Filipi 3:6 - UWONBƆR A GBƆNPƆŊ LIKƆƆNL

⁶ ni ye nsiim nmɔn a ŋmagim a nunmanl bu ke, n nan mugir biwonjiɛm a laguŋ; ni ye nbuchin binben nin limɔcheel ki tenn nsiimin ke, maa jɔɔ igalin ni.

Uwumbɔr aagbaŋ

⁶ Nnimbil nan man ke m ŋa Yesu aanib falaa. M nan dii Moses aakaal mbamɔm, kaa yii nkaal mbaa.

Filipi 3:6 ပူးပေါင်းရင်းမြစ်များ

Matiu 23:25

“Woo, nim ban wɔɔnn nsiim nin Farasii yaab nan, nim bilinlarib nan! Ni nir tiyiinyɔr nin nsam a bɔɔn le, amaa le ni poolin gbeen nin nnaayigim nin kujaŋuuŋ.

Matiu 5:20

N bei ni le ke, naa che ni buchim yab jon Farasii nin ban wɔɔnn nsiimin a buchinn ke, naa sin li fir kɔɔ paab a naamin ni.

Tibɔnyaan ti Luk ŋmee ti na 1:6

Zakariya nin u poo biɛn nan ye bininfoŋam le Uwonbɔr ban, ki nɔɔ u kaal nin u siim biɛn.

Lituln 21:20

Baah gbir u bɔr nmɔn nin, le bi biɛn pag Uwonbɔr. Le ki bei Pɔɔl ke: “Ti na a big, a kan Juu yaab turtur kaah ŋa yada man na, bi biɛn ji ŋmag nsiimin le kenken.

Lituln 22:5

a li ke kumanug a yudaau nin ti sanliib biɛn kaah li fir ŋa maah pag tan nan biɛn a siɛradam ke ni sin ye ibamɔn le-n. Hali gbaa n nan tan gaa tigbann bi ban ki ta tan sei bi nabum ban be Damasiko nan, ke n tan choo ban be niin ki nɔɔ Yisa nan, ki ta bi jirin Jerusalam ki nan ŋa bi kuloondiigin wee bin dar bi tuli.

Lituln 26:5

Bi nyim ke ni fɔg ki bi li fir ji n siɛra, ni ye bi ban ke, bi li fir wɔɔniŋ ke n nan ŋmag Farasii yaab a siim man pɔɔn le ki jɔɔ Farasii yaab a binbem.

Lituln 8:3

Amaa le Sɔɔl ma piin ki bii biwonjiɛm a laguŋ. Ki kɔɔ bi niin yin ki chor bijab nin bipiib, ki tan loog bi kuloondiigin.

Rom Yaab 7:9

Maah kaa la nan nyi nsiimin n-yonn man nin; n nan jɔɔ limiɛfol, amaa nsiim kaah nan nan foo nin, le tibir fii ki kan npɔɔn n gbanann nin le n kpo.

1 Korenti 10:32

Ni laa che uba nlu waah ye Juu a ninfou, bee Girig a ninfou, bee uwonjiɛn ni.

1 Korenti 15:9

Min le nan joor bɔɔn itoon nmɔn yaan kaa bi kpaan nin bi li yim ntoon ni, nan bu-n n nan mugir Uwonbɔr a ninfob le.

Filipi 2:15

wee ki laa jɔɔ igalin ni ki li be kasi, ke Uwonbɔr a buwaab ban kaa jɔɔ igalin, naah be dulinya biig kan yaan nin titoonbirdam a sisiigin nin bu, wee ni li nyagin ke iŋmabil yan be kutingbɔŋ nan yaan nin,

Filipi 3:9

wee ki li be nin u, wee ki laa jɔɔ min tɔɔl a buchin binbem man nyan nsiimin yaan ni, amaa maah ŋa Masiya yada n bu le n jɔɔ nbuchin binben man nyan Uwonbɔr ban n yada n bu.

1 Timoti 1:13

Hali maah le nan sugir u, ki mugir u, ki pag tibɔbir ki tenn win, u nan sam kunyunyunbaaga, nan bu-n maa nan nyi maah tun nan ni, maah kaa nan jɔɔ yada-n bu.