Filipi 3:10 - UWONBƆR A GBƆNPƆŊ LIKƆƆNL

¹⁰ N ban n li nyi Masiya le nin u kum a fiim a pɔɔmin ki li jɔɔ nɔɔnintab nin u, ki ji fala wan wee u nan jin nin, ki li be ke uma nin u kumin,

Uwumbɔr aagbaŋ

¹⁰ M ban ke m bee Kristo, ni mpɔɔn mu fikr u nkun ni na, ki ji falaa u pu. M ban ke maabimbikpok kpo ke waah nan kpo pu na,

Filipi 3:10 ပူးပေါင်းရင်းမြစ်များ

Matiu 20:23

Le Yisa bei bi ke, “Tɔ ni sin li fir nyu n yiinyɔɔg nmɔn yaan, naa ye min le yin gann wan li kal n nɔɔjiim bee n nɔɔgami, nan bu-n kikaabol nmɔn pii ŋa sili ki guu n Baa kaah nan yin ta ban ki kaan niin n le.”

Jɔnn 10:18

Uba kaa fee n miɛfolin nmɔn n ban ni, amaa n tɔɔl a wiib le n ta bil bi. N jɔɔ tininkper a pɔɔm ki li fir taa ki bil nin tininkper a pɔɔm ki ji li fir gaa li. N nan gaa nsiim nan n Baa-n ban le.”

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

Rom Yaab 8:36

A li ke naah sɔb Uwonbɔr a gbɔŋin ke: “Fin bu le ti be nkum a daŋin lidaal biɛn; ki nann upee wan wee bi ŋa sili bin kɔrin.”

2 Korenti 1:10

U ma nyan ti nkum a daŋ takpeŋ n-yaan, U li nyan ti. U ma bu le ti jɔɔ tama ke U yin gbaa nyan ti le,

2 Korenti 1:5

Ti fala a jim Masiya a yinl bu kaah yab man nin, man le ti sufu sɔŋil mu na yin yabig ki tan lagir u ma Masiya bu.

2 Korenti 13:4

Nin ni bamɔn, bi nan kpaa u lidapunpunl bu u daburigi ni, ni biɛn yɔli u jɔɔ limiɛfol Uwonbɔr a pɔɔm bu. Man nmɔn bu le ti mu jɔɔ u daburigi nmɔn, ni biɛn yɔli Uwonbɔr a pɔɔm bu ti mu li jɔɔ limiɛfol nin Yisa ki tun ki tenn ni.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 6:17

N bɔjoor kaar ye nan le, uba laa ji mugirimi, n pii jɔɔ Yisa a daagim n gbanann nin.

Efesusi 4:13

Nin ti biɛn nan n nan fir kpaag bimɔb ti yada-n wee ki chegir ki biɛ Uwonbɔr a bija-n, wee ti binbemin gbee ki foo Masiya a binbemin a magir.

Filipi 3:8

Ni la yab ki jon ni tɔɔ, maah ta niwann biɛn gab nin maah gaa Masiya n yudaau wan jɔɔ tinyɔɔr ki jon niwann biɛn nin, uma bu le n ta niwann biɛn gab. Min ban ke ni ye lifatanpol a mɔɔr le naah li ŋa man wee n fir ki gaa Masiya,

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

Kolosiya 2:13

Ni nan ye bitakpiib le ni birin n-yonn iba, le kaa jɔɔ lipunjiil a bir a binbemin, le Uwonbɔr che ni jɔɔ limiɛfol Masiya ni. Le ki jiɛn per ti biɛn nan a bir,

Kolosiya 3:1

Mambu, ni nan fii nin Yisa nkumin na, ni ta ni sufu ki sei paab a naamin a wan yɔɔrin na, nan yaan wee Yisa ka Uwonbɔr a nɔɔjiim paamin.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

2 Piita 1:13

N tiɛr ke ni ŋan nin n li ligir ni potiɛl, n miɛfol kaah la be n gbanann nin,

1 Jɔnn 2:3

Ti nyi ni ye ti chee Uwonbɔr a siimin ke, ni ma li che ti biɛ U.

1 Jɔnn 2:5

Amaa wan biɛn chee u mɔbonlin ke, Uwonbɔr a jiɛm ŋa ibamɔn udaan ban na. Ni niɛ nan le che ti biɛr taah be nin Uwonbɔr man:

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.