Filipi 3:18 - UWONBƆR A GBƆNPƆŊ LIKƆƆNL

¹⁸ A li ke maah pii gbaa bei ni man nin, hali ki nin bei ni nin tinyinyinn ke, bininfob biba a binbem ŋa Masiya a dapunpunlin a dataag le.

Uwumbɔr aagbaŋ

¹⁸ Tɔ, binib pam aah dii pu na, bi ye Yesu aadɔpuinkoo aadim la. M nan tuk nimi baabɔr n‑yoonn mɔmɔk, ki ki tuk nimi dandana wee, ni tinyunyunn la.

Filipi 3:18 ပူးပေါင်းရင်းမြစ်များ

Tibɔnyaan ti Luk ŋmee ti na 19:41

Yisa kaah nan tan mal Jerusalam ki kan kitiŋin, le u nan mɔɔ kitiŋ nmɔn bu

Lituln 20:19

N tun Uwonbɔr a toon le nin jiininba takpem nin tinyinyinn, nin nima biɛn ni n kan limagil takpem Juu yaab ban na.

Rom Yaab 9:2

n jɔɔ npoobiin le nin nan wu kan kaa jɔɔ diɛm n sufu ni.

1 Korenti 1:18

Masiya a kum lidapunpunlin bu-n a bɔr ye ijɔrig le ki sei ban borin, amaa tim ban kan feegabin n ma ni ye Uwonbɔr a pɔɔm le.

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

2 Korenti 11:13

Bi yaa ninfobol ye tibɔkar a tooi le, ki lar ke bi ye bitoontum le, ki ta biba kpann Masiya a tooi.

2 Korenti 11:29

Ŋma gbarig, wee min kaa gbarigaa? Ŋma wee bi che u kɔɔ tibirin, wee n sufu kaa gaan nŋmi?

2 Korenti 2:4

Maah nan sɔb kugbɔŋ nan ki tenn ni, n nan sɔb nin npoobiin le takpem nin tinyinyinn, naa ye ke n nan ban n bii ni sufu le, amaa n nan ban ni biɛ maah ban ni takpem man le.

Galantiya 1:7

taa le ye tibɔŋann ma kolibi. Ibamɔn buu bininfob biba li yin ta kuŋmaruŋ ki ŋa ni sufu ni ki degin ni Masiya a bɔŋann nmɔn.

Galantiya 2:14

Maah nan nan kan baah tun man nin kaa nɔɔ tibɔŋannin a bamɔn yin, le n bei Piita bininfobin biɛn a nintogil ke, “A ye Juu a ninfou le, amaa a be le ke ban kaa ye Juu yaabin, ŋaa nann Juu a ninfou wi. Ni ŋa nii wee a mugir ban kaa ye Juu yaab ki ban bin nɔɔ Juu yaab a kaalaa?

Galantiya 2:21

Maa yii Uwonbɔr a nyunyunbasanlin ni, ni ye nbuchin binben bi nɔɔ nsiim bu le ke, Masiya bi kpo yɔli le!”

Galantiya 5:21

nin linunchɔril, lidanyugbeel, nin lidanyugbeel a toonbir, nin ban tun man a booli. N bei ni le ke maah pii nan bei ni man nin, ban tun man nmɔn kaa na li kɔɔ Uwonbɔr a naamin ni.

Galantiya 6:12

Bininfob ban ban bin wɔɔn biba a ŋam npaan ni nin bi ma mugir ni ke ni jii ni pun. Nan bu che bi ŋaan man ye baa ban biba nmugir bi Masiya a dapunpunlin bu.

Galantiya 6:14

Min kaa li nyi ki fa ligbingbanli, see ti Yudaau Yisa Masiya a dapunpunlin a binba bu, u dapunpunl nmɔn le ku kutingbɔŋ nan a kɔlisa n gbanann nin, le n mu a kɔlisa nyan kutingbɔŋin na.

Efesusi 4:17

Ni niɛ nan le n bei ni, Uyudaan bu le n si maah pag n bɔr tan nan bu, ki ke ni laa ji be ke ban kaa ye Juu yaabin kaah be man nin ni, wee bi potiɛl kaa jɔɔ nyɔɔrin ni.

Filipi 1:4

Iyoo biɛn ni ye n miɛ Uwonbɔr ki tenn ni biɛn nan ke, n miɛ nin nmɔn le,

1 Tesalonika 4:6

ni ma bu tibɔr nan yaan uba laa tun ki bii u kpiɛg bee ki ji u kpiɛg dulimi. Uyudaan li dar bininfosaalib ban biɛn tun tibir nan a booli a tul, ke taah pii chinn bei ni ki kpaan ni man nin.

2 Tesalonika 3:11

Ti gbir ke biba be ni sisiigin ki ye bigbanyagdam. Baa tun nin inunman ni; amaa le ki sin jɔɔ bi nɔɔi kɔɔn biba a bɔrin.

2 Piita 2:10

Ni niɛ nan sin ye ibamɔn le ki jann tɔɔ ban nɔɔ kuŋmaruŋ kan ye bi gbanann a bamin ziɛn tininkper a pɔɔma. Bi ye ban jɔɔ ipoobil le nin ban jɔɔ kalanbaani, baa san bijawaam nin bin ŋa kutingbiig nin paab a wann naan wann tan fo;

Juud 1:13

Bi nann limɔgil a nyungbann tan fii takpemin le, le bi fai a toon nmɔn nann ke bichiib a puugin. Bi nann iŋmabil yan chon jin le. Uwonbɔr pii mann libunbɔnjal le li si guu bi.