Filipi 4:9 - UWONBƆR A GBƆNPƆŊ LIKƆƆNL

⁹ Niwann nan wee ni tinn n ban bee ki gaa n ban bee ki gbir n ban nin ni li jɔɔ tun itoon na man. Wee nposɔɔn a Wonbɔr win li be nin ni.

Uwumbɔr aagbaŋ

⁹ Ni nan bae Uwumbɔr aabɔr m chee, ki gaa ti, ki ŋun maah len pu na, ki kan maah ŋani pu na. Ni li dii kina, le Uwumbɔr u tii timi nsuudoon na ga li bi ni chee.

Filipi 4:9 ပူးပေါင်းရင်းမြစ်များ

Matiu 1:23

“Lig! Usapɔɔn wan kaa nyi uja na li choo lipool ki maa kibijag, le bi na li yin u yinl ke Imanuel.” Ni taai le ye, “Uwonbɔr be nin ti.”

Matiu 28:20

ki wɔɔn bi wee bin chee nan wee n pii wɔɔn nimin n biɛn. Ibamɔn bu n yin be ni ban le hali nin dulinya a diɛm.”

Matiu 7:21

“Naa ye ban biɛn beim ke, ‘Uyudaan, Uyudaan,’ li na li kɔɔ paab a naamin ni, amaa wan chee ki tun n Baa wan be paab a bamin.

Tibɔnyaan ti Luk ŋmee ti na 6:46

“Ba ŋa wee ni yim ‘Uyudaan, Uyudaan,’ kaa sin tun maah len man naa?

Tibɔnyaan ti Luk ŋmee ti na 8:21

Le u jiin ke, “Ban gbir Uwonbɔr a bɔr ki chee wee ki tun nin ni samin bi ma ye n watiib nin n na.”

Jɔnn 13:17

Daandaan nan naah biɛ ni niɛ nan, ni ye ke ni ŋa man ke ni li kan tikaar.

Jɔnn 15:14

Ni ye ni ŋa n siimin kaah len man ke ni ye n jɔtiib le.

Jɔnn 2:5

Le u na bei bitoontumin ke, “N bija nan bei ni man ke ni ŋa man na.”

Lituln 9:6

Daandaan nan fiim ki li chaa kitiŋ nmɔn yaan na, bi li beiŋ nan kpaa talar wee a ŋa.”

Rom Yaab 15:33

Nposɔɔn a Wonbɔru li be nin ni biɛn. Ibamɔn.

Rom Yaab 16:20

Nposɔɔn daan Uwonbɔr li taah Sintani ki mar ni taatum ke naa yuuri. Ti Yudaau Yisa a nyunyunbasanl li be nin ni.

1 Korenti 10:31

Ni ye ni jin, bee ni nyun bee ni ŋa nan biɛn ke, ni che nin don Uwonbɔr a yinl.

1 Korenti 14:33

Uwonbɔr kaa ye kuŋmaruŋ a Wonbɔru wi. Nin tiwann tan ye yɔli, amaa U ye wan tun nin ni sam bu le. Ke naah be man biwonjiɛm biɛn a sisiigin ni,

1 Korenti 4:16

Mambu n balin ni le, ni li nɔɔ n binbem ma.

2 Korenti 13:11

Ni joorimin n nabum, n chabir ni le, ni li ban nbinben ŋan na, ni gbirim maah len nan nan, ni li jɔɔ lipotiɛl libau, ki li be nin nposɔɔn, le Uwonbɔr wan jɔɔ njiɛm nin nposɔɔni li be nin ni.

Filipi 3:17

N nabum, nim nin ni tabin biɛn li nɔɔ maah mag man ki wɔɔn ni nna, wee ki biɛ ban a binbem nɔɔ nsan man wee ti nan sei ni-n.

Filipi 4:7

Le Uwonbɔr a posɔɔm, man yab ki lagir uninfosaal a biɛm bu-n le che ni ŋmag Masiya ni sufu ni nin ni potiɛlin.

1 Tesalonika 1:6

Ni nan toog tim nin ti Yudaau a binbem le; nin naah nan ji fala kan nin biɛn yɔli, ni nan gaa tibɔŋann nmɔn le nin npopeen man wee Kasi a Naaŋ ta sei ni-n.

1 Tesalonika 2:14

Amaa nim ban ye ti nabum nan, ni toog biwonjiɛm a laginn ban be Judiya wee ki be Masiya ni nle. Ni jin fala ni tɔɔl a bol yaabin le ke biwonjiɛm a laginn nmɔn kaah nan jin fala Juu yaab a nɔɔn man nin,

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

2 Tesalonika 3:4

Uyudaan che ti jɔɔ tidindann ni bu ke ni tun, ki le mann tun ke taah bei ni man nin.

2 Timoti 4:22

Uyudaan li be nin a naaŋ. Linyunyunbasanl li be a bu.

Jemisi 1:22

Ni laa pelig imɔleen nin a binba, wee ki lar niba. Ni tum yaah len man nin.

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,

1 Jɔnn 3:22

ki li kan nan biɛn wee ti miɛ U, nan bu-n ti chee U siima, ki tun nan li gbee U num.