Galantiya 2:6 - UWONBƆR A GBƆNPƆŊ LIKƆƆNL

⁶ Ban wee bi lig bi ki miin bi ye ban kpaa talarin, baah nan ye bininfob ban nin kaa jɔɔ nbɔgirim min ban ni; Uwonbɔr kaa ji bininfob tibɔr baah nann man ni, bininfob nmɔn kaa kpiɛgim niba imɔleen n-yaan ni.

Uwumbɔr aagbaŋ

⁶ Yesu aanib aaninkpiib bi kpa liyimbil na, baah bi pu na, naa ye nibaa m chee; ba pu? Uwumbɔr aa pak ubaa ki jer uken, binib ngbaan aa len ke m di tibɔr tibaa ki kpee maah mooni tibɔr ti na pu.

Galantiya 2:6 ပူးပေါင်းရင်းမြစ်များ

Matiu 22:16

Bi nan tun bi bɔɔnɔɔb biba nin Herɔd a ninfob u ban, le bi tan baan u ke, “Wan wɔɔn, ti nyi ke a ye ubamɔn pagir le, ki wɔɔn bininfob Uwonbɔr a bɔr nbamɔm nan bu-n a baga kaa be bininfosaalib kaah ye ban ni.

Tibɔnyaan ti Mak ŋmee ti na 12:14

Le bi nan foon ki baan u ke, “Wan wɔɔn, ti nyi ŋaah pag ibamɔn, kaa san bijawaam nin bininfob kaah li tiɛr man ni. A biɛ wɔɔn bininfob Uwonbɔr a sam nin ibamɔn, le a baga kaa be nin uninfo kaah ye wan ni. Mambu, bei ti ni, ni ŋan nin ti yɔ lampo ki sei Rom a tiŋ a bɔru Siiza, bee ti laa yɔɔ?”

Tibɔnyaan ti Luk ŋmee ti na 20:21

Le bininfob penkaab nmɔn baan u ke, “Wan wɔɔn, ti nyi ke a pag ki wɔɔn nan ye ibamɔn, le a mu kaa gann ni, amaa ki wɔɔn Uwonbɔr a bɔr tan ye ibamɔn.

Lituln 10:34

Le Piita piin ki bei bi ke, “N nin biɛ ke ni ye nbamɔm le ke Uwonbɔr kaa gann ni,

Lituln 5:36

Iyoo yan nan jon nin, Tiudiɛ nan wɔɔn u ba le ke u ye lininfo takpenl le, le bijab kobina nan nɔɔ u bɔɔn, amaa baah nan nan ku win, u bɔɔnɔɔbin biɛn nan worin na, le ni biɛn ŋa yɔli.

Rom Yaab 2:11

Nan bu-n, Uwonbɔr kaa gann ni.

2 Korenti 11:5

Amaa maa tiɛr ke ban ke bi ye itoon ki ye bipɔɔndamin a ni uba jomi.

2 Korenti 12:11

N ŋa nba le kujɔrug, amaa nim le che n ŋa man. Nim le bi li pagim, nan bu-n hali maa le ye niba ke, amaa ban lar ke bi ye “itoon pɔɔndamin,” kaa jomi.

2 Korenti 5:16

Daandaan nan ki jɔɔ chaa, taa ji lig uba ke dulinya nan a ninfob kaah lig u man nni. Hali taah nan lig Yisa man ni, taa ji lig u man ni.

Galantiya 2:2

Uwonbɔr le nan kpiir wɔɔnim ke n jo, ki tan bei bi tibɔŋann tan wee n ti mɔɔn ban kaa ye Juu yaab ban nin. Amaa n nan yin biwonjiɛn sanliibin a binba le ki wɔɔn bi, nan bu-n, n nan san le kaa ban maah tun nan nin bee nan wee n la yin tun nin n gab yɔli.

Galantiya 6:3

Ni ye uninfo tiɛr ke u ye niba, wee kaah sin ye niba ke, u lar u ba le.

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.

1 Piita 1:17

Nan bu-n naah yin ti Baa wan ji bininfob biɛn a bɔr nin bi toon kaah ye man wee kaa gann nin, ni bu ni che ni binbem li be ke ni ye bicham le dulinya nan yaan ki li san Uwonbɔr bijawaam nin jilimau.