Filipi 4:8 - UWONBƆR A GBƆNPƆŊ LIKƆƆNL

⁸ Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

Uwumbɔr aagbaŋ

⁸ Nnaabitiib, kookoo yaan le ye ke ni li dak ilandak i ye mbamɔn na, ni i kpa laasaab na, ni i tok na, ni i ye chain na, ni i ŋan na, ni i kpa lisil na. Ni cha ilandak imɔk ŋan ki ŋeer mpakm na li joo nimi.

Filipi 4:8 ပူးပေါင်းရင်းမြစ်များ

Matiu 22:16

Bi nan tun bi bɔɔnɔɔb biba nin Herɔd a ninfob u ban, le bi tan baan u ke, “Wan wɔɔn, ti nyi ke a ye ubamɔn pagir le, ki wɔɔn bininfob Uwonbɔr a bɔr nbamɔm nan bu-n a baga kaa be bininfosaalib kaah ye ban ni.

Tibɔnyaan ti Mak ŋmee ti na 6:20

Nan bu-n, Herɔd nan san Jɔnn le, u nan nyi Jɔnn kaah ye upoopendaan wan san Uwonbɔr. Mambu le u nan fee Jɔnn ki jaa. Jɔnn kaah nan mɔɔn Uwonbɔr a bɔr nmɔn Herɔd nan pelig le, ni nan bii u sufu pam, amaa le u le pɔɔn uba ki pelig u bɔr nmɔn.

Tibɔnyaan ti Luk ŋmee ti na 16:15

Le u bei bi ke, “Nim ban wɔɔnn ni ba ke ni ye bibuchim bininfob ban nan, amaa Uwonbɔr nyi ni sufu ni. Nan wee uninfosaal tiɛr u sufu ni ke ni ye niwann ŋann tan kagin, amaa Uwonbɔr ban ni ye yɔli le.

Tibɔnyaan ti Luk ŋmee ti na 2:25

Uja uba le nan be Jerusalam, bi nan yi u ke Simiɛn. U nan ye uninfo buchinn le ki sin ŋmag Uwonbɔr a siimin nbamɔm, le Kasi a Naaŋ nan be u bu, ki lig lidaal man wee Uwonbɔr na li fee Iziral yaab ki jaa.

Tibɔnyaan ti Luk ŋmee ti na 23:50

Uja uba nan be le u yinl ye Josef, u nan ye Juu yaab a laguŋ a ninfo wan ye ubamɔndaan le,

Jɔnn 7:18

Wan pag u tɔɔl a bɔr ke u pag man un kan u tɔɔl a jilima le, amaa wan tun ki ban Uwonbɔr wan nan tun win kan jilima ke u ye ubamɔndaan le; waa jɔɔ igalin iba.

Lituln 10:22

Le bi jiin ke, “Kɔnelu le tun ti, u ye Rom yaab a tɔtogib a sanliiru le, ki ye uninfo buchin, ki san Uwonbɔr, le Juu yaab biɛn tenn u jilima. Kasi a malaka le dan ki nan bei u ke un yiŋ wee a dan u niin, wee un gbir nan wee a li pag sei u.”

Lituln 22:12

“Uja uba mu a yinl ye Ananiɛsi nan dan ke un nan kam. U nan ŋmag Uwonbɔr a siimin nbamɔm, ni bu Juu yaab ban nan be Damasiko nan tenn u jilima le takpem.

Lituln 6:3

N nabum, ni lig wee ki gann bijab bilile ni sisiigin, ban wee ni nyi ke bi gbee nin Kinaaŋin nin nlam gɔr kaam, wee ti ta man a toon ki sei bi,

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

Rom Yaab 13:3

Ni ma bu ban ŋmag tininkper a pɔɔmin kaa ye kuwansanwaŋ ki sei bininfob ban tun nan ŋan ni, amaa ban kaa tun nan ŋan nin. A ban a li be a wiib ki laa san wan ŋmag tininkper a pɔɔmin naa? Man ke li tun nan ŋan na wee un pagiŋ.

Rom Yaab 14:18

nan bu-n uninfo wan ye Masiya a toontunn u wee ki tun man ke ni gbeeg Uwonbɔr a num le, le bininfob chee sei ke ni ŋan.

Rom Yaab 2:29

Aai wan ye Juu a ninfou ke u ye Juu a ninfou u sufu ni le, le lipunjiil bamɔnl mu be sufu ni le, ki ye kinaaŋin, naa ye nan sɔb dɔ kugbɔŋin nin a binba, u yaa daan gaa u pag Uwonbɔr ban le naa ye uninfo ban ni.

1 Korenti 4:5

Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

2 Korenti 13:7

Daandaan nan ti miɛ Uwonbɔr ki tenn ni ke ni laa tun niba a biri. Naa ye ke bininfob n kan taah nyaŋ limagilin man ni, amaa ti ban ni tun nan ŋan, hali gbaa ni yin nann ke ti walin gur le-n.

