Galantiya 1:16 - UWONBƆR A GBƆNPƆŊ LIKƆƆNL

¹⁶ ki kpiir U bija wan be n ni-n ki wɔɔn ke n ta u ki mɔɔn ki sei ban kaa ye Juu yaabin, maa nan gbeer uba,

Uwumbɔr aagbaŋ

¹⁶ Waageehn pu le u kpiir Ujapɔɔn aah bi pu na mɔk mi, ke m buen ti tuk binib bi kaa ye Juu yaab na waabɔr. Waah ŋa kina na, le maa buen unii ubaa chee ki ti kpokl maah ga ŋa pu na,

Galantiya 1:16 ပူးပေါင်းရင်းမြစ်များ

Matiu 16:17

Le Yisa jiin ke, “Fin Simɔnn Jona a bija nan, tikaar be a bu, nan bu-n naa ye uninfosaal le kpiir tibɔr nan ki wɔɔn niŋi, amaa n Baa wan be paab nan le kpiir ti ki wɔɔniŋ.

Matiu 26:41

Ni ligira wee ki li miɛ Uwonbɔr a, wee ki laa nan kɔɔ libiginlin ni. Kinaaŋ ma ban amaa le tigbanann kaa jɔɔ npɔɔn ni.”

Lituln 22:21

“Le Uyudaan beim ke, ‘Fin le li chaau; min le yin tuŋ nan fɔg bininfob ban kaa ye Juu yaabin ban.’ ”

Lituln 5:42

Lidaal biɛn ke bi chaa iwonjiɛn niin ni le, le ki jin mɔɔn Yisa a yinl bininfob a niin yin, ke Yisa le ye Masiya, ki ji mɔɔn u bɔŋann nin.

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Lituln 9:20

Libol nmɔn le u piin ki mɔɔn Yisa a bɔr tiwonjiɛndirin, ke Yisa ye Uwonbɔr a Big le.

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 11:13

N pag bei nim ban kaa ye Juu yaab nan le. Maah le ye ntoon ki sei ban kaa ye Juu yaab nan man, n jɔɔ linunmanl n toon nmɔn bu,

1 Korenti 15:50

N nabum, n bei ni le ke, tigbanann nin ncham kaa li fir kɔɔ Uwonbɔr a naamin ni, le nan bur mu kaa li fir kɔɔ nan kaa bur a naamin ni.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

2 Korenti 5:16

Daandaan nan ki jɔɔ chaa, taa ji lig uba ke dulinya nan a ninfob kaah lig u man nni. Hali taah nan lig Yisa man ni, taa ji lig u man ni.

Galantiya 2:1

Ibin piig nin ina a bɔɔn le n ji nan jon Jerusalam, min nin Banabasi. N nan ta Tatusi tɔɔl jon na.

Efesusi 3:1

Ni niɛ nan bu, le min Pɔɔl wan ye uloondiikɔɔr Masiya nin ban kaa ye Juu yaabin bu-n.

Efesusi 6:12

Taa kɔnn nin bininfob ban ye tigbanann nin nchamin ni, amaa ti kɔnn nin nnaam a pɔɔm, nin tininkper a pɔɔm, nin dulinya nan a bunbɔnl a pɔɔm, nin nnaanbiim man be paabin a pɔɔm.

1 Tesalonika 2:16

ki gbaar ban baah li ŋa man wee ti laa pag sei ban kaa ye Juu yaabin wee bin kan nŋmarimi. Man nmɔn le che bi bir lagin ki nan kpaa man. Le Uwonbɔr a ŋuul fii bi bu le u dar bi tul ni joorimin.

1 Timoti 2:7

Ni niɛ nan bu le Uwonbɔr gannim ki ŋaam wan mɔɔn nin ntoon. N pag ibamɔn le, maa por tibɔkari, ki ye wan wɔɔn ban kaa ye Juu yaab yada a bamɔn.

2 Timoti 1:11

Tibɔŋann nan bu, le Uwonbɔr nan gannim ki ŋaam umɔleenmɔɔn, nin ntoon nin wan wɔɔnn.

Hiibru Yaab 2:14

Baah ye nbuwaab ki jɔɔ tigbanann nin nchamin, ni bu le Yisa mu nan kpann uninfo ke uma nin bininfob li jɔɔ tigbanann tiba, wee u kumin ke u nan bii Sintani wan ŋmag nkum a pɔɔmin,