Filipi 2:17 - UWONBƆR A GBƆNPƆŊ LIKƆƆNL

¹⁷ Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Uwumbɔr aagbaŋ

¹⁷ Ni yaa gaa Yesu ki kii ki tun waatuln mbamɔm kan, m kpa mpopiin ni pu. Bi yaa po ku mi kan, m kpa mpopiin.

Filipi 2:17 ပူးပေါင်းရင်းမြစ်များ

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Lituln 21:13

Amaa le Pɔɔl jiin ke, “Ba ŋa wee ni mɔr ki ku n gbanann naa? Naa ye ba tan yin lolimin a binba bu le n chaa, amaa n ŋa sili nin n tan kpo Jerusalam Uyudaan Yisa a yinl buu.”

Rom Yaab 12:1

Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

2 Korenti 12:15

Ni li mɔŋim pam, ni ye n ta n faal biɛn nin npɔɔm ki ter ni ke. Ni ye n ban ni takpem ke, nim ma yin bam wama lee?

2 Korenti 4:12

Ni bu nkum be mi toon ni le ti ni, amaa le limiɛfol mu be mi toon yin ni bu.

2 Korenti 6:10

ti jɔɔ npoobiin, amaa le iyoo biɛn ke ni mɔ ti, ti ye faladam le, amaa le ti che bininfob takpem kpann bijɔɔndam; taa jɔɔ niba, amaa le ki sin jɔɔ niwann biɛn.

2 Korenti 7:4

N jɔɔ tidindann takpem ni bu; nin ligbingbanfaal ni bu, n jɔɔ ngbanann pɔɔn takpem, nin ti yaa bɔmugkaarin biɛn n gbee nin nmɔn le.

Filipi 1:20

N nunman nin n tama ye le ke, n laa ji ifa, amaa wee ki li jɔɔ lipoobil daandaan nan nin iyoo biɛn, hali ni ye n kpo le bee n fo ke ni, n che Masiya a yinl nkan ndom n gbanann nin.

Filipi 2:18

Ni ma bu ni li jɔɔ npopeen wee ni li mɔ nin ma.

Filipi 2:30

nan bu-n ni nan gur wama nin un kpo Masiya a toon yin bu, ki ta u miɛfol ki tun ki seim naah kaa bi li fir terim nan ni.

Filipi 4:18

N gaa tiyɔr takpem ke ti yab tan lagira; n nin jɔɔ nan biɛn wee n ban, maah gaa ipiin yan biɛn wee ni nan ta sein Ipaforɔditusi n ni. Ki ye kumanug kan jɔɔ nbaam mɔɔm wee Uwonbɔr a num gbee le.

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

1 Tesalonika 2:8

Taah jiɛ nim takpemin bu le che ti nan mɔɔn Uwonbɔr a bɔŋann nin ki sei ni, naa ye tibɔŋann nin a binba amaa ki ban ti junn ti miɛfol ni bu taah ban nim takpem n bu.

2 Timoti 4:6

Bi pii kpaarim wur le ke kumanug a daamin, le isaŋ foou nin n fɔr dulinya nan yaan na.

1 Piita 2:5

ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.

1 Jɔnn 3:16

Ni niɛ nan le che ti biɛr njiɛm kaah ye nan: Yisa Masiya kaah nan gaa ti kum ki kpe-n. Ni ŋan nin ti mu nkpo ti nabum bu.