Filipi 4:19 - UWONBƆR A GBƆNPƆŊ LIKƆƆNL

¹⁹ Le n Wonbɔru li ta U jilima a jɔɔm man be Masiya nin ki sei ni.

Uwumbɔr aagbaŋ

¹⁹ Uma Uwumbɔr u m dii u na le ga tii nimi naah lann pu na mɔmɔk; waah kpa liwankpal sakpen paacham pu na, kina le u ga tii nimi, Yesu Kristo pu.

Filipi 4:19 ပူးပေါင်းရင်းမြစ်များ

Matiu 6:32

Ban kaa ye Juu yaab n ti mugir bi potiɛl ni niɛ nan biɛn bu le; amaa ni Baa Uwonbɔr wan be paab nan pii nyi ke ni ban ni niɛ biɛn.

Jɔnn 20:17

Le Yisa bei u ke, “Laa bibim ki ŋmag mi, nan bu-n maa la jir Baa-n ban ni. Amaa li chaa n nabumin ban ki tan bei bi ke, ‘N chaa jir N Baa nin ni Baa, N Wonbɔru nin ni Wonbɔru win ban le.’ ”

Jɔnn 20:27

Le ki bei Tomasi ke, “Ta a nɔɔbil ki nan bɔ doou; lig n nɔɔi. Tann a nɔɔ ki bɔ n logi a boi nan yaan na ki jiɛn nbiɛnim wee ki ŋa yada.”

Rom Yaab 1:8

Chinchinn, Yisa Masiya bu le n poor n Wonbɔru ni biɛn nan bu, nan bu-n dulinya nan yaan biɛn bi pag ni yada buu.

Rom Yaab 11:33

Uwonbɔr-a, U lam nin U biɛm nyɔɔ le ki yab lagir! U bɔr a jim pɔɔ nin uninfo n biɛ, le uba kaa li fir nɔɔ U sami!

Rom Yaab 2:4

Bee a ziɛn Uwonbɔr a binben ŋamin a yabim nin U chee sei nin U mɔril nlee, kaa nyi ke Uwonbɔr kaah jɔɔ nbinben ŋan man nin ban a kpenn a binbem lee?

Rom Yaab 8:18

N chee ke fala kan wee ti ji daandaan nan kaa foo ti ta bigin kupag kan wee Uwonbɔr na yin kpiir ti ni nni.

Rom Yaab 9:23

Ke ni ye U ŋa man ki ban bin biɛ U pag takpeŋ kan wee U ta ŋa bi ni-n, ban wee U nan chinn ŋa bi sili ki guun kupag nmɔn nin,

2 Korenti 12:21

N san bijawaam le ni ye n ji jirin ni ban ke Uwonbɔr li seim jiininba ni nintogil, n na li jɔɔ lisufubiil nin ban tun tibir wee kaa la kpenn bi binbemin ki nyan tijaginn nin iwanjaab toon nin nwanchɔgin binben, ni ma nin ye bi tooi.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 2:7

U nan tun ni niɛ ke n-yonn man chaan nan u li wɔɔn uninfo biɛn u nyunyunbasanl lan kaa jɔɔ magimin, ki wɔɔn ti u binbenŋam Masiya bu.

Efesusi 3:16

N miɛ Uwonbɔr le ke Un ta U jɔɔm a pagim ki pɔɔg ni gbanann nmɔn U Naaŋ kan be ni nin bu,

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Filipi 4:7

Le Uwonbɔr a posɔɔm, man yab ki lagir uninfosaal a biɛm bu-n le che ni ŋmag Masiya ni sufu ni nin ni potiɛlin.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 3:16

Ni che Masiya a bɔŋann nin li be nin ni nbamɔma, wee ni li wɔɔn ni tab, ki gbeer tab nin nlamgɔrikaam, ki li gaah ilan, liwonpagil a lan, nin Kinaaŋ a lan nin linungbeel ni sufu ni ki sei Uwonbɔr.

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

1 Timoti 6:17

Kpaan ban ye bijɔɔndam dulinya kan yaan wee ti be nan ke bi laa jɔɔ kalanbaani bee ki ta bi tama ki ŋa njɔɔm man kaa si bogiliba nan yaan ni, amaa bin che bi tama li be Uwonbɔr ban, wan tenn ti njɔɔm man biɛn wee ti jɔɔ ter tiba-n.

Filemonn 1:4

Iyoo biɛn n le poor n Wonbɔru le ki tiɛr a bu n wonmiɛlin,

1 Piita 5:1

Nim ban ye bininkpeeb ni sisiigin ni, n balin ni le maah ye ni ninkpekpiɛgin, wan jin siɛra Masiya a fala a jim nin min wan na li kan n tol u pag a kpiirimin nin:

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.