Filipi 2:9 - UWONBƆR A GBƆNPƆŊ LIKƆƆNL

⁹ Ni ma bu le che Uwonbɔr don u papaab le ki sei u liyinl lan yab jon iyin biɛn,

Uwumbɔr aagbaŋ

⁹ Nima pu le Uwumbɔr nyuŋ u sakpen ki yoor u paacham, le ki tii u liyimbil li jer ŋiyimbil mɔmɔk na,

Filipi 2:9 ပူးပေါင်းရင်းမြစ်များ

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Tibɔnyaan ti Luk ŋmee ti na 10:22

N Baa le ta ni nan biɛn ki seim; uba kaa nyi Bija-n kaah ye wan ni see Baa nmɔn a binba, le uba mu kaa nyi Baa nmɔn kaah ye wan ni see Bija-n nin ban mu wee Bija-n gann ki kpiir ki wɔɔn ni.”

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 17:11

Maa ji yin be dulinya nan yaan ni, amaa bi ma la be dulinya nan yaan, min chaan A ban le. Baa wan be kasi, guur bi A yinlin a pɔɔm bu, liyinl lan wee A ta sei min bu, naah li ŋa man wee bin ŋa nba ke taah ye nba man nin.

Jɔnn 17:12

Maah la nan be bi ban nin, n nan guu bi le ki ŋmag bi A yinl lan wee A nan ta seim nmɔn a pɔɔm bu. Bi ni uba kaa bori see gab yɔli a ninfo win naah li ŋa man wee nin gbeen naah sɔb man Uwonbɔr a gbɔŋin nin.

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Lituln 5:31

Le ki don u ki tan kaan U baan tɔɔl a nɔɔjiim paam, ki ŋa u ki Bɔrbig nin Ufeer, ke Iziral yaabin kpenn bi binbema, wee un jiɛn bi toonbir ki per bi.

Efesusi 1:10

n-yonn nmɔn nan foo ke, U ni li tun ki gbeen U lol nmɔn, ki lagin waah nan naan nan papaab nin tum biɛn, wee Masiya li ye uyudaan.

Kolosiya 1:18

Uma ye tigbanann a yudaau, biwonjiɛm a laguŋ; ki ye npiinim nin kibininkpeeg kan nyan bitakpiib a sisiigin. Naah li ŋa man wee u li ye wan chinn niwann biɛn ni.

2 Tesalonika 1:12

Ti miɛ Uwonbɔr le ke un che ti Yudaau Yisa a yinlin kan kupag ni ni, wee ni mu n kan kupag u ni, ti Wonbɔru nin Uyudaan Yisa Masiya a nyunyunbasanl bu.

Hiibru Yaab 1:4

Le Masiya yab jon malakam biɛn, ke liyinl lan wee Uwonbɔr ta sei win kaah yab jon malakam a yin man nin.

Hiibru Yaab 1:9

Ŋaah ban nbuchin binben ki nan npooton ni; mambu Uwonbɔr, wan ye a weemin, nan kpaar nmɔn a kpam ki jaa a bu ki seiŋ tininkper tan yab jon a kpiɛtiib a ninkper.”

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

Hiibru Yaab 2:9

Amaa ti kan Yisa, wan wee Uwonbɔr nan jiin u tum wama malakam ban nin, daandaan nan, u chig kupag nin jilima a yuchigirig le waah jin nkum a fala-n bu, wee Uwonbɔr a nyunyunbasanl bu u nan che u kpo uninfo biɛn bu-n.

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

2 Piita 1:17

Nan bu-n u nan kan jilima nin kupag ti Baa Uwonbɔr ban n-yonn man wee, likukɔl nan nyan U jilima a pagin yaan ki len ke, “N bija sɔ, wan wee N jiɛ; uma le N num gbee.”

3 Jɔnn 1:7

Masiya a yinl bu le bi nan nyan, amaa kaa kan niba a teril ban kaa ye biwonjiɛmin ban ni.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 11:15

Le malaka wan kpiɛ milile mu pee u naatuŋ, le ikukɔpɔɔr be paab ki tann ki len ke: “Dulinya a naam kpann ti Yudaau nin U Masiya yaala, le u li ŋmag u naam hali nin isaŋ yan kaa jɔɔ diɛm.”

Tibɔkpiirkaan 19:16

U wann yeewann nin u panl bu, le liyinl liba nan sɔb paa ke: BIBƆRTIIB BIƐN A BƆRU NIN BIYUDAM BIƐN A YUDAAU.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.

Tibɔkpiirkaan 5:12

Ki gaah ilan nin ikukɔl yan pɔɔ ki ke, “Kipeebig kan wee bi nan kɔrin le kpaan, nin un gaa npɔɔn nin lifaal, nin nlamgɔrikaam, nin ngbananpɔɔn, nin jilima nin kupag nin ndom!”