2 Korenti 6:8

biba tenn ti jilima le biba mu kaa tenn ti jilima, biba pag ki mann ti le biba mu pag ki bii ti; ti ye bibamɔn pagib le amaa le bi yin ti tibɔkardam;

2 Korenti 8:18

Ti li che ti na big kiba nnɔɔ u ki dan ni ban. Ti na a big nmɔn kaah mɔɔn Uwonbɔr a bɔŋann nin man ni bu che biwonjiɛm a laginn biɛn pagir u le.

2 Korenti 8:21

Ti boni kaa ye ti tun nan ŋan Uwonbɔr a numbimin a binba le, amaa ti ban ti tun nan ŋan le bininfobin tɔɔl a numin.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Efesusi 4:25

Mambu ni laa ji por tibɔkar ki tenn tabi, uninfo biɛn li pag ibamɔn ki tenn u kunkɔɔn taba, ke ti biɛn ye tigbanann tiba a ninfob le.

Efesusi 5:9

(nan bu-n nwonween a loonl ŋan ki jɔɔ nbuchin binben nin ibamɔn)

Efesusi 6:14

Ni mann ki baan sir nbamɔm, ki ta ibamɔn a changbam ki lol ni cham, ki li jɔɔ nbuchin binben man be ke tukur tan wee bi jɔɔ piig ligbingbanl bu-n,

Filipi 3:1

Ni joorimin n nabum, ni che ni li mɔ ni Uyudaan buu! Naa ye tibɔr mugkaar ki seim nin n ji sɔb maah nan sɔb nan sei ni-n jigin ni, ni ma yin guu ni.

Kolosiya 4:5

Ni chee ni num li ween nin naah be nin ban kaa nɔɔ Yisa nan, wee ki laa bii ni saŋi yan biɛn wee ni kan ni.

1 Tesalonika 4:12

naah li ŋa man wee ni binbem li ye jilima ki sei ban kaa ye biwonjiɛmin, wee ni laa be uba bu.

1 Timoti 2:2

ki li miɛ ki tenn bibɔrtiib nin biyudam biɛn wee ti fir be soon nin nposɔɔn ki li jɔɔ nwonjiɛn binben ki li be kasi.

1 Timoti 3:11

Ni ye man le ki sei bititerib nmɔn a piib mu, bi li ye ban jɔɔ jilima, ki laa ye bibɔɔnsubi, amaa wee ki laa ye ban jɔɔ kiŋuufiiŋi ki li be soon ki ye ban wee bininfob ŋa bi yada.

1 Timoti 3:4

Ni kpaa talar le nin u li ye wan fir ŋmag u niin yaab nbamɔm, wee u buwaab mu li tenn u jilima.

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

1 Timoti 5:2

ki li ŋmag bipiininkpeeb ke a namin, ki ji li ŋmag nbisiɛm ke a ninsiɛbin nin kasi a binbem.

Taitus 1:8

Amaa ni kpaa talar le nin u li gaan bicham, ki li ye wan ban nan ŋan, ki li ye wan fir chor u ba, ki li ye wan jɔɔ lasaab, ki li be kasi nin uba a ŋmagimin.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Taitus 2:2

Wɔɔn bininkpeebin wee bin fir ki ŋmag biba wee ki laa fiin bi ŋu yi, ki li jɔɔ nbinben ŋan nin jilima, ki li fir chor bi ba, ki li nɔɔ ibamɔn a wɔɔm, ki li jɔɔ njiɛm, ki li pɔɔn biba bi fala a jimin.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Hiibru Yaab 11:2

Ni niɛ nan bu le yaaja yonn a ninfob nan jɔɔ kupag.

Hiibru Yaab 13:18

Ni li miɛ Uwonbɔr ki tenn ta. Ti nyi ke ti jɔɔ potiɛri yan ween le ti ban ti li be jilima a binbemin niwann biɛn nin.

Jemisi 1:27

Liwonjiɛnl lan wee ti Baa a num gbeeg ke li ye kasi kaa jɔɔ tibir ye nan le: Nkpeebim nin ipukɔɔ a terim bi bɔmugkaarin nin choonba ki jiin dulinya nan a ŋmaruŋ paam.

Jemisi 3:17

Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 4:8

Nan jon niwann biɛn ye ni li jiɛ tab le nbamɔm, nan bu-n njiɛm deginn tibir takpem bu le.

2 Piita 3:1

N jɔtiib, n gbɔŋ ku niɛ nan le nin kpiɛ milee. Tigbann nmɔn a poolin, n sɔb le ti ye literil ke n ligir ni sufu wee ni tiɛr nan ŋan.

1 Jɔnn 3:18

N buwaab, ni laa che ti jiɛm ye imɔleen bee lilanbil a binba, amaa ni li nɔɔ nin itoon nin ibamɔn.

1 Jɔnn 3:3

Uninfo wan biɛn jɔɔ tama Uwonbɔr ni ke, udaan ŋa uba le kasi ke Yisa kaah be man ni.

1 Jɔnn 4:1

N jɔtiib ni laa ŋa kinaaŋ biɛn yada, amaa ni mag kinaaŋ biɛn njee ki nyan Uwonbɔr ban na, nan bu-n tibɔkar a linlem takpem dan dulinya nan yaan na.