Filipi 3:8 - UWONBƆR A GBƆNPƆŊ LIKƆƆNL

⁸ Ni la yab ki jon ni tɔɔ, maah ta niwann biɛn gab nin maah gaa Masiya n yudaau wan jɔɔ tinyɔɔr ki jon niwann biɛn nin, uma bu le n ta niwann biɛn gab. Min ban ke ni ye lifatanpol a mɔɔr le naah li ŋa man wee n fir ki gaa Masiya,

Uwumbɔr aagbaŋ

⁸ Ni ye mbamɔn la, m yii tiwan mɔmɔk ke naa ye nibaa, ke m li nyi Yesu Kristo u ye Ndindaan na. Maah nyi u pu na, nima le jer tiwan mɔmɔk. U pu le m di tiwan mɔmɔk lii, ke ni ye timoor la, ke m gaa uma,

Filipi 3:8 ပူးပေါင်းရင်းမြစ်များ

Tibɔnyaan ti Luk ŋmee ti na 1:43

Amaa ba ŋa wee Uwonbɔr ŋaam tinyɔɔr man naa, ki che n Yudaau a na dan ke un nan gɔnnimaa?

Tibɔnyaan ti Luk ŋmee ti na 11:20

Amaa ni ye n ta Uwonbɔr a pɔɔm le n nyan nnaanbiim bininfobin ke, man ke Uwonbɔr a naamin pii foon ni ban na.

Jɔnn 14:20

Lidaal nmɔn ni na li biɛ ke n be nin n Baa le, le ni be nin min, le n be nin ni.

Jɔnn 14:7

Ni ye ke a sin nan biɛm ke, a li biɛ n Baa-n baantɔɔl. Daandaan nan ki jɔɔ chaa, a num kan wa le ki biɛ wa.”

Jɔnn 16:3

Bi li tun ni nan biɛn, nan bu-n baa nyi Baa-n bee min ni.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 17:8

Nan bu-n n ta imɔleen yan wee A ta seimin ki sei ba, le bi gaa i. Bi nyi ibamɔn ke n nyan Fin ban le, ki ŋa yada ke Fin le tunim.

Jɔnn 20:13

Le malakam nmɔn baan u ke, “Upii ba ŋa wee a mɔraa?” Le u ke, “Bi yuur n yudaau a gbanann le, maa nyi baah ta u ŋa nan yaan ni.”

Jɔnn 20:28

Le Tomasi bei u ke, “N yudaau nin n Wonbɔru!”

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Rom Yaab 8:18

N chee ke fala kan wee ti ji daandaan nan kaa foo ti ta bigin kupag kan wee Uwonbɔr na yin kpiir ti ni nni.

Rom Yaab 8:39

kaa ye nkpikper bee nnyunyɔɔni, kaa ye tiwann yɔɔr tan be tiwann naan wann nin biɛn ni, ni ba kaa be ki li fir bɔgir ti nyan Uwonbɔr a jiɛm man be ti Yudaau Masiya ni-n yaan ni.

1 Korenti 2:2

Amaa maah nan be ni ban ni, maa nan ban n biɛ niba ki ji kpiɛ see Yisa Masiya nin u kum lidapunpunl nbu.

1 Korenti 9:10

Ibamɔn tim le u pag ki sei, naa ye man naa? Nn, ni sɔb sei tim le, nan bu-n wan ko nin wan kuur biɛn jɔɔ tama uba le ke bi naah li por idi nmɔn.

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

Galantiya 1:16

ki kpiir U bija wan be n ni-n ki wɔɔn ke n ta u ki mɔɔn ki sei ban kaa ye Juu yaabin, maa nan gbeer uba,

Efesusi 4:13

Nin ti biɛn nan n nan fir kpaag bimɔb ti yada-n wee ki chegir ki biɛ Uwonbɔr a bija-n, wee ti binbemin gbee ki foo Masiya a binbemin a magir.

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

Filipi 3:10

N ban n li nyi Masiya le nin u kum a fiim a pɔɔmin ki li jɔɔ nɔɔnintab nin u, ki ji fala wan wee u nan jin nin, ki li be ke uma nin u kumin,

Filipi 3:12

Naa wɔɔn ke min nyaŋ ni niɛ biɛn le, bee min yaa binbem ŋan ki tan diɛ, amaa n pɔɔn nba le ki gbaar n choo nan bu wee Masiya nan choo min.

Filipi 3:7

Amaa nan biɛn nan ye tinyɔɔr ki seimin daandaan nan min lig ki miin ni ye yɔli le, Masiya bu.

2 Timoti 4:6

Bi pii kpaarim wur le ke kumanug a daamin, le isaŋ foou nin n fɔr dulinya nan yaan na.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

1 Piita 2:7

Ki ta jiin nim ban ŋa yada-n paam, litangbagil nmɔn jɔɔ linungbeel. Amaa ban kaa ŋa yada ma ban, “Litangbagil lan bitanmaab yii lin nan labir litangbagil lan ŋmag nmaan nni le,”

2 Piita 1:2

Uwonbɔr a nyunyunbasanl nin nposɔɔn li be ni bu takpem, naah biɛ Uwonbɔr nin ti Yudaau Yisa nbu.

2 Piita 1:3

Waah jɔɔ Uwonbɔr a pɔɔm man nin bu che ti jɔɔ taah ban nan limiɛfolin biɛn nin nwonjiɛn binben taah biɛ u nbu, wan yin ti u baantɔɔl a pag nin u ŋam bu-n.

2 Piita 1:8

Ni ye nbinben ŋan nan a bosu magir ni ki kpiɛ ke, mi li che naa li walin gurin bee naa li ye ban kaa jɔɔ nyɔɔri, ni biɛm ti Yudaau Yisa Masiya ni.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

1 Jɔnn 2:19

Bi nyan ti ban na, amaa baa sin ye ti yaabi. Bi bi ye ti yaab ke, bi bi li paar ti ban; amaa baah nyan ti ban nin nmɔn le wɔɔn ke bi ni uba kaa ye ti yaa wi.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.