Filipi 4:17 - UWONBƆR A GBƆNPƆŊ LIKƆƆNL

¹⁷ Naa ye n ban ipiin le, amaa n ban ni kan tinyɔɔr tan yin kpiɛ naah jɔɔ nan nin le.

Uwumbɔr aagbaŋ

¹⁷ Naa ye ke m ban ipiin la. Naah tii mi ipiin pu na, nima le ni ga li moo kpa tinyoor. Nima le m ban.

Filipi 4:17 ပူးပေါင်းရင်းမြစ်များ

Jɔnn 15:16

Nim li kaa nan gann mi, amaa min li nan gann ni ke ni lo iloon yan kaa jɔɔ diɛmi. Wee Baa-n li sei ni niwann nan biɛn wee ni baan u n yinl bu.

Jɔnn 15:8

Ni nan li ye n Baa a pag, ke ni lo iloon takpem, ki wɔɔn ni ba ke ni ye n bɔɔnɔɔb le.

Rom Yaab 15:28

Ni bɔɔn bu ni ye n tan tun diɛ wee ki kan ke bi gaa ipiin nmɔn ke, n li nɔɔn nan gɔnn ni wee ki jo jo Sipenn.

2 Korenti 11:16

Jigin n li pag ke: Uba nlaa yim kujɔrugi. Amaa ni ye ni yim kujɔrug ke, ni gaam naah bi li gaa kujɔrug man ni, wee n fir fa ligbingbanl wama.

2 Korenti 9:5

Mambu le n tiɛr ke ni ŋan nin n balin ti nabumin, wee bi chinn gɔnn ni wee ki mann tibuchinn a piini yan wee ni nan siin limɔsiinlin ki diɛ. Le i ŋa sili ke ibuchin piin ni, ni ma wɔɔn ke ni ŋa ni tɔɔl a bamin le naa ye uba le mug ni.

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 4:11

Naa ye maah lann niba bu le n pag man nin, amaa n tinn le ki che n num gbee maah jɔɔ nan n-yonn biɛn nin.

1 Tesalonika 2:5

Ni nyi ke taa la nyi ki dan nan pag ni nmɔmɔmi, bee tibɔr tan degin kujaŋuuŋ a bɔri, Uwonbɔr le ye ti siɛra daau.

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 6:10

Lilig banl ye titoonbir biɛn a sibonl le. Bininfob ban ban ilig ki tan lagir nmɔn a yada bora, le bi sufu nin gbee nin npoobiin takpem.

Taitus 1:7

Nibu, uwonjiɛn sanliir kaah ŋmag Uwonbɔr a toon yin ni, naa ŋan nin u li jɔɔ igalin bee ki mugir u tabi, ki laa ye wan a ŋuul fii yɔli yɔli, ki laa ye udanyugbeeri, ki laa ye ukɔnban bee ki laa ban tinyɔɔr tan kaa jɔɔ jilima.

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

1 Piita 5:2

Ni li kpaa Uwonbɔr a peei yan wee u taa ŋa ni nɔɔn nin na, ki li tun ke uwonjiɛn sanliira wee ni laa ye bi mug ni le amaa ni tɔɔl a bam bu, ke Uwonbɔr kaah ban ni li be man nin; kaa ye ilig a bam bu, amaa ki li ye ban ŋa sili nin ni tun;

2 Piita 2:15

Bi ta nsan man telin le gab ki bor ki nɔɔ Balaam Bɔɔr a bija, wan ban npooton a yɔrin.

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

Juud 1:11

Bi woo tibɔbir be bi bu! Bi gaa Kenn a toon le, bi ban tinyɔɔr le weem weem le ki kɔɔ Balaam kaah kɔnn nin bininkpeeb; le ni bii bi Kɔra mɔyiilin bu.