Filipi 3:14 - UWONBƆR A GBƆNPƆŊ LIKƆƆNL

¹⁴ n jɔɔ inunman le ki gu chaa n num kaah paa nan bu-n ban ke n tan pii tiyɔr tan bu wee Uwonbɔr yim papaab Masiya bu-n.

Uwumbɔr aagbaŋ

¹⁴ Yesu Kristo pu le Uwumbɔr yin mi ke m dii nsan mu cha paacham na. Nima le nnimbil man ke m fuu nima, ki ti kan tinyoor ti Uwumbɔr ga tii mi na.

Filipi 3:14 ပူးပေါင်းရင်းမြစ်များ

Tibɔnyaan ti Luk ŋmee ti na 16:16

“Bi nan mɔɔn Nsiimin nin Bilinlem a bɔr le hali nin Jɔnn kaah nan nan foon. Naah nan nyan iyaayoo ki nan kpa daandaan nan, bi mɔɔn tibɔŋann tan pag ki jiin Uwonbɔr a niin a naam npaam le, le bininfob mugir biba ke bin nan kɔɔ Uwonbɔr a niin a naam nmɔn yaan.

Rom Yaab 11:29

Uwonbɔr a piin a seim nin U yim kaa kpenn ni.

1 Korenti 9:24

Naa nyi ke bitaaguum gu ke, utaaguun uba kpeŋileŋ le yin guun ki ji ki gaa tiyɔraa? Ni bu, ni li gu nin inunman na wee ki gaa tiyɔr.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

Filipi 3:3

Tim le ye ban gaa ibamɔn a pun jiil nmɔn, tim ban jiɛn Uwonbɔr kinaaŋin nin, le ki jɔɔ jilima taah be nin Masiya n bu, tim kaa jɔɔ tidindann tigbanann bu,

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 6:1

Mambu ni che ti jiɛn Masiya a bɔr tan ye npiinim a wɔɔnimin, wee ki ta nninkpelam ki wɔɔn ki jo nintogil, naa ji kpaa talar nin ti ji mann bil lifiɛl a bɔr tan wɔɔn ke ni jiɛn titoonbir tan ye nkum a samin a nɔɔma, amaa wee ki ŋa Uwonbɔr yada,

1 Piita 1:13

Mambu, ni ŋaam ni potiɛl sili ki tun itoon; ni choom niba; ki ta ni tama biɛn ki ŋa linyunyunbasanl lan wee bi na li sei nin, n-yonn man wee Yisa Masiya na yin kpiirin nin.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

2 Piita 1:3

Waah jɔɔ Uwonbɔr a pɔɔm man nin bu che ti jɔɔ taah ban nan limiɛfolin biɛn nin nwonjiɛn binben taah biɛ u nbu, wan yin ti u baantɔɔl a pag nin u ŋam bu-n.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.