Filipi 3:9 - UWONBƆR A GBƆNPƆŊ LIKƆƆNL

⁹ wee ki li be nin u, wee ki laa jɔɔ min tɔɔl a buchin binbem man nyan nsiimin yaan ni, amaa maah ŋa Masiya yada n bu le n jɔɔ nbuchin binben man nyan Uwonbɔr ban n yada n bu.

Uwumbɔr aagbaŋ

⁹ ki kpaan u ni. M yaa dii Moses aakaal kan, nima le aan cha Uwumbɔr len ke maabɔr ŋan. Maah gaa Kristo ki kii na, nima le cha Uwumbɔr len ke maabɔr ŋan; m gaa Yesu Kristo ki kii le ki ŋan Uwumbɔr chee.

Filipi 3:9 ပူးပေါင်းရင်းမြစ်များ

Matiu 9:13

Amaa ni li chaau ki tan tinn ki biɛ ni taai: ‘N ban linyunyunbasanl le, naa ye kumanugi.’ Nan bu-n maa dan ke n nan yin bibuchim le, amaa tibirdam.”

Rom Yaab 1:17

Tibɔŋann nin yaan le nbuchin binben man nyan Uwonbɔr ban nin kpiir npaan ni, nbuchin binben man nyan ti yada-n npiinimin nin ndiɛmin, ke naah sɔb man Uwonbɔr a gbɔŋin ke: “Ubuchin li kan limiɛfol yada bu.”

Rom Yaab 10:10

Nan bu-n a sufu ni le a ŋa yada le Uwonbɔr ke a bɔr ŋan, a mɔnn le a yaar ki pag le ki kan feegab.

Rom Yaab 16:7

Poor Anduroniku nin Juniɛsi ban ye n bol yaab ki ji ye n loondiig kɔɔn tabin. Bi jɔɔ liyinl Masiya a tooi yin ban, bi nan chinn ŋa Masiya yada nin ma.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

1 Korenti 1:30

U ma Uwonbɔr bu le nim be nin Masiya, le u tenn ti U tɔɔl a lam. U ma ŋa ti bibuchim, ki ŋa ti kasi, le ki sei ti nkpenim a manug.

2 Korenti 5:17

Ni bu uninfo wan be Masiya ban ke, udaan nin ye uninfopɔɔn le, u binben kpegim nbiɛn jon na, le nbinben pɔɔn dan!

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

Galantiya 2:16

ti nyi ke naa ye uninfo wan ŋmag nsiim le bi ke u ye uninfo ŋan Uwonbɔr ban ni, amaa ban ŋa Yisa Masiya yada-n. Ti tɔɔl ŋa Masiya yada le ke nin che ti bɔr li ŋan Uwonbɔr ban, ti yada n bu, amaa naa ye taah ŋmag nsiim n bu, uba kaa li fir ŋa uninfo ŋan Uwonbɔr ban nsiimin bu.

Filipi 3:6

ni ye nsiim nmɔn a ŋmagim a nunmanl bu ke, n nan mugir biwonjiɛm a laguŋ; ni ye nbuchin binben nin limɔcheel ki tenn nsiimin ke, maa jɔɔ igalin ni.

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Taitus 3:5

le U fee ti gab, naa ye ibuchin toon le ti tun ni, amaa U nyunyunbasanl bu. U fee ti gab waah nan fun ti nnyum ki sei ti nmaal pɔɔn nin kinaaŋ pɔŋ Kasi a Naaŋ a pɔɔm bu,

Hiibru Yaab 6:18

Uwonbɔr ŋa tiwann tilee nan le taa jɔɔ kpenimi, ti ma ye limɔsiinl nin tipoor tan bu wee ni li pɔɔ nin Uwonbɔr n por tibɔkar. Mambu tim ban kan wunwoon bol u ban ni, ni ŋan nin ti li ŋmag ti tama kan be ti nintogilin nin lipoobil kenken.

Jemisi 3:2

Tiwann takpemin, ti biɛn tun ki bura. Ni ye uba kaa nyi ki pag burin u pipagirin ke, u yaadaan ye kasi daan le, ki li fir ŋmag u gbanann nbamɔm.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

1 Jɔnn 3:4

Wan tun tibir ke u bii nsiima; ibamɔn bu, tibir kaa ŋmag nsiimi.