Galantiya 2:11 - UWONBƆR A GBƆNPƆŊ LIKƆƆNL

¹¹ Piita kaah nan foon Antiɛg nan, n nan yii u bɔrin le u numin, nan bu-n u le sin nan jɔɔ igalin le.

Uwumbɔr aagbaŋ

¹¹ Tɔ, Piita aah fuu ni Antiok aatiŋ ni na, le m kpak u; ba pu? u nan kpa taani la.

Galantiya 2:11 ပူးပေါင်းရင်းမြစ်များ

Matiu 16:23

Le Yisa gbiɛ lig Piita ki bei u ke, “Sintani nan, fɔɔr n ban na! A ye litangbag gbiɛrikaal le n samin, nan bu-n ŋaa tiɛr nan ye Uwonbɔr yaan bu, le ki tiɛr nan ye uninfosaal yaan.”

Jɔnn 1:42

Le ki taa u dan Yisa ban. Yisa nan lig u le ki ke, “A ye Jɔnn a bija Simɔnn le. Bi ni li yiŋ ke Sifasi” (le li labirim le ye Piita).

Lituln 11:19

Yisa a bɔɔnɔɔb ban nan kan limugil Sitifin a kum a yonn nin, bi nan worin le ki jon ntim man fɔg, ki tan kpaa Fonisiya, nin Saipuru, nin Antiɛg ki jɔɔ Yisa a bɔr ki mɔɔn tenn Juu yaab a binba.

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 11:22

Biwonjiɛm a laguŋ kan be Jerusalam nan gbir tibɔr nmɔn le ki tun Banabasi jon Antiɛg a tiŋin.

Lituln 11:27

Iyaayoo nmɔn le bilinlem biba nyan Jerusalam, ki dan Antiɛg a tiŋin.

Lituln 15:1

Bijab biba le nan nyan Judiya, ki dan Antiɛg, le ki nan wɔɔn biwonjiɛmin ke: “See ke ni jii ni pun, ke Moziz a siimin kaah wɔɔn man nin, naa ye man ke, naa li kan nŋmarimi.”

Lituln 15:5

Le biwonjiɛm ban nan si Farasii yaab a chaŋin fii sir ki ke, “Ni kpaa le nin ban kaa ye Juu yaabin jii bi pun, ki chee sei Moziz a siimin.”

2 Korenti 11:5

Amaa maa tiɛr ke ban ke bi ye itoon ki ye bipɔɔndamin a ni uba jomi.

2 Korenti 12:11

N ŋa nba le kujɔrug, amaa nim le che n ŋa man. Nim le bi li pagim, nan bu-n hali maa le ye niba ke, amaa ban lar ke bi ye “itoon pɔɔndamin,” kaa jomi.

2 Korenti 5:16

Daandaan nan ki jɔɔ chaa, taa ji lig uba ke dulinya nan a ninfob kaah lig u man nni. Hali taah nan lig Yisa man ni, taa ji lig u man ni.

Galantiya 1:18

Ibin itaa a bɔɔn, le n nan jon Jerusalam n tan gɔnn Piita ki biɛ u, le ki nan be u ban iweehn piig nin iŋmu.

Galantiya 2:14

Maah nan nan kan baah tun man nin kaa nɔɔ tibɔŋannin a bamɔn yin, le n bei Piita bininfobin biɛn a nintogil ke, “A ye Juu a ninfou le, amaa a be le ke ban kaa ye Juu yaabin, ŋaa nann Juu a ninfou wi. Ni ŋa nii wee a mugir ban kaa ye Juu yaab ki ban bin nɔɔ Juu yaab a kaalaa?

Galantiya 2:5

Taa nan chee sei bi hali wama, naah li ŋa man wee tibɔŋannin a bamɔn li be nin ni.

Galantiya 2:7

Amaa, baah kan nan n ban ye Uwonbɔr kaah gannim ke n mɔɔn u bɔŋann nin ki sei ban kaa ye Juu yaab ke waah nan gann Piita ke un mɔɔn tibɔŋann nmɔn ki sei Juu yaab man nin.

Galantiya 2:9

Jemisi nin Piita ki kpiɛ Jɔnn ban wee bi lig ki miin bi ye bininfojabin, bi tɔɔl nan biɛ ke Uwonbɔr le seim itoon gannkaa nmɔn; ni ma che bi nan sei min nin Banabasi inɔɔ. Ni ma nan ye chee sei tab a nɔɔseil. Tim nin bi ma nan chee sei tab ke min nin Banabasi li mɔɔn tibɔŋannin ki tenn ban kaa ye Juu yaaba, wee bi mu li mɔɔn ti ki tenn Juu yaab.

1 Timoti 5:20

Ban tun tibir ke, a fuun bi bu kubabugin na, wee ban gurin n kan ikpaan.

Jemisi 3:2

Tiwann takpemin, ti biɛn tun ki bura. Ni ye uba kaa nyi ki pag burin u pipagirin ke, u yaadaan ye kasi daan le, ki li fir ŋmag u gbanann nbamɔm.

Juud 1:3

N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.