N ŋa nba le kujɔrug, amaa nim le che n ŋa man. Nim le bi li pagim, nan bu-n hali maa le ye niba ke, amaa ban lar ke bi ye “itoon pɔɔndamin,” kaa jomi.

2 Korenti 8:4

bi nan balin ti ke ti sei bi nsan wee bin ta bi nɔɔi ki kɔɔn biwonjiɛm a teril nmɔn yaan weem.

Galantiya 1:16

ki kpiir U bija wan be n ni-n ki wɔɔn ke n ta u ki mɔɔn ki sei ban kaa ye Juu yaabin, maa nan gbeer uba,

Galantiya 1:18

Ibin itaa a bɔɔn, le n nan jon Jerusalam n tan gɔnn Piita ki biɛ u, le ki nan be u ban iweehn piig nin iŋmu.

Galantiya 2:1

Ibin piig nin ina a bɔɔn le n ji nan jon Jerusalam, min nin Banabasi. N nan ta Tatusi tɔɔl jon na.

Galantiya 2:2

Uwonbɔr le nan kpiir wɔɔnim ke n jo, ki tan bei bi tibɔŋann tan wee n ti mɔɔn ban kaa ye Juu yaab ban nin. Amaa n nan yin biwonjiɛn sanliibin a binba le ki wɔɔn bi, nan bu-n, n nan san le kaa ban maah tun nan nin bee nan wee n la yin tun nin n gab yɔli.

Galantiya 6:3

Ni ye uninfo tiɛr ke u ye niba, wee kaah sin ye niba ke, u lar u ba le.

Efesusi 2:20

lifiɛl lan wee Yisa a tooi nin bilinlemin nan tɔɔn li bu-n, li ma bu le n mu tɔɔn le Yisa Masiya ye litangbagil lan ye lifiɛl nmɔn a pɔɔm.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Kolosiya 1:29

Ni niɛ nan bu le n tun ki gbaar nin u pɔɔm biɛn man pɔɔ lagir ki be nni ki tun nin.

1 Timoti 3:15

ni ye maa dan weem ke, kugbɔŋ nmɔn li che a biɛ bininfob a binbem kaah ye man Uwonbɔr a niin, ban ye Uwonbɔr wan fo a wonjiɛmin, ki ye kijaantelig nin ibamɔn a fiɛl.

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

Tibɔkpiirkaan 3:12

Wan nyaŋ ke, n li ŋa udaan Uwonbɔr a diig a jaantelig. Le waa ji li nya niin ni. N li sɔb n Wonbɔru a yinl nin n Wonbɔru a tiŋ kan ye Jerusalam pɔŋin ki paan u bu, kan yin nyan paab n Wonbɔru ban wee ki jiirin nin; le ki ji sɔb n mu a yin pɔnl ki paan u bu.