Filipi 4:20 - UWONBƆR A GBƆNPƆŊ LIKƆƆNL

²⁰ Ti Baa Uwonbɔr n gaam kupag n-yonn nin n-yonn. Ibamɔn.

Uwumbɔr aagbaŋ

²⁰ Cha ti li nyuŋni Tite Uwumbɔr n‑yoonn mu kaa kpa ndoon na. Amii.

Filipi 4:20 ပူးပေါင်းရင်းမြစ်များ

Matiu 28:20

ki wɔɔn bi wee bin chee nan wee n pii wɔɔn nimin n biɛn. Ibamɔn bu n yin be ni ban le hali nin dulinya a diɛm.”

Matiu 6:9

“Naah li miɛ Uwonbɔr man sɔ: ‘Ti Baa wan be paab, che a yinl li be kasi,

Rom Yaab 11:36

Nan bu-n niwann biɛn nyan U ma ban le; le niwann biɛn be U bu le U ye niwann biɛn. U ma kpaan npagim hali n-yonn man kaa jɔɔ ndiɛmi! Ibamɔn.

Rom Yaab 16:27

ni pagim Uwonbɔr wan a binba ye ulandaan nan, hali nin n-yonn man kaa jɔɔ diɛm! Ibamɔn.

Efesusi 3:21

U ma Uwonbɔr ye kupag biwonjiɛm a laguŋ nin Masiya ni ki tan kpaa n-yonn man nan jon nin a ninfob biɛn, nin n-yonn man kaa jɔɔ diɛm nan! Ibamɔn.

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 4:23

Uyudaan Yisa Masiya a nyunyunbasanl li be ni naamin. Ibamɔn.

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

Juud 1:25

Ti sei Uwonbɔr wan be U binba wan ye ti feeru ki jɔɔ kupag, nin jilima, nin npɔɔn, nin tininkper a pɔɔm, ti Yudaau Yisa Masiya a yinlin, iyoo yan nan jon nin, nin daandaan nan nin iyoo yan kaa jɔɔ diɛm! Ibamɔn.

Tibɔkpiirkaan 1:6

le ki che ti ŋa u naam a ninfob nin biminmanib ke ti li jiɛn Uwonbɔr wan ye u Baa-n, u binba le kpaan nin kupag nin npɔɔn iyoo nin iyoo! Ibamɔn.

Tibɔkpiirkaan 11:13

Iyaayoo nmɔn le kutingbɔŋ dam takpem, le kitiŋ nmɔn a niin piig a poolin nkerim nbaba lu, le bininfob turilile nan kpo kutingbɔŋ nmɔn a damim ni, le bijawaam nan choo ban gurin, le bi sei Uwonbɔr wan be paabin kupag.

Tibɔkpiirkaan 14:7

Le u pag nin nkukɔpɔɔn ke, “Ni li san Uwonbɔr wee ki li tenn U kupaga, nan bu-n U bɔjil a yoon foou. Ni li jiɛn wan nan naan paab, nin kutingbɔŋ, nin limɔgil nin nnyunbuma.”

Tibɔkpiirkaan 5:12

Ki gaah ilan nin ikukɔl yan pɔɔ ki ke, “Kipeebig kan wee bi nan kɔrin le kpaan, nin un gaa npɔɔn nin lifaal, nin nlamgɔrikaam, nin ngbananpɔɔn, nin jilima nin kupag nin ndom!”

Tibɔkpiirkaan 7:12

ki ke: “Ibamɔn! Ndom nin kupag, nin nlamgɔrikaam nin kunɔɔpoog nin jilima nin npɔɔn nin ngbananpɔɔn ye ti Wonbɔru yaan le hali nin iyoo yan kaa jɔɔ diɛmi. Ibamɔn!”