Galantiya 1:8 - UWONBƆR A GBƆNPƆŊ LIKƆƆNL

⁸ Amaa hali tim bee malaka le nyan papaab ki yin mɔɔn tibɔŋann wee ti be tiba kaa ye tan wee ti pii mɔɔn ki sei nin nke, che nŋmi man kaa jɔɔ njunimin ngaa u!

Uwumbɔr aagbaŋ

⁸ Timi le yaa tuk nimi tibɔr ti kaa ye taah nan tuk nimi tibɔnyaan ti na, bee ni ti ki ye Uwumbɔr aatuun u nyan ni Uwumbɔr do na le tuk nimi tibɔyayan tee kan, cha Uwumbɔr puun lii u pu.

Galantiya 1:8 ပူးပေါင်းရင်းမြစ်များ

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Tibɔnyaan ti Mak ŋmee ti na 14:71

Le Piita poo ke, “Ni ye n por tibɔkar ke, Uwonbɔr n dar n tula, min kaa nyi naah pag uja wan nan a bɔri.”

Lituln 23:14

Le bi jon kumanug a yudam nin bininkpeeb ban ki bei bi ke, “Ti poo tipoor tan pɔɔ le ke taa yin ji niba see ke ti nan ku Pɔɔl.

Rom Yaab 16:17

N nabum, n balin ni le, ni li dibir bininfob ban jɔɔ nbɔgirim chaan ki nan legin ni samin wee naa chee sei nwɔɔm man wee ni tinn nin. Ni li lɔg ba.

Rom Yaab 9:3

N bi ban ke Uwonbɔr a mɔpoolin bin jim wee min nin Masiya n yiɛr nin tab min tɔɔl a nabumin bu, ban wee min nin bi ma piɛ libolin,

1 Korenti 12:3

Mambu le n bei ni ke, uninfo wan jɔɔ kasi a Naaŋ a pɔɔm ki pag kaa li fir poo bimɔb ki ŋa Yisa, uba mu kaa li fir ke, “Yisa ye Uyudaan ni,” see kinaaŋin be u ni.

1 Korenti 16:22

Wan kaa ban ti Yudaau ke, limɔpool be u bu. Dan ti Yudaau.

Galantiya 1:9

Ke taah pii nan len man nin, le n ji bei ni daandaan nan: Ni ye uba mɔɔn tibɔŋann wee taa ye tan wee ni nan gaa-n ke, che nŋmi man kaa jɔɔ njunimin ngaa u!

Galantiya 3:10

Bininfob ban biɛn nɔɔ nsiim ke bin kan nŋmarimin, limɔpool be bi bu, nan bu-n ni sɔb Uwonbɔr a gbɔŋin ke, “Wan biɛn kaa nɔɔ nsiim man biɛn sɔb dɔ nsiim a gbɔŋin ke, limɔpool be u bu.”

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Taitus 3:10

A kpaan kumabiyiɛrugdaan taaliba bee itaa ilee wee waa kpenn ke, a nyam udaan a bɔrin ki laa ji kan u ki kpiɛ ni kanlin ni.

2 Piita 2:14

Bi num gbee iwanchɔgin toon le, baa jiɛn tibir a tumi; le ki lar ban kaa si bogiliba-n; ki ye ban nyi kujaŋuuŋ a toon, limɔpool be bi bu